Nehemiya 10:32 - BIBELE Mahungu Lamanene

³² “Hi tlhela hi tiboha leswaku lembe rin'wana ni rin'wana hi ta humesa nhlengo wa silivhere yo tika 4 g, hi pfuna ku fambisa ntirho endlwini ya Xikwembu xa hina.

Xitsonga (Bibele)

³² “Kambe hi tivekela milawu, hi tiboha leswaku hi ta humesela yindlu ya Xikwembu xa hina ku avanyisa ka vunharhu ka xikele, hi lembe rin'wana ni rin'wana,

Nehemiya 10:32 Referans Kwoze

Genesa 28:22

Ribye leri ra xitsundzuxo leri ndzi ri yimiseke, ri ta va yona yindlu ya wena Xikwembu. Eka hinkwaswo leswi u nga ta ndzi nyika swona, ndzi ta ku humesela vukhume bya swona.”

2 Vakorinto 8:12

Hikuva loko munhu a navela swinene ku nyika, Xikwembu a xi kombeli leswi a nga riki na swona, kambe xi amukela swo leswi a swi humesaka.

Swivuriso 3:9

Nkhensa HOSI Xikwembu hi leswi u nga na swona, u xi humesela ni leswi u nga ta rhanga u swi tshovela emasin'wini hinkwawo ya wena,

Eksoda 23:11

kambe hi lembe ra vu-7, mi fanele ku ma wisisa, mi ma tshika ma hundzuka mafusi. Leswi swi nga ta mila hi lembe leri ra vu-7 swi ta va swakudya swa swisiwana; leswi nga ta siyiwa hi swisiwana, swi ta dyiwa hi swiharhi swa nhova. Mi ta endlisa sweswo ni le ka masimu ya n'wina ya vhinya ni mintanga ya n'wina ya mitlhwari.

1 TIKRONIKA 26:27

Swilo leswi va swi phangheke enyimpini, a va swi humesile leswaku swi ta fambisa mintirho ya Tempele.

Nehemiya 5:10

Mina ni vamakwerhu ni malandza ya mina hi lomba Vayuda mali ni mavele; kutani a hi tshikeni ku va londza loko hi va lomba swilo!

Nehemiya 9:14

U va tivisile ni siku ra wena lero hlawuleka ra Savata, u va nyika swiletelo ni swileriso ni milawu hi nomu wa nandza wa wena Muxe.

Nehemiya 13:15

Enkarhini wolowo ndzi kumile na vanhu va ri karhi va pyaxetela vhinya hi siku ra Savata; van'wana a va hlengeleta tinhulu ta mavele va rhwexa timbhongolo; a va ti rhwexa ni vhinyo, ni mihandzu ya vhinya, ni ya makuwa, ni swin'wana leswi lavaka ku rhwariwa. Swilo leswi a va swi yisa emutini wa Yerusalema. Vanhu lava ndzi va tsundzuxile leswaku va nga tshuki va xavisa swakudya hi siku ra Savata.

Nehemiya 13:18

Xana swilo swo fana ni leswi a hi swona leswi vatata wa n'wina va swi endleke, kutani Xikwembu xa hina xi hi rhumela makhombo, xi herisa ni muti lowu xana? Mhaka leyi mi yi endlaka yo nyamisa siku ra Savata yi ta engetela vukari bya Xikwembu ehenhla ka tiko ra Israele!”

Nehemiya 13:21

Kutani ndzi va holovela ndzi ku: “Hikwalaho ka yini mi hamba mi ta tshama laha mahlweni ka rirhangu xana? Loko mo tlhela mi swi endla, ndzi ta mi ba swinene!” Ku sukela siku rero, a va ha tlhelanga va ta hi siku ra Savata.