Nahume 2:12 - BIBELE Mahungu Lamanene

¹² Khale nghala ya matsune a yi phatlulela tinyama, yi nyika vana va yona; a yi khoma swiharhi, yi nyika tinghala ta yona ta xisati, yi tata mabako ya yona hi nhloto wa kona, ni tindhawu ta yona hi nyama leyi phatluleriweke.

Xitsonga (Bibele)

¹² Nghala leyi a yi handzulela swivanana swa yona, yi kamanyetela tinghala ta tintswele ta yona, yi va yi tata mabakwa ya yona hi nyama yi tata ni mikale ya yona hi mitsumbu leyi handzuleriweke!

Nahume 2:12 Referans Kwoze

Yeremiya 51:34

Muti wa Yerusalema wu ri: “Nebukadnetsara hosi ya Babilona ú ndzi dyile a ndzi phorha; ú ndzi endlile xibya xo ka xi nga ri na nchumu. Ú ndzi mitile onge a ri xihontlovila, a tata khwiri ra yena hi vanhu va mina, lava saleke a va cukumeta kule na yena.

Pisalema 17:12

Va fana ni nghala, leyi nga ni mahika ya ku bvanyangeta; va bvutamile tanihi n'wana wa nghala exihlahleni.

Tinhlayo 23:24

Langutani vanhu va kona: Va pfhumpfha ku fana ni nghala ya nkati, va handza-handza ku fana ni nghala ya matsune; a va tshami ehansi va nga si herisa lava va va hluleke, a va wisi va nga si nantswa ngati ya lava va va dlayeke!”

2 SAMIELE 17:8

Huxayi a engeta a ku: “Wa swi tiva leswaku tata wa wena ni masocha ya yena i vanhu va matimba, ni leswaku va leva ku fana ni ntswele ya xinkankanka leyi tekeriweke vana va yona enhoveni. Naswona, tata wa wena i munhu loyi a tivaka swa tinyimpi; a nga ka a nga etleli ndhawu yin'we ni masocha ya yena.

Nahume 2:11

Xana ri kwihi bako ra tinghala xana, ni ndhawu ya swinghalana yi kwihi xana, laha nghala a yi tisa nhloto wa yona kona, ni laha swinghalana swa yona a swi tshama kona, swi nga karhatiwi hi nchumu, xana?

Nahume 2:13

HOSI ya matimba hinkwawo yi ri: “Yingisa we Ninivha, ndza ku pfukela. Ndzi ta hisa makalichi ya wena, ndzi tlhavetela tinhenha ta wena hi fumu. Ndzi ta susa nhloto wa wena emisaveni ya Ninivha, kutani rito ra varhumiwa va wena a ri nga ha twali.”