Nahume 3:10 - BIBELE Mahungu Lamanene

¹⁰ Hambiswiritano, muti wa Teba wu rhurhisiwile, wu ya evukhumbini; swihlangi swa wona swi phyandlasiwile emahandzeni ya tindlela hinkwato; va pambulelana vachaviseki va wona hi ku hoxa vuhlolotwana, kutani tinganakana ta wona hinkwato ti bohiwile hi tinketani.

Xitsonga (Bibele)

¹⁰ Hambiswiritano, na wona, wu susiwile, wu ye evukhumbini; vana va wona va fayeteriwe emakun'wini hinkwawo ya mitsendzele va hlahluva timbhuri ta wona hi vuhlolotwana, ni vakulukumba va wona hinkwavo va bohiwa hi tiketana.

Nahume 3:10 Referans Kwoze

Esaya 20:4

Hi mukhuva wolowo, hosi ya Vaasiriya yi ta khoma Vaegipta ni Vaetiyopiya, lavakulu ni lavatsongo, va yisiwa evukhumbini va nga ambalanga nchumu emilengeni ni le mirini; va ta famba va lo dlú, va khomisa tiko ra Egipta tingana.

Obadiya 1:11

Siku leri vanhu vambe va tekeke rifuwo ra ka Yakobo, n'wina a mo yima mi hlalela; siku leri valala va nga nghena emutini wa Yerusalema, va phakelana swilo swa vona hi vuhlolotwana, n'wina mi tiendle vanghana va vona.

Yuwele 3:3

Va pambulenanile vanhu va mina hi ku tirhisa vuhlolotwana, va xava nghwavava hi mufana, vhinyo va yi xava hi nhwanyana, va nwa va yi heta.

Hosiya 13:16

Va le Samariya va ta fela swidyoho swa vona, hikuva va fularherile Xikwembu xa vona; va ta dlayiwa hi banga, vana va vona va ta phyandlaseriwa, vavasati lava tikeke va ta handzuriwa makhwiri.

Swirilo 2:19

Pfuka u tlhava mukhosi, u rila vusiku hinkwabyo. Paluxa hinkwaswo leswi nga mbilwini ya wena, u swi humesela erivaleni emahlweni ka N'wini wa hinkwaswo; tlakusela mavoko ya wena eka yena, u khongelela vana va wena, lava faka hi ndlala emahandzeni ya magondzo hinkwawo.

Esaya 13:16

Swihlangi swa vona swi ta phyandlaseriwa va ri karhi va swi vona, leswi nga tindlwini ta vona swi ta phangheteriwa, vasati va vona va ta pfinyeteriwa.”

Amosi 1:13

HOSI yi vurisa sweswo yi ri: “Ndzi nga ka ndzi nga tshiki ku ba Vaamoni, hikuva va dyoha va vuyelela-vuyelela: Loko va ri karhi va lwela ku engetela tiko ra vona, va handzurile makhwiri ya vavasati lava tikeke va le Giliyadi.

Swirilo 4:1

Yóò! Vonani hilaha nsuku wu kurheke hakona, wu lahlekeriwa hi ku tenga ka wona! Maribye layo hlawuleka ma hangalasiwile emahandzeni ya magondzo hinkwawo.

Esaya 13:6

Banani nkalanga, hikuva siku ra HOSI ri le kusuhi, ra ta siku leri HOSI, Xikwembu xa matimba hinkwawo, xi nga ta herisa swilo ha rona.

Pisalema 137:8

Na wena muti wa Babilona, u le kusuhi ni ku hlaseriwa. A ku nkhensiwe loyi a nga ta rihisela eka wena, a ku tlherisela leswo biha leswi u nga hi endla swona.

2 TIHOSI 8:12

Hazaele a vutisa a ku: “Xana u rilela yini, wee n'wini wanga?” Elixa a hlamula a ku “Ndza rila, hikuva ndzi tiva leswo biha leswi u nga ta swi endla eka Vaisraele: U ta herisa makhokholo ya vona hi ndzilo; u ta tlhava majaha ya vona hi fumu, u phyandlasa swihlangi swa vona, u handzula makhwiri ya vavasati va vona lava tikeke.”

Ntirho 6:27

N'wina mi xavisa ni swisiwana hi ku hoxa vuhlolotwana, mi endla bindzu hi ku tshika vanghana va n'wina!

Pisalema 137:9

A ku nkhensiwe loyi a nga ta khoma swihlangi swa wena, a swi phyandlasela emaribyeni!

Pisalema 149:8

Va ta khoma tihosi ta vamatiko va ti boha hi tinketani, va boha ni tindhuna ta kona hi tinsimbhi.

Esaya 19:4

Ndzi ta nyiketa Vaegipta emavokweni ya munhu wo karhata ngopfu, a va mufumi wa vona; va ta rhangeriwa hi hosi yo kariha swinene. Mina N'wini wa hinkwaswo, Hosi ya matimba hinkwawo, ndzi vula sweswo.”

Ezekiele 29:7

va lo na ku khoma hi voko, wo tshoveka, u va tlhava makhehele; loko va xongotela hi wena, u petsekile, kutani va wa va suleka tinyonga.