Nehemiya 10:33 - BIBELE Mahungu Lamanene

³³ Nhlengo lowu wu ta pfuna ku xava Xinkwa lexo Hlawuleka, ni swa magandzelo ya swa le masin'wini ya siku rin'wana na rin'wana, ni swa magandzelo lama hisiwaka ya siku rin'wana na rin'wana, ni swa siku ra Savata ni swa nkhuvo wa ku tshama ka n'weti, ni swa minkhuvo yin'wana leyi vekiweke, ni swilo swin'wana leswo hlawuleka, ni swa timhamba to susa swidyoho leti endleriwaka ku basisa Vaisraele, naswona wu ta pfuna emintirhweni hinkwayo ya le ndlwini ya Xikwembu xa hina.

Xitsonga (Bibele)

³³ xi va xa swinkwa swa xikombiso, ni nyiko leyi nga heriki, ni tiholokosta ta masiku, ni Tisavata, ni swa tin'weti loko ti tshama ni swa mikhuvo, ni swa swilo swo kwetsima, ni swa magandzelo ya swidyoho lama humeseriwaka Vaisraele, ni swa mitirho hinkwayo ya yindlu ya Xikwembu xa hina.

Nehemiya 10:33 Referans Kwoze

2 TIKRONIKA 2:4

Mina ndzi le kusuhi ni ku akela HOSI Xikwembu xa mina eyindlu, ndzi yi nyiketa eka xona. Eka yona, ku ta humesiwa mirhi ya risuna ni swinun'hweriso swa tinxaka-xaka; kona ku ta humesiwa xinkwa xa magandzelo, ni magandzelo lama hisiwaka loko ri xa ni loko ri pela; ku ta humesiwa ni magandzelo ya masiku ya Savata, ni ya ku tshama ka n'weti, ni ya minkhuvo leyikulu leyi HOSI Xikwembu xa hina Vaisraele xi hi leriseke yona.

Vaheveru 10:11

Naswona, muprista un'wana ni un'wana ú yima a tirha ntirho wa yena masiku hinkwawo, a humesa kambe na kambe magandzelo yo fana, lama nga kotiki ku susa swidyoho ni siku ni rin'we.

Vakolosa 2:16

Hikokwalaho, munhu a nga tshuki a mi avanyisa emhakeni ya swakudya ni ya swakunwa, hambi ku ri emhakeni ya minkhuvo yo tsakela swin'wana, kumbe ya ku tsakela ku tshama ka n'weti, kumbe siku ra Savata:

Eksoda 30:16

Mi ta amukela nhlengo wa kona eka Vaisraele, kutani mi wu tirhisa ku fambisa mintirho ya Ntsonga lowo Hlawuleka; nhlengo lowu wa ku kutsula vutomi bya n'wina, wu ta endla leswaku mina HOSI ndzi tsundzuka Vaisraele.”