Nehemiya 10:36 - BIBELE Mahungu Lamanene

³⁶ Na vona vana va hina va mativula hi ta va yisa endlwini ya Xikwembu xa hina, eka vaprista lava tirhaka kona; hi ta yisa ni mativula ya swifuwo swa hina leswikulu ni leswitsongo, hilaha swi tsariweke hakona eNawini.

Xitsonga (Bibele)

³⁶ ni mativula ya vana va hina ni ya swifuwo swa hina, hilaha ku tsariweke hakona emilawini, ni ku tisa endlwini ya Xikwembu xa hina, eka vaprista lava tirhaka mitirho endlwini ya Xikwembu xa hina, mativula ya tihomu ta hina ni ya tinyimpfu ta hina.

Nehemiya 10:36 Referans Kwoze

Eksoda 13:2

“U fanele ku hlawula mativula hinkwawo ya vanhu ni ya swifuwo, u ma nyiketa eka mina; hinkwaswo leswi rhangeke ku velekiwa, exikarhi ka Vaisraele kumbe eka swifuwo swa vona, i swa mina.”

Vagalatiya 6:6

Loyi a dyondzisiwaka Rito, a a pambulelane ni mudyondzisi wa yena swilo swo saseka hinkwaswo leswi a nga na swona.

Duteronoma 12:6

Endhawini leyi, hi kona mi nga ta yisa magandzelo ya n'wina lama hisiwaka ni lama dyiwaka, ni vukhume bya n'wina, ni mihlengo ya n'wina, ni tinyiko leti mi tiboheke ku ti humesa, ni mativula ya swifuwo swa n'wina leswikulu ni leswitsongo.

Eksoda 34:19

“Hinkwaswo leswi rhangeke ku velekiwa i swa mina; mi ndzi hlawulela ni mativula ya swifuwo swa n'wina hinkwaswo, leswikulu ni leswitsongo.

Tinhlayo 3:13

hikuva mativula hinkwawo i ya mina. Hi siku leri ndzi heriseke mativula hinkwawo etikweni ra Egipta, ndzi hlawulekisile mativula hinkwawo ya vanhu ni ya swifuwo exikarhi ka Vaisraele, ma va ya mina. Valevhi va ta va vanhu va mina. Hi mina HOSI.”

Eksoda 23:19

“Leswi mi nga ta rhanga mi swi tshovela emasin'wini ya n'wina, mi ta swi tisa endlwini ya mina HOSI, Xikwembu xa n'wina. “Mi nga tshuki mi sweka ximbutana hi masi ya mana wa xona.

2 TIKRONIKA 31:5

Loko Vaisraele va twa xileriso lexi, va hatla va humesa leswi va sunguleke ha swona ku tshovela, swo kota mavele, ni vhinyo, ni mafurha, ni vulombe, ni swin'wana swa le masin'wini, va humesa ni vukhume bya swilo leswi hinkwaswo, loko va hetile ku tshovela.

Nehemiya 12:44

Hi siku rero ku hlawuriwa vavanuna lava nga ta va valanguteri va yindlu ya vuhlayiselo bya mihlengo, ni leswi rhangaka swi tshoveriwa emasin'wini, ni vukhume. Vavanuna lava a va fanele ku hlengeleta leswi, hi ku ya hi nawu, swi nyikiwaka vaprista ni Valevhi swi huma emasin'wini lama nga kusuhi ni miti. Vanhu va le Yuda a va tsaka swinene hi leswi vaprista ni Valevhi a va tirhisa swona,

Nehemiya 13:5

kutani a rhurhela Tobiya endlwini leyikulu leyi khale a va veka eka yona mapa ya magandzelo, ni mirhi ya risuna, ni swibya, ni vukhume bya mavele, ni bya vhinyo, ni bya mafurha. Swilo leswi hi ku ya hi nawu a swi nyikiwa Valevhi ni vayimbeleri, ni varindzi va le tinyangweni, kasi swin'wana a swi nyikiwa vaprista.

Malakiya 3:10

Tisani vukhume hinkwabyo endlwini ya vuhlayiselo, leswaku ku va ni swakudya eTempeleni ya mina. Kutani mina HOSI ya matimba hinkwawo ndzi ri: Ndzi ringeteni hi ndlela yeleyo, mi vona loko ndzi nga mi pfuleli mafasitere ya le tilweni, ndzi mi nisela minkateko hi ntalo.