Nahume 2:11 - BIBELE Mahungu Lamanene

¹¹ Xana ri kwihi bako ra tinghala xana, ni ndhawu ya swinghalana yi kwihi xana, laha nghala a yi tisa nhloto wa yona kona, ni laha swinghalana swa yona a swi tshama kona, swi nga karhatiwi hi nchumu, xana?

Xitsonga (Bibele)

¹¹ Vukale bya tinghala byi kwihi, lebyi ingi tinghalanyana ti dyela eka byona, laha ingi ku rhata nghala ya matsune ni ya ntswele, ni swivanana swa nghala, ku nga ri na la nga ti chavisaka?

Nahume 2:11 Referans Kwoze

Esaya 5:29

Loko va bonga, wonge yo va nghala, va vomba ku fana ni n'wana wa nghala, va mpfhumpfha va bvanyangeta, va rhwala lexi va xi khomeke, ku ri hava na loyi a nga xi vutlaka.

Yeremiya 2:15

Va bonga kukota tinghala, va lwa na yena va ri karhi va ba huwa; tiko ra yena va ri onhetele ngopfu, miti ya yena yi hundzuke marhumbi, a ka ha tshami munhu eka yona.

Sofoniya 3:3

Varhangeri va muti lowu i tinghala leti bongaka, vaavanyisi va wona i timhisi ta vusiku leti dyaka ti heta, ri nga si xa.

Nahume 3:1

U ni khombo, wena muti wa ngati lowu taleke hi mavunwa, wena la taleke hi leswi phanghiweke, wena la nga tshikiki ku phangha.

Yeremiya 50:44

HOSI Xikwembu xi ri: “Hakunene ndzi ta hatla ndzi hangalasa va le Babilona, ku fana ni nghala leyi humaka exihlahleni xa Yordani, yi hangalasa tinyimpfu leti nga madyelweni ya rihlaza; kutani etikweni ra vona ndzi ta veka loyi ndzi n'wi rhandzaka. Xana i mani loyi a ringanaka na mina, ndzi lerisiwa hi mani xana? I murhangeri wihi la nga lwaka na mina ke?

Yeremiya 50:17

HOSI Xikwembu xi ri: “Vaisraele va fana ni swinyimpfana leswi hlotiwaka ni ku hangalasiwa hi tinghala. Ku rhange hosi ya Asiriya yi va dlaya yi dya nyama ya vona, Nebukadnetsara hosi ya Babilona yena a sala a phorha marhambu.

Yeremiya 4:7

Nghala yi humile exihlahleni, muhlaseri wa matiko ú hlomile matlhari, a suka ekaya ka yena leswaku a ta hlasela tiko ra n'wina a ri hundzula mananga, miti ya n'wina ú ta yi endla marhumbi, ku nga ha tshami munhu eka yona.

Esaya 31:4

HOSI Xikwembu xi te ka mina: “Mina HOSI ya matimba hinkwawo, ndzi ta rhelela, ndzi ta lwela muti wa Siyoni ni xintshabyana xa wona; ndzi ta fana ni nghala leyi bongaka loko yi kume nyama, leyi yi nga chaviki nchumu nikutsongo, hambiloko varisi va ba huwa va ringeta ku yi hlongola.

Genesa 49:9

We Yuda, u fana ni n'wana wa nghala, u vuyile eku hloteni u dlayile xanchumu, we n'wananga! Yuda ú bvutamile a pavalala tanihi nghala; leswi a fanaka ni nghala ya nkati, ú ta pfuxa hi mani ke?

Tinhlayo 23:24

Langutani vanhu va kona: Va pfhumpfha ku fana ni nghala ya nkati, va handza-handza ku fana ni nghala ya matsune; a va tshami ehansi va nga si herisa lava va va hluleke, a va wisi va nga si nantswa ngati ya lava va va dlayeke!”

Ezekiele 32:2

“Wena munhu, suma risimu ra xirilo, u rila Faro hosi ya le Egipta hi marito lama nge: “Wena Faro, a wu tifananisa ni nghala ematikweni, kasi a wu ri dragona nyoka ya le lwandle, u hlambela emilambyeni ya wena, u kandziya ndzhope, u thyakisa mati ya xinambyana!

Mikiya 5:6

va ta hlula Asiriya, tiko ra va ka Nimrodo, va ri fuma hi matlhari. Loko Vaasiriya va ringeta ku nghena etikweni ra hina, murhangeri wa hina ú ta hi lwela.

Nahume 2:12

Khale nghala ya matsune a yi phatlulela tinyama, yi nyika vana va yona; a yi khoma swiharhi, yi nyika tinghala ta yona ta xisati, yi tata mabako ya yona hi nhloto wa kona, ni tindhawu ta yona hi nyama leyi phatluleriweke.

Esaya 13:7

Hikokwalaho, vanhu hinkwavo va ta hela ntamu, hinkwavo va ta tsemeka nhlana;

Yuwele 2:6

Loko va fika, vanhu va hela matimba, tinghohe hinkwato ta basuluka.