Nahume 3:18 - BIBELE Mahungu Lamanene

¹⁸ Varisi va wena va etlele, wee hosi ya Asiriya; tinganakana ta wena ta khudzehela! Vanhu va wena va hangalakile ni tintshava, ku nga ha ri na loyi a va hlengeletaka.

Xitsonga (Bibele)

¹⁸ Wena hosi ya Asiriya, varisi va wena va etlele; tinhenha ta wena ti sikamile; vanhu va wena va hangalake etintshaveni, a ku na loyi a va hlengeletaka!

Nahume 3:18 Referans Kwoze

1 TIHOSI 22:17

Hiloko Mikaya a boxa a ku: “Ndzi vonile Vaisraele hinkwavo va hangalakile etintshaveni, va fana hi tinyimpfu leti nga riki na murisi. Naswona HOSI Xikwembu xi ri: ‘Vanhu lava va pfumala vafambisi; un'wana ni un'wana wa vona a a tlhelele ekaya ka yena hi ku rhula.’ ”

Yeremiya 51:57

HOSI Xikwembu xi ri: “Ndzi ta pyopyisa tindhuna ni tintlhari, varhangeri ni vafambisi va mavuthu ni tinhenha! Ndzi ta va etlerisa vurhongo lebyikulu, kutani a va nga ha xalamuki, ku vula mina Mufumi, HOSI ya matimba hinkwawo.

Yeremiya 50:18

Hikokwalaho mina HOSI ya matimba hinkwawo Xikwembu xa Israele ndzi vurisa sweswo ndzi ri: Ndzi ta ba hosi ya Babilona ni tiko ra yona, hilaha ndzi beke hosi ya Asiriya hakona.

Esaya 13:14

Vanhu va ta hangalaka ku fana ni timbavala leti nga ku hlongorisiweni, kumbe tinyimpfu leti pfumalaka murisi, un'wana ni un'wana ú ta ya eka va ka vona, hinkwavo va ta tsutsumela eka rikwavo.

Nhlavutelo 6:15

Hiloko tihosi ta misava ni tindhuna ni vafambisi va tinyimpi ni swifumi ni vanhu va matimba, ni lavan'wana hinkwavo, mahlonga kumbe vantshunxeki, va titumbeta emabakweni ni le hansi ka maribye etintshaveni.

Yeremiya 51:39

Loko va ha nyanyukile, ndzi ta va lulamisela nkhuvo lowukulu, ndzi va pyopyisa va kondza va nga ha titivi, kutani va ta etlela vurhongo lebyikulu; va nga ka va nga ha xalamuki, ku vula mina HOSI.

Esaya 47:1

HOSI Xikwembu xi ri: “We Babilona, muti wa Vakalediya, xika exiluvelweni xa wena, u tshama hansi eritshurini; wena la fanaka ni nhwanyana la nga si tivanaka ni wanuna, u nga ka u nga ha vuriwi ‘lowo tirhandza, wo tihlayisa’!

Eksoda 15:16

Va weriwile hi ku chava ni gome, hikwalaho ka matimba ya voko ra wena, va yimile va nga ha tshukatshuki, ku kondza loko vanhu va wena va hundza, we HOSI, ina, vanhu va wena lava u nga tikumela vona va ko va hundza.