Nehemiya 10:34 - BIBELE Mahungu Lamanene

³⁴ Hi tlhelo ro yisa tihunyi enkarhini wa minkhuvo leyi vekiweke, leti nga ta hisa magandzelo ehenhla ka alitari ya Xikwembu xa hina hilaha swi tsariweke ha kona enawini, hina ni vaprista ni Valevhi hi ta hamba hi hlawulana hi ku hoxa vuhlolotwana lembe rin'wana na rin'wana; byona byi ta komba ndyangu lowu faneleke ku yisa tihunyi endlwini ya Xikwembu lembe rolero.

Xitsonga (Bibele)

³⁴ Hi hlahluva hi vuhlolotwana emhakeni ya tihunyi leti (hina, ni vaprista, ni Valevhi, ni van'wana va tiko, hi ku ya hi tindlu ta vatata wa hina) hi fanelaka ku ti humesela yindlu ya Xikwembu xa hina hi mikarhi leyi vekiweke, hi malembe hinkwawo, va ta tshivela ndzilo ha tona ealitarini ya Yehovha, Xikwembu xa hina, hilaha ku tsariweke hakona enawini;

Nehemiya 10:34 Referans Kwoze

Nehemiya 13:31

Ndzi lulamisa ni leswaku tihunyi to hisa ha tona magandzelo ti hamba ti tisiwa hi nkarhi lowu vekiweke, ni leswaku ku tisiwa leswi vanhu va rhangaka va swi tshovela emasin'wini. We Xikwembu xanga ndzi tsundzuke, u ndzi katekisa!

Esaya 40:16

Swiharhi hinkwaswo swa ntshava ya Lebanoni, swi nge ringani ku humesela HOSI Xikwembu emagandzelo, ni tihunyi ta yona hinkwato ti nge ringani ku tshivela ndzilo wa kona.

Swivuriso 18:18

Mhaka ya vanhu va matimba lava lwetanaka, yi nga tsemiwa hi ku hoxa vuhlolotwana.

Nehemiya 11:1

Emutini wa Yerusalema a ku tshama varhangeri; kutani ntshungu wu hoxa vuhlolotwana leswaku exikarhi ka mindyangu yin'wana na yin'wana ya khume, ku hlawuriwa ndyangu wun'we wu ya tshama emutini lowo hlawuleka wa Yerusalema, kasi mindyangu leyi salaka ya 9 yona yi tshama emitini yin'wana.

1 TIKRONIKA 24:7

Lawa hi wona mavito ya varhangeri va mintlawa ya vaprista lava hlawuriweke hi vuhlolotwana: 1. Yoyaribi 13. Hupa 2. Yedaya 14. Yexebeyabu 3. Harimi 15. Biliga 4. Seyorimi 16. Imere 5. Malikiya 17. Heziri 6. Miyamini 18. Hapisesi 7. Hakosi 19. Petahiya 8. Abiya 20. Yehezekeli 9. Yexuwa 21. Yakini 10. Xekaniya 22. Gamuli 11. Eliyaxibi 23. Delaya 12. Yakimi 24. Maaziya

1 TIKRONIKA 24:5

Mintlawa leyi yi hlawuriwile hi ku hoxa vuhlolotwana, leswaku exikarhi ka va ka Eliyazara ni le xikarhi ka va ka Itamara ku va ni varhangeri va mintirho ya le Tempeleni, yi nga mintirho ya Xikwembu.

Yoxuwa 9:27

Kambe ku sukela siku rero, Yoxuwa a va nyika ntirho wo hamba va tshova tihunyi ni ku ka mati ya ntshungu ni ya alitari ya HOSI Xikwembu. Vanhu lava ni namuntlha va ha ya emahlweni ni ku tirha ntirho lowu endhawini leyi HOSI Xikwembu xi tihlawuleleke yona.

Timhaka 1:26

Hiloko va hlawula musivi hi ku hoxa vuhlolotwana, kutani byi komba Matiyasi; kavaloko a hlayiwa swin'we ni vaapostola lava khume na un'we.

Levhitika 24:5

“U fanele ku lava mapa lamanene, u sweka swinkwa swa 12, xinkwa xin'wana ni xin'wana u xi sweka hi mapa ya swintewana swimbirhi.

Levhitika 24:6

Swinkwa leswi, u ta swi veka ehenhla ka tafula ra nsuku lowo tenga hi tinxaxa timbirhi, rixaxa rin'we ri va ni swinkwa swa 6.

Tinhlayo 28:2

“Byela Vaisraele leswaku va hamba va ndzi humesela swakudya swa magandzelo lama hisiwaka hi nkarhi wa kona, naswona swi va leswi ku nun'hwela ka swona ku nga ta ndzi tsakisa.

2 TIKRONIKA 2:3

Kutani Solomoni a rhumela rito eka Hiramu hosi ya Tiri, a ku: “Leswi u hanyisaneke na Davhida tata wa mina hi ndlela leyinene, u n'wi nyika ni timhandze ta kedari to aka yindlu ya yena ha tona, ndzi kombela leswaku mina na wena hi hanyisana hi ndlela yo tano.

Ezra 3:5

Va humesa ni magandzelo lama hisiwaka ya masiku hinkwawo, ni magandzelo ya ku tshama ka n'weti, ni ya minkhuvo hinkwayo ya lembe ya HOSI Xikwembu, ni magandzelo lawa munhu un'wana ni un'wana a humeselaka HOSI Xikwembu hi ku titwa.