Nahume 3:8 - BIBELE Mahungu Lamanene

⁸ We Ninivha, xana u tlula muti wa Teba lowu a wu akiwile kusuhi ni nambu wa Nilo xana? A wu rhendzeriwile hi mati, lwandle a ri endla xisirhelelo emahlweni ka wona, ni mati a ma ri rirhangu ra wona.

Xitsonga (Bibele)

⁸ Xana u tlula No-Amoni, muti lowu ingi wu tshamise ehenhla ka milambu, ingi wu rhendzeriwe hi mati, lowu lwandle ingi xi ri xisirheleto xa wona, kutani rirhangu ra wona a ri huma elwandle?

Nahume 3:8 Referans Kwoze

Amosi 6:2

n'wina mi nge, ‘Tsemakanyani mi ya vona muti wa Kaline, mi suka kona mi ya emutini lowukulu wa Hamata, kutani mi rhelela mi ya eGati muti wa Vafilista: Matiko lawa a ma tluli mimfumo ya n'wina ya Israele na Yuda, a ma kulanga ku tlula tiko ra n'wina!’

Yeremiya 25:19

Kutani ndzi nwisa lava: Faro hosi ya le Egipta, ni malandza ya yena, ni tindhuna ta yena, ni vanhu va yena hinkwavo,

Yeremiya 46:12

Vanhu va matiko mambe va twile hilaha u tsongahatiweke hakona; nkalanga wa ku rila ka wena wu tatile misava. Nhenha ya wena yi phijiwile hi nhenha-kulobye, ti wile hi vumbirhi bya tona.

Ezekiele 29:15

Matiko man'wana hinkwawo ma ta va tlula hi matimba; a va nga ha tlheli va fuma vanhu va tinxaka tin'wana, a va nga ha va xanisi hikuva ndzi ta va ndzi va tsongahatile.