Nehemiya 10:35 - BIBELE Mahungu Lamanene

³⁵ Naswona hi tiboha leswaku lembe rin'wana na rin'wana hi ta hamba hi yisa endlwini ya HOSI Xikwembu leswi hi rhangaka hi swi tshovela emasin'wini; hi ta yisa ni mihandzu yo sungula ya mirhi hinkwayo ya mihandzu.

Xitsonga (Bibele)

³⁵ ni ku neha endlwini ya Yehovha swirhangana swa tiko ra hina, ni swirhangana swa mihandzu hinkwayo ya mirhi hinkwayo hi lembe rin'wana ni rin'wana,

Nehemiya 10:35 Referans Kwoze

Duteronoma 26:2

mi fanele ku teka swin'wana swa leswi mi nga ta rhanga mi swi tshovela emasin'wini ya kwale tikweni leri HOSI Xikwembu xa n'wina xi nga ta mi nyika rona, mi swi chela exirhundzwini, mi famba na swona endhawini leyi HOSI Xikwembu xi nga ta yi hlawula leswaku vito ra xona ri gandzeleriwa eka yona.

Eksoda 23:19

“Leswi mi nga ta rhanga mi swi tshovela emasin'wini ya n'wina, mi ta swi tisa endlwini ya mina HOSI, Xikwembu xa n'wina. “Mi nga tshuki mi sweka ximbutana hi masi ya mana wa xona.

Tinhlayo 18:12

“Eka swa nguva leyintshwa leswi Vaisraele va ndzi humeselaka swona mina HOSI, ndzi mi nyika mafurha hinkwawo lamanene, ni vhinyo hinkwayo leyinene ni mavele hinkwawo lamanene.

Eksoda 34:26

“Leswi mi nga ta rhanga mi swi tshovela eka ntshovelo wo sungula wa le masin'wini ya n'wina, mi ta swi tisa endlwini ya mina HOSI, Xikwembu xa n'wina. “Mi nga tshuki mi sweka ximbutana hi masi ya mana wa xona.”

Tinhlayo 18:2

Loko wena ni vana va wena mi ri karhi mi tirha eka Ntsonga lowu nga ni Areka ya Ntwanano, mi ta vitana va ka Levhi, leswaku va ta va ta mi pfuna, hikuva i va nyimba ya ka n'wina.

Ezekiele 44:30

Vaprista va ta kuma mihandzu leyi rhangeke ku vupfa ya swilo hinkwaswo leswi byariweke emasin'wini ya Vaisraele; ndzi ta katekisa mindyangu ya vanhu lava tiselaka vaprista swimbhundzwa swo swekiwa hi leswi va sunguleke ha swona ku kandza.

Levhitika 6:5

kumbe xilo xihi na xihi lexi a hlambanyeke a hemba a ku a nga xi tivi. Siku leri a humesaka magandzelo yo riha, ú fanele ku tlherisela swilo leswi hinkwaswo eka vinyi va swona, a tlhandlekela hi xiphemu xa ⅕ xa nxavo wa swona.

Levhitika 6:6

Ú fanele ku pambula khuna rin'we leri nga solekiki entlhambini wa yena, a ri yisa eka muprista leswaku ri va mhamba yo riha nandzu wa yena eka mina HOSI; nxavo wa khuna ra kona wu fanele ku ringana ni wa xifuwo xa magandzelo yo riha milandzu.

Nehemiya 13:31

Ndzi lulamisa ni leswaku tihunyi to hisa ha tona magandzelo ti hamba ti tisiwa hi nkarhi lowu vekiweke, ni leswaku ku tisiwa leswi vanhu va rhangaka va swi tshovela emasin'wini. We Xikwembu xanga ndzi tsundzuke, u ndzi katekisa!