Nehemiya 10:1 - BIBELE Mahungu Lamanene

¹ “Lava va wu tiyisaka hi ku fungha hi lava: Ndhunankulu, yena Nehemiya n'wana Hakaliya, na Sedekiya,

Xitsonga (Bibele)

¹ Lava nga tiyisa papila hi ku tiyisa ka vona, i Nehemiya, mufumi n'wana Hakaliya, na Sedekiyasi,

Nehemiya 10:1 Referans Kwoze

Nehemiya 9:38

“Hikokwalaho ka swilo leswi hinkwaswo, hina Vaisraele hi endla ntwanano lowu hi wu tsalaka kunene; varhangeri va hina, ni Valevhi, ni vaprista va hina va wu tiyisa hi ku fungha.

Nehemiya 8:9

Vanhu hinkwavo a va rila loko va twa marito ya Nawu. Kutani Nehemiya, yena ndhunankulu, na Ezra muprista tlhelo mutsari, ni Valevhi lava dyondzisaka vanhu, va byela vanhu hinkwavo, va ku: “Mi nga tshuki mi tlhaveka mi rila, hikuva siku leri ri hlawuleriwile HOSI Xikwembu xa n'wina.

Nehemiya 1:1

Lawa i marito ya Nehemiya n'wana Hakaliya: Hi n'hweti ya Kislevhu, hi lembe ra vu-20 ra ku fuma ka Ataserkisi, loko ndzi ri entsindza le Xuxani,

Nehemiya 7:70

Van'wana va tinhloko ta mindyangu va tinyiketile entirhweni wo aka. Ndhunankulu yi humesile swilo leswi landzelaka ku pfuneta ntirho wa ku aka: Nsuku wa 6 kg, ni minkambana ya 50, ni swiambalo swa vaprista swa 630.

Ezra 2:63

Ndhunankulu yi va byerile leswaku va nga tshuki va dya swakudya leswi humeseriweke Xikwembu, ku kondza muprista a vutisa mhaka ya vona eka Xikwembu, hi “Urimi” na “Thumimi”.

Nehemiya 7:65

Ndhunankulu yi va byerile leswaku va nga tshuki va dya swakudya leswi humeseriwaka Xikwembu, ku kondza muprista a vutisa mhaka ya vona eka Xikwembu hi “Urimi” na “Thumimi”.

Nehemiya 10:2

na Seraya, na Azariya, na Yeremiya,

Eksoda 24:4

Kutani Muxe a tsala hinkwaswo leswi vuriweke hi HOSI Xikwembu. Siku leri tlhandlamaka a pfuka nimixo swinene, a aka alitari ehansi ka ntshava, a yimisa ni maribye lamakulu ya 12 ku ringanisa tinyimba ta Israele ta 12.

2 TIHOSI 23:3

a hlaya a yimile kusuhi ni phuphu; kutani a pfuxa ntwanano na HOSI Xikwembu; a tiboha ku xi landza, ni ku hlayisa swileriso, ni switsundzuxo, ni milawu ya xona, hi mbilu ya yena hinkwayo ni moya wa yena hinkwawo; a tiboha ni ku landza marito hinkwawo lama tsariweke ebukwini leyi ya Ntwanano, kutani hinkwavo vanhu va tiko na vona va tiboha ku hlayisa ntwanano lowu.

Ezra 10:3

Kutani sweswi swa antswa hi tiboha eka Xikwembu xa hina leswaku hi ta hlongola vavasati lava hinkwavo ni vana va vona. Hina hi ta landza switsundzuxo swa wena n'wini wa hina, ni swa lava va xiximaka swileriso swa Xikwembu xa hina. Mhaka leyi yi fanele ku tirhiwa hi ku landza nawu.

Nehemiya 10:30

Hi nga ka hi nga pfumeli leswaku vana va hina va xisati va tekiwa hi vaaki va tiko leri, naswona hi nga ka hi nga yi hi ya tekela vana va hina va xinuna evasati exikarhi ka vona.