Nahume 3:2 - BIBELE Mahungu Lamanene

² Twana ku buluka ka ximoko ni vuntswikiri-ntswikiri bya mavhilwa! Tihanci a hi rivilo ra tona, ni makalichi, mo gèdlè-gèdlè!

Xitsonga (Bibele)

² Twanani mpfumawulo wa swimoko, ni pongo lerikulu ra masondzo ya tigolonyi, ni tihanci leti tsutsumaka, ni tigolonyi leti tlulaka!

Nahume 3:2 Referans Kwoze

Yeremiya 47:3

Loko va twa huwa ya tihanci leti paletelaka ritshuri, ni vugedle-gedle bya makalichi ya nyimpi, ni vuntswikiri-ntswikiri bya mavhilwa ya kona, vavanuna va ta tsemeka nhlana hi ku chava, va rivala ni ku sirhelela vana va vona.

Vaavanyisi 5:22

“Enkarhini wolowo, tihanci ta Sisera ti baleka, ti ri karhi ti jaha swinene, ti ba hansi hi swinondzwana.

Esaya 9:5

Tintanghu hinkwato leti masocha ma nga ya enyimpini ha tona, ni swiambalo hinkwaswo leswi tlhambukeleke hi ngati, swi ta hoxiwa endzilweni swi tshwa.

Yuwele 2:4

Va vonaka onge i tihanci, va tsutsuma ku fana ni tihanci ta nyimpi.

Yuwele 2:5

Loko va tlula-tlula etinhlohlorhini ta tintshava, va ni huwa yo fana ni ya makalichi, ni ya ku baleka ka tinhlahle ta ndzilo lowu hisaka byanyi bya tlhongwe; va fana ni vuthu ra matimba leri nga jamela ku lwa nyimpi.