Nahume 2:3 - BIBELE Mahungu Lamanene

³ Switlhangu swa tinhenha ta Xikwembu swi tshwukile, masocha ya kona ma ambarile swa xivunguvungu. Loko makalichi ma ri karhi ma xaxametiwa, tinsimbhi ta wona ta vangama-vangama, matlhari ma rhurhumerisiwa.

Xitsonga (Bibele)

³ Switlhangu swa tinhenha ta yena swi tshwukile; vakarihi va yena va funengele scarlet; tinsimbhi ta tigolonyi ta hatima kukotisa ndzilo esikwini lero a hlomaka ha rona; matlhari ya vona ma hatimisiwa.

Nahume 2:3 Referans Kwoze

Nhlavutelo 12:3

Ku humelela singita rin'wana etilweni, ra dragona leyikulu yo tshwuka, ya tinhloko ta 7 ni timhondzo ta khume, ni harhi ya vuhosi ehenhla ka nhloko yin'wana ni yin'wana ya yona.

Nhlavutelo 6:4

Kutani hanci yin'wana yi huma; a yi ri yo tshwuka; mugadi wa yona a a nyikiwile matimba yo pfuxa tinyimpi emisaveni, leswaku vanhu va dlayana; a a nyikiwile ni tlhari lerikulu.

Zakariya 11:2

N'wina mirhi ya kipresi, rilani hikuva tikedari ti wile, mirhi leyo hlamarisa leyi, yi onhiwile. N'wina minkuhlu ya le Baxani, kololani, hikuva swihlahla leswi tlhumeke swi tshetshiwile.

Zakariya 6:2

Kalichi leyo sungula a yi kokiwa hi tihanci to tshwuka, leya vumbirhi hi tihanci ta ntima,

Zakariya 1:8

Kutani Zakariya a ku: “Ndzi vonile munhu hi xivono nivusiku, a gadile hanci yo tshwuka, a yimile exikarhi ka mirhi ya mirta exinkobyaneni; endzhaku ka yena a ku ri ni tihanci tin'wana to tshwuka, ni tin'wana to tshwukanyana, ni tin'wana to basa.

Esaya 14:8

Hambi yi ri mirhi ya kipresi ni ya kedari ya le Lebanoni, yi tsakela ku wa ka wena, yi ri: ‘A hi nga vuli leswaku dyi ta wa, sweswi a ku nga vi na wo hi tsemelela.’

Ntirho 39:23

Ematsheveni ya yona, ku twala vuketleketle bya miseve enkotlotweni, ku vonaka ni matlhari yo vangama.

Ezekiele 23:24

Va ta ta hi le n'walungwini ku ta lwa na wena, va ri ni makalichi ya nyimpi ni tigolonyi ni masocha layo tala; va ta ta va khomile switlhangu leswikulu ni leswitsongo, va ambarile ni swihuku, kutani va ta ku hlasela hi matlhelo hinkwawo. Ndzi ta ku nyiketa emavokweni ya vona, kutani vona va ta ku avanyisa hi ku landza mikhuva ya ka vona.

Ezekiele 26:7

HOSI N'wini wa hinkwaswo ú vurisa sweswo ú ri: “Nebukadnetsara, yena hosi ya Babilona leyi tlulaka tihosi tin'wana hinkwato hi matimba, ndzi ta n'wi vitana a suka en'walungwini, a ta hlasela muti wa Tiri; ú ta ta ni ntshungu lowukulu wa masocha, man'wana ma gadile tihanci, man'wana ma famba hi makalichi ya nyimpi;

Nahume 3:2

Twana ku buluka ka ximoko ni vuntswikiri-ntswikiri bya mavhilwa! Tihanci a hi rivilo ra tona, ni makalichi, mo gèdlè-gèdlè!

Pisalema 80:13

Tinguluve ta nhova ta wu kandziyela, swiharhi swa le mananga swi dya eka wona.