Nahume 2:13 - BIBELE Mahungu Lamanene

¹³ HOSI ya matimba hinkwawo yi ri: “Yingisa we Ninivha, ndza ku pfukela. Ndzi ta hisa makalichi ya wena, ndzi tlhavetela tinhenha ta wena hi fumu. Ndzi ta susa nhloto wa wena emisaveni ya Ninivha, kutani rito ra varhumiwa va wena a ri nga ha twali.”

Xitsonga (Bibele)

¹³ Vona, ndzi ta eka wena, ku vula Yehovha wa mavandla; ndzi ta hisa tigolonyi ta wena, ndzi ma hundzula musi, kutani tinghalanyana ta wena ti ta dyiwa hi fumu. Ndzi ta susa leswi phangiweke swa wena emisaveni, kutani rito ra varhumiwa va wena a ri nga ha twakali.

Nahume 2:13 Referans Kwoze

Nahume 3:5

HOSI ya matimba hinkwawo yi ri: “Yingisa we Ninivha, ndza ku pfukela. Ndzi ta ku hluvula swiambalo swa wena hinkwaswo, ndzi komba vuhava bya wena eka vamatiko, ni tingana ta wena eka mimfumo.

Yeremiya 21:13

HOSI Xikwembu xi ri: “N'wina tihosi mi akeke enkoveni, eribyeni leri anameke leri nga kusuhi ni Tempele, n'wina mi vulaka leswaku a mi nga hlaseriwi hi munhu, kumbe ku ngheneriwa hi valala,

Pisalema 46:9

Xi siverile tinyimpi ku ya fika evugimamusi, vurha xi tshovile, xi bvinyile ni matlhari; makalichi ya nyimpi xi ma hisile!

2 TIHOSI 19:23

Hi nomo wa varhumiwa va wena, u ndzi sandzile mina N'wini wa hinkwaswo, loko u ri karhi u tidzunisa, u ku: Hi makalichi ya mina layo tala, ndzi khandziyile etinhlohlorini ta tintshava, emabakweni ya Lebanoni lomu ku nga nghenekiki; ndzi yile ndzi ya tsema mirhi ya kona leyo leha ya kedari, ni mirhi ya kona leyo saseka ya kipresi. Ndzi fikile emakocokocweni ya kona ya le ndzeni ni le swihlahleni swa kona leswo tlhuma.

Nahume 3:1

U ni khombo, wena muti wa ngati lowu taleke hi mavunwa, wena la taleke hi leswi phanghiweke, wena la nga tshikiki ku phangha.

Ezekiele 5:8

Leswi timhaka ti nga yimisa leswi, mina HOSI N'wini wa hinkwaswo ndzi tiyisa leswaku ndzi ta lwa na n'wina, mina hi ndzexe; ndzi ta mi ba vamatiko hinkwavo va ri karhi va swi vona.

2 TIHOSI 19:9

Enkarhini wolowo hosi ya Asiriya yi kuma mahungu ya leswaku Tirihaka hosi ya le Etiyopiya ú humile nyimpi ku ta lwa na yona. Hosi ya le Asiriya yi engeta yi rhuma vanhu va yona eka Hezekiya, yi va lerisa yi ku:

Yoxuwa 11:9

Hiloko Yoxuwa a endla hilaha HOSI Xikwembu xi n'wi leriseke hakona: A lamata tihanci ta vona hi ku ti tsema misiha ya milenge, a tlhela a hisa makalichi ya vona hi ndzilo.

Nahume 3:12

Makhokholo ya wena hinkwawo ma fana ni minkuwa leyi tswaleke matatana: Loko ma dzudziwa, ma wela emilon'weni ya vadyi.

Ezekiele 39:1

Xikwembu xi engeta xi ku: “Wena munhu, vulavula na Gogo, u n'wi byela leswaku mina HOSI N'wini wa hinkwaswo ndzi ni rito eka yena leri nge: ‘Ndzi lwa na wena we Gogo, mufumi lonkulu wa va le Mexeke ni va le Tubala.

Ezekiele 38:3

u n'wi byela leswaku mina HOSI N'wini wa hinkwaswo ndzi ni rito eka yena leri nge: Yingisa wena Gogo mufumi lonkulu wa va le Mexeke ni va le Tubala: Ndzi lwa na wena!

Ezekiele 35:3

Va byele leswaku mina HOSI N'wini wa hinkwaswo ndzi ni rito eka vona leri nge: ‘N'wina va le ntshaveni ya Seyira, ndzi lwa na n'wina! Ndzi ta tlakusa voko ra mina ndzi mi ba; tiko ra n'wina ndzi ta ri hundzula mananga layo chavisa.

Ezekiele 29:10

Mina ndzi lwa na wena ni swinambyana swa wena; hikokwalaho ndzi ta hundzula tiko ra Egipta ri va mananga ni marhumbi ku sukela eMigidolo ku ya fika le Seyene ni le ndzilekaneni wa Etiyopiya.

