Nahume 3:3 - BIBELE Mahungu Lamanene

³ Vagadi va tihanci va tsutsumela eku hlaseleni, va vangamisa mafumu, va hatimisa ni matlhari. Lava tlhaviweke i ntsandza-vahlayi; mintsumbu yo khatakanyana kunene, yi lo n'wálálálá, erivaleni, va khuguriwa hi yona!

Xitsonga (Bibele)

³ Vakhandziyi va nyiketa, savula ra hatima, fumu ra hatima, lava tlhaviweke hi lavanyingi — i tinyandzanyandza ta lava dlaweke, a ku na laha mitsumbu yi helaka kona — va khunguvanyeka hi mitsumbu leyi feke!

Nahume 3:3 Referans Kwoze

Habakuku 3:11

Dyambu ni n'weti swi yima laha swi tshamaka kona; swi nyamalarisiwa hi ku hatima ka miseve ya rihati ra wena, ni ku vangama ka matlhari ya wena lama phatimaka.

Ezekiele 39:4

Wena ni mavuthu ya wena hinkwawo, ni masocha ya wena lama humaka ematikweni man'wana, mi ta dlayiwa etintshaveni ta Israele, kutani ndzi ta mi tshika mi dyiwa hi makoti layo tala ni swiharhi.

Esaya 37:36

Kutani ntsumi ya HOSI Xikwembu yi humelela emixaxeni ya Vaasiriya, yi lovisa vavanuna va 185 000. Loko ri ya eku xeni, lavan'wana va pfuka, kutani vo vona mintsumbu ntsena.

Esaya 34:3

Loko va ta va va dlayiwile, a va nga lahliwi, mintsumbu ya vona yi ta bola, risema ri twala hinkwako, tintshava ti ta khuluka hi ngati ya vona.

Nahume 2:4

Makalichi ma rhendzeleka-rhendzeleka emagondzweni, ma tsutsuma-tsutsuma erivaleni, ma vangama ku fana ni swisa swa ndzilo, ma hatima-hatima tanihi rihati.

2 TIHOSI 19:35

Kutani, hi vusiku byebyo, ntsumi ya HOSI Xikwembu yi humelela emixaxeni ya Vaasiriya, yi lovisa vavanuna va 185 000. Loko ri ya eku xeni, lavan'wana va pfuka, kutani vo vona mintsumbu ntsena.

Genesa 3:24

HOSI Xikwembu xi hlongola munhu entangeni wa Edeni, kutani evuxeni bya ntanga lowu xi veka tikerubu ni fumu leri vangamaka, ri tshama ri ri karhi ri rhendzeleka-rhendzeleka, swi rindza ndlela yo ya emurhini lowu nyikaka vutomi.

Levhitika 26:37

Va ta phijana va wa, wonge vo va eku balekeni ka nyimpi, kasi a ku na munhu loyi a va hlongorisaka. Mi ta pfumala ni matimba yo lwa ni valala va n'wina.

Esaya 66:16

Hinkwavo lava nga ta kumeka va ri ni nandzu loko HOSI Xikwembu xi avanyisa vanhu, va ta dlayiwa hi ndzilo ni fumu, ku ta fa vanhu vo tala swinene.