Nahume 2:2 - BIBELE Mahungu Lamanene

² HOSI Xikwembu xi pfuxeta ku dzuneka ka Yakobo, xi pfuxeta ni ku dzuneka ka Israele, hikuva vaonhi va onhile swa vona, va phatlulerile marhavi ya vona.

Xitsonga (Bibele)

² Hikuva Yehovha u ta tiyisa ku kwetsima ka Yakobo, ku nga ku kwetsima ka Israele; hikuva vaonhi va onhile va hetile marhavi ya vhinya ya vona.

Nahume 2:2 Referans Kwoze

Sofoniya 3:11

“Esikwini rero, ndzi ta susa tingana ta mintirho hinkwayo leyi mi yi endleke, loko mi ndzi hundzukela; hinkwavo lava tikurisaka ni lava titshembaka, ndzi ta va susa exikarhi ka n'wina; mi ta tshika ku tikukumuxa entshaveni ya mina leyo hlawuleka.

Ezekiele 37:23

A va nga ha engeti va tinyamisa hi swikwembu swa vona swa hava, kumbe hi mintirho ya vona ya manyala, kumbe hi ku tlhelela eswidyohweni swa vona swa khale; ndzi ta va kutsula eka swona ndzi va basisa. Va ta va vanhu va mina, kutani mina ndzi ta va Xikwembu xa vona.

Esaya 60:15

“Hambileswi a wu tshikiwile, u tlhela u nyenyiwa, ku pfumala na un'we la hundzaka hi le ka wena, sweswi ndzi ta ku nyika ku dzuneka loku nga heriki; u ta tsakisa vanhu va minkarhi hinkwayo.

Hosiya 10:1

Vanhu va tiko ra Israele i murhi wa vhinya lowu tswalaka ngopfu. Kambe loko ntshovelo wa vona wu andza, na tona tialitari, va aka ti andza; loko tiko ra vona ri ya ri saseka, na wona maribye ya vona ya vukhongeri bya hava va ma sasekisa.

Yeremiya 49:9

Loko ku tshuka ku ta vatshoveri emasin'wini ya n'wina, a va nga siyi makhwajo ke? Ni loko mi ngheneriwa hi makhamba, xana a ma nga teki ntsena leswi ma swi lavaka xana?

Yeremiya 25:29

Yingisani: Ndzi ta sungula hi muti lowu nga wa mina hi xiviri, ndzi wu ba. Xana n'wina mi nga pona mi nga biwi xana? E-e, ku biwa mi ta biwa, hikuva ndzi le kusuhi ni ku vanga tinyimpi exikarhi ka vaaki hinkwavo va misava. Ndzi vula sweswo mina HOSI ya matimba hinkwawo.’ ”

Pisalema 47:4

Tiko leri nga ndzhaka ya hina, leri hi tidzunisaka ha rona, hi xona xi nga hi hlawulela rona, hikuva xa hi rhandza hina va ka Yakobo.

Yeremiya 48:11

“Ku sukela evuntshweni bya rona, tiko ra Mowabu ri kumile ku tshamiseka, a ri yisiwanga evukhumbini ni siku ni rin'we. Ri fana ni vhinyo leyi virisiweke exibyeni xin'we, yi nga chela-cheriwi eswibyeni swin'wana, kutani ku saseka ka yona ku hlayisekile, ni ku nandziha ka yona a ku onhiwanga hi nchumu.

Ezekiele 37:21

kutani u va byela leswaku mina HOSI N'wini wa hinkwaswo ndzi ri, ndzi ta hlengeleta Vaisraele va huma ematikweni hinkwawo lawa va hangalasiweke va ya eka wona, ndzi va vuyisa etikweni ra vona.

Nahume 2:10

Muti wa Ninivha wu herile, wu herisiwile, wu hundzuke rhumbi! Va hela mbilu, matsolo ya vona ma gudlagudla, va twa switlhavi emirini hinkwawo, hinkwavo va hundzuka tinghohe hi ku chava.

Nahume 3:14

Kelela mati, u ma hlayisela siku ra ku rhendzeriwa, u pfuxeta makhokholo ya wena; nghena endzhopeni, u pfuva, u khoma foromo ya switina hi mandla mambirhi!