Ezekiele 29:3

N'wi byele leswaku mina HOSI N'wini wa hinkwaswo ndzi ni rito eka yena leri nge: “Wena Faro hosi ya le Egipta, ndzi lwa na wena! Loko u tshamile eswinambyaneni swa wena ku fana ni dragona nyoka ya lwandle, u tshamela ku vula u ku: ‘Nambu wa Nilo i wa mina, hi mina ndzi wu endleke!’

Ezekiele 28:22

u va byela leswaku mina HOSI N'wini wa hinkwaswo ndzi ni rito eka vona leri nge: “N'wina va le Sidoni, ndzi lwa na n'wina! Ndzi ta komba ku dzuneka ka mina exikarhi ka n'wina. Siku ndzi nga ta mi avanyisa, ni ku mi komba ku hlawuleka ka mina, mi ta tiva leswaku HOSI Xikwembu, hi mina.

Ezekiele 26:3

Hikokwalaho mina HOSI N'wini wa hinkwaswo ndzi ri: N'wina va le Tiri, ndzi lava ku lwa na n'wina! Ndzi ta mi rhambela vanhu va tinxaka leto tala lava nga ta mi hlasela, va mi khubumeta ku fana ni magandlati ya lwandle.

Yeremiya 51:25

We Babilona, yingisa! Mina HOSI ndzi ri u muonhi lonkulu, hi wena u onheke misava hinkwayo, kambe ndzi ta ku khoma entshaveni ya wena ndzi ku cukumeta, u vumbulukela emakocokocweni, kutani ndzi ku hundzula ntshava leyi tshweke.

Yeremiya 50:31

HOSI ya matimba hinkwawo, N'wini wa hinkwaswo, ú ri: “We Babilona mutikurisi ndziwena, ndzi lwa na wena; siku ra wena ra khombo ri fikile, wu tile nkarhi lowu ndzi nga ta ku ba swinene.

2 TIKRONIKA 32:19

Xikwembu xa Yerusalema, Vaasiriya a va vulavula ha xona ku fana ni loko va vulavula hi swikwembu swin'wana swa vamatiko, leswi endliweke hi mavoko ya vanhu.

2 TIHOSI 18:19

Kutani Rhabi-Xake a va byela ku ya tivisa hosi Hezekiya marito ya hosi leyikulu, hosi ya le Asiriya, lama nge: “Xana ku titshemba ka wena loku, hi loku ko yini ke?

2 TIHOSI 18:17

Kutani hosi ya le Asiriya yi rhuma Tartani mufambisi wa mavuthu, na Rhabi-Sarisi ndhunankulu ya le ntsindza, na Rhabi-Xake xandla xa yona, leswaku va suka emutini wa Lakixi, va kongoma eka hosi Hezekiya emutini wa Yerusalema, va ri ni nyimpi leyikulu. Kutani va tlhandlukela eYerusalema; loko va fikile, va yima etlhelo ka ndlela ya mati leyi boxiweke, yi huma etiveni ra le n'walungwini, egondzweni leri kongomaka Nsimu-ya-Muhlantswi.

Yoxuwa 11:6

Kutani HOSI Xikwembu xi ku ka Yoxuwa: “U nga va chavi, hikuva mundzuku hi nkarhi wo fana ni lowu, ndzi ta va nyiketa emavokweni ya Vaisraele va file; tihanci ta vona u fanele ku ti lamata hi ku ti tsema misiha ya milenge. Makalichi wona u ma hisa hi ndzilo.”

Yeremiya 46:14

“Huwelelani etikweni ra Egipta, mi tivisa va le Migidolo, ni va le Nofu, ni va le Tahapanese, mi ku ka vona: ‘Pfukani mi tisirhelela, hikuva matlhari ma karhi ma hlasela vaakelani va n'wina.’

Ezekiele 13:8

Hikokwalaho mina HOSI N'wini wa hinkwaswo ndzi vurisa sweswo ndzi ri: Leswi mi vulavulaka swilo swa hava, ni leswi mi vonaka swivono swa mavunwa, ndzi ta lwa na n'wina, ku vula mina HOSI N'wini wa hinkwaswo.

Ezekiele 21:3

Byela vanhu lava leswaku ndzi ni rito eka vona mina HOSI, leri nge: ‘Ndzi lwa na n'wina! Ndzi ta hlomula banga ra mina enkotlotweni wa rona, ndzi herisa vanhu va n'wina hinkwavo. Lava lulameke va ta biwa ku fana ni lavo homboloka;

Nahume 2:12

Khale nghala ya matsune a yi phatlulela tinyama, yi nyika vana va yona; a yi khoma swiharhi, yi nyika tinghala ta yona ta xisati, yi tata mabako ya yona hi nhloto wa kona, ni tindhawu ta yona hi nyama leyi phatluleriweke.

Nahume 3:15

Kambe endhawini yoleyo, u ta tshwa hi ndzilo, banga ri ta ku pulukanya (ri ta ku heta kukota loko swijajani swi dya). Andza tanihi swijajani, tswala kukota tinjiya!