Nahume 3:19 - BIBELE Mahungu Lamanene

¹⁹ Makhombo ya wena a ma chaveleleki, timbanga ta wena i ntsandza-vatshunguri. Hinkwavo lava twaka ta khombo ra wena, va ba minkulungwana! Hikuva i mani xana loyi vubihi bya wena byi nga n'wi khumbangiki kambe na kambe, xana?

Xitsonga (Bibele)

¹⁹ Mbanga ya wena a yi na ku kandziwa, matshimbi ya wena a ma na ku hola! Hinkwavo lava twaka ta wena, va ta ku phakatela hi mandla; hikuva vumbabva bya wena byi kayele mani eku humeleleni ka byona xana?

Nahume 3:19 Referans Kwoze

Mikiya 1:9

Timbanga ta Samariya a ti tshunguleki; Yuda na yena ú ngheneriwe hi khombo ra kona, ri fikile na le nyangweni ya tiko ra rikwerhu, wu nga muti wa Yerusalema.

Swirilo 2:15

Hinkwavo lava hundzaka hi ndlela va ku yowetela, we Yerusalema, va ku chayela miloti, va hlakahla ni tinhloko va ku: “Xana lowu hi wona muti lowu khale a wu vuriwa mbhurhi ya timbhurhi, xitsakiso emisaveni hinkwayo xana?”

Ntirho 27:23

siku va fambaka, vanhu va phokotela mavoko hi ku tsaka, va ba minkulungwana emitini ya vona.”

Yeremiya 46:11

Tlhandlukela le Giliyadi, we nhwana wa Egipta, u ya kuma murhi wo tola; mirhi leyo tala leyi u yi dyaka yi nge ku pfuni nchumu, u nga ka u nga holi!

Esaya 37:18

Hakunene, wena HOSI, tihosi ta le Asiriya ti herisile vanhu lavo tala ni ku onhetela matiko ya vona;

Nhlavutelo 18:20

Tsaka hi mhaka ya wona, wena tilo; na n'wina vahlawuriwa va Xikwembu, ni vaapostola, ni vaprofeta, tsakani, hikuva Xikwembu xi wu avanyisile, xi mi rihisetela.”

Nhlavutelo 17:2

loyi tihosi ta misava ti oswaneke na yena, loyi a nga pyopyisa vaaki va laha misaveni hi vhinyo ya vuoswi bya yena.”

Nhlavutelo 13:7

Naswona, xi pfumeleriwa ku lwa ni vahlawuriwa va Xikwembu ni ku va hlula. Xi nyikiwa ni matimba ehenhla ka vanhu va tinxaka hinkwato, ni va swivongo hinkwaswo, ni va tindzimi hinkwato, ni va matiko hinkwawo.

Ezekiele 25:6

Mina HOSI N'wini wa hinkwaswo ndzi ri, leswi mi nga phokotela mavoko mi giya, ni leswi mi tsakelaka ku wa ka Vaisraele mi va hlekula,

Yeremiya 10:22

Yingisani huwa! Ku ni vanhu lava taka, va huma en'walungwini, va tsekatsekisa misava; miti ya Yuda yi ta hundzuka marhumbi ni bako ra timhungubye.

Yeremiya 30:12

HOSI Xikwembu xi vurisa sweswo xi ri: “Wena Israele, mbanga ya wena a yi holi, vuvabyi bya wena i ntsandza-vatshunguri.

Esaya 37:11

U swi twile hi wexe leswi tihosi ta le Asiriya ti swi endleke eka matiko hinkwawo: Ti ma herisile ma ku bi! Xana wena u ta ponisa ku yini xana?

Yonasi 1:2

“Suka u ya eNinivha, emutini lowukulu lowuya, u ya wu tshinya, hikuva vubihi bya wona ndzi byi vonile!”