Nahume 2:8 - BIBELE Mahungu Lamanene

⁸ Muti wa Ninivha a wu fana ni xidziva xa mati; kambe sweswi mati ya kona ma phohlile. Hambiloko ku huweleriwa va ku: “Yimani! Yimani!” a ku yimi munhu.

Xitsonga (Bibele)

⁸ Emikarhini ya khale Ninivha a kotisa mati lamanyingi ya tiva; kambe sweswi va tsutsuma, va ku: “Yimani, yimani,” kambe ku nga ri na loyi a langutaka endzhaku.

Nahume 2:8 Referans Kwoze

Nhlavutelo 17:15

Kutani ntsumi yi engeta yi ku ka mina: “Mati lawa u ma voneke, laha ku nga tshama wansati loyi wa muoswi, i vanhu va swivongo leswo tala ni ntshungu lowukulu, i vanhu va matiko layo tala ni tindzimi leto tala.

Nhlavutelo 17:1

Kutani yin'wana ya tintsumi ta 7 leti a ti ri ni minkambana ya 7, yi ta yi ta ku ka mina: “Tana, ndzi ta ku komba hilaha muoswi lonkulu, la tshameke ehenhla ka mati layo tala, a nga ta avanyisiwa hakona,

Nahume 3:17

Vatirhela-mfumo va wena va fana ni swinjiyana, vamatsalani va wena va kotisa papa ra tinjiya: Hi siku ra xirhami, ti phatsama erihlampfini, kambe loko masana ma tlhava, ta haha, ni lomu ti nga kona sweswi a ku tiviwi hi munhu! Ti ya kwihi xana?

Yeremiya 51:30

Masocha ya Babilona ma cukumete matlhari, ma ya tumbela emakhokholweni ya wona. Ma herile ntamu, ma fana ni vavasati; timbanti ta Babilona ti tshoviwile, tindlu ta kona ta karhi ta tshwa.

Yeremiya 50:16

Susani varimi hinkwavo etikweni ra Babilona, lava tamelaka rihwevo eku tshoveleni ka koroni, a va nyamalale etikweni rero; Vakhomiwa lava nga Babilona va ta baleka va muka hinkwavo, loko va vona matlhari ni maxangu lawa; un'wana ni un'wana ú ta tsutsumela karikwavo.

Yeremiya 46:5

Kambe HOSI Xikwembu xi vula sweswo xi ri: “Xana ku humelela yini, ndzi vona yini xana? Vaegipta va khoma hi ku chava, va tlhelela ndzhaku. Tinhenha ta hluriwa, ti tsutsuma ti ku bàmféé, ti nga ha languti ni le ndzhaku. Hinkwako i mpfilu-mpfilu ntsena!

Esaya 48:20

Sukani eBabilona, mi huma etikweni ra Vakalediya, banani minkulungwana mi twarisa mhaka leyi, yi tiviseni ku ya fika evugimamusi, mi ku: “HOSI Xikwembu xi kutsurile va ka Yakobo malandza ya xona!”

Esaya 47:13

U karhele ngopfu hi ku famba u lava vatsundzuxi; vanhu lava va pima-pimaka matilo, va languta ni tinyeleti, a va humele erivaleni va ta ku ponisa, va nga vona lava n'hweti yin'wana ni yin'wana va vhumbhaka leswi swi nga ta ku humelela.

Esaya 13:14

Vanhu va ta hangalaka ku fana ni timbavala leti nga ku hlongorisiweni, kumbe tinyimpfu leti pfumalaka murisi, un'wana ni un'wana ú ta ya eka va ka vona, hinkwavo va ta tsutsumela eka rikwavo.

Genesa 10:11

Ú suke laha tikweni leri, a ya le Asiriya a fika a aka miti leyi: Ninivha, na Rehoboto-Ira, na Kala,

Yeremiya 51:13

We Babilona, wena u tshameke eribuweni ra nambu lowukulu, u fuwile ngopfu! Kambe vutomi bya wena bya hela, byi tsemiwa kukotisa ngoti.

Yeremiya 47:3

Loko va twa huwa ya tihanci leti paletelaka ritshuri, ni vugedle-gedle bya makalichi ya nyimpi, ni vuntswikiri-ntswikiri bya mavhilwa ya kona, vavanuna va ta tsemeka nhlana hi ku chava, va rivala ni ku sirhelela vana va vona.

Nahume 1:1

Lawa i mahungu ehenhla ka muti wa Ninivha, buku ya xivono lexi voniweke hi Nahume wa le Elkoxo.

Esaya 38:14

“A ndzi rila kukota mbewulani, ndzi gomela ku fana ni tuva, mahlo ya mina ma karhala hi ku languta etilweni. We n'wini wanga, ndzi biyelele ekhombyeni leri ndzi nga ka rona.

Esaya 59:11

Hinkwerhu hi tshama hi ri ku vovoleni wonge ho va swinkankanka, hi rila ku fana ni xivambalana lexi tiputaka vusiwana; a hi ku Xikwembu xi ta hi lwela, kambe ni sweswi a hi voni nchumu, a ha ha tshembi ni leswaku hi ta pfuka hi ponisiwile.