Nahume 3:15 - BIBELE Mahungu Lamanene

¹⁵ Kambe endhawini yoleyo, u ta tshwa hi ndzilo, banga ri ta ku pulukanya (ri ta ku heta kukota loko swijajani swi dya). Andza tanihi swijajani, tswala kukota tinjiya!

Xitsonga (Bibele)

¹⁵ Kona ndzilo wu ta ku hisa, fumu ri ku lovisa; ri ta ku dya kukotisa tinjiya, hambi u tele ku fana ni tinjiya, u andza kukotisa swijajani.

Nahume 3:15 Referans Kwoze

Yuwele 1:4

Leswi siyeke hi xigon'wani, swi dyiwile hi magerere. Leswi magerere ma swi siyeke, xijajani xi dyile, kutani leswi siyeke hi xijajani, swi dyiwile hi mherhavunguvungu.

Nahume 3:13

Vona, emutini wa wena, mavuthu i vavasati ntsena. Tinyangwa ta tiko ra wena ti pfulekile swinene emahlweni ka valala va wena, timbanti ta muti wa wena ti tshwe hi ndzilo.

Nahume 2:13

HOSI ya matimba hinkwawo yi ri: “Yingisa we Ninivha, ndza ku pfukela. Ndzi ta hisa makalichi ya wena, ndzi tlhavetela tinhenha ta wena hi fumu. Ndzi ta susa nhloto wa wena emisaveni ya Ninivha, kutani rito ra varhumiwa va wena a ri nga ha twali.”

Sofoniya 2:13

HOSI Xikwembu xi ta tlakusa voko, xi ba matiko ya le n'walungwini, xi herisa ni tiko ra Vaasiriya; muti wa Ninivha, xi ta wu hundzula rhumbi, wu va mananga lama omeke ngopfu.

Yuwele 2:25

Ndzi ta mi rihela malembe lawa tinjiya ta magerere ti mi karhateke ha wona, ni xijajani, ni mherhavunguvungu, ni xigon'wani, ri nga rona vuthu ra mina lerikulu, leri a ndzi mi rhumerile rona.

Esaya 66:15

Vonani HOSI Xikwembu xi ta xi ri endzeni ka ndzilo, bubutsa ri ri kalichi ra xona; xi ta ta xi karihile swinene, xi tela lava va xi hlundzukiseke; xi ta va tela ni malangavi ya ndzilo, xi ta va ba.

Esaya 66:16

Hinkwavo lava nga ta kumeka va ri ni nandzu loko HOSI Xikwembu xi avanyisa vanhu, va ta dlayiwa hi ndzilo ni fumu, ku ta fa vanhu vo tala swinene.

Yeremiya 51:14

HOSI ya matimba hinkwawo yi hlambanyile yi ku: “Valala lava ndzi nga ta ku rhumela vona, hakunene va ta ringana ni tinjiya hi ku tala, va ta ba huwa va giya, hileswi va ku hluleke.”

Amosi 7:1

Kutani HOSI N'wini wa hinkwaswo a ndzi komba leswi hi xivono: A a ri karhi a vanga tinjiya, ti tlhotlhorhiwa hi nkarhi lowu byanyi a byi sungula ku hluka, endzhaku ka loko byi rhangile byi kutleriwa swifuwo swa hosi.