Nahume 1:6 - BIBELE Mahungu Lamanene

⁶ Xana i mani la nga tiyaka emahlweni ka vukari bya yona xana? Ku hlundzuka ka yona loku pfurhaka, ku nga tiyela hi mani xana? Vukari bya yona bya hangalaka ku fana ni ritshwa, maribye ma fayeka loko yi humelela.

Xitsonga (Bibele)

⁶ Vukari bya yena byi nga yimela hi mani, naswona i mani la nga tiyaka eku pfurheni ka vukari bya yena? Vukari bya yena byi halaka ku fana ni ndzilo, hi yena a wisaka tintshava ta maribye ehansi.

Nahume 1:6 Referans Kwoze

Yeremiya 10:10

Kasi HOSI yona, hi yona yi nga Xikwembu xa ntiyiso; i Xikwembu lexi hanyaka, lexi fumaka hilaha ku nga heriki. Vukari bya xona byi tsekatsekisa misava, loko xi hlundzukile, vamatiko va nge swi tiyiseli.

Malakiya 3:2

Kambe xana i mani la nga tiyelaka siku ra ku ta ka yena, naswona, i mani la nga yimaka emahlweni ka yena loko a humelela xana? La taka, ú fana ni ndzilo wa mufuri ni xisibi xa muhlantswi.

Nahume 1:2

HOSI i Xikwembu xa rilondzo, lexi rihisetaka. HOSI ya rihiseta, ya kariha; HOSI yi tirihisela eka valala va yona, yi karihela lava va yi vengaka.

Pisalema 76:7

We HOSI wa chavisa! Loko u hlundzukile, ku hava loyi a nga yimaka emahlweni ka wena.

Ezekiele 30:16

Ndzi ta hisa tiko ra Egipta, va le Sini va ta tshombonyoka hi ku twa ku vava; rirhangu ra muti wa No ri ta fayiwa, va le Nofu va ta xaniseka masiku hinkwawo.

Swirilo 4:11

HOSI Xikwembu xi hetisisile makungu ya ku hlundzuka ka xona, xi chulurile ndzilo wa vukari bya xona, wu hisa muti wa Siyoni, wu herisa ni masungulo ya wona.

Swirilo 2:4

Ú kongile vurha bya yena kukota nala, a khoma nseve hi voko ra yena ra xinene. Ú lwile na hina, a dlaya hinkwaswo leswi a swi hi tsakisa; ehenhla ka Tempele ya le Yerusalema, ú chulurile vukari bya yena tanihi ndzilo.

Esaya 27:4

A ndza ha yi kariheli. Loko ko va ni mitwa ni swigatlu eka yona, ndzi ta lwa na swona, ndzi swi hlengeleta ndhawu yin'we, ndzi swi hisa,

Esaya 10:16

Hikokwalaho HOSI ya matimba hinkwawo, N'wini wa hinkwaswo ú ta rhumela ntungu lowu nga ta ondzisa tinhenha ta Asiriya leto nyuhela, swirho swa tona swi ta hisa ngopfu ku fana ni ndzilo lowu pfurhaka.

Pisalema 90:11

Xana i mani la anakanyaka matimba ya vukari bya wena xana? La tsundzukaka ku hlundzuka ka wena loku chavisaka i mani ke?

Pisalema 2:12

Nkhinsamani emilengeni ya xona, xi ta ka xi nga karihi, na n'wina mi ta ka mi nga lovi ma ha ri endleleni, hikuva vukari bya xona byi hatla ku pfurha. Va katekile hinkwavo lava tumbelaka eka xona.

1 TIHOSI 19:11

Kutani HOSI Xikwembu xi ku: “Huma u ya yima enhlohlorhini ya ntshava, emahlweni ka mina HOSI, hikuva ndzi le kusuhi ni ku hundza.” Kavaloko xidzedze lexikulu xa matimba xi ba tintshava ti pandzeka, xi hirimuxa ni maribye, xi rhangele HOSI Xikwembu. Kambe xona a xi nga ri kona eka xidzedze. Endzhaku ka xidzedze, misava yi tsekatseka, kambe HOSI Xikwembu a xi nga ri kona eku tsekatsekeni loku.

Nhlavutelo 16:8

Ntsumi ya vumune yi chululela swa nkambana wa yona edyambyini, kutani ri pfumeleriwa ku vavula vanhu hi ndzilo.

Nhlavutelo 16:1

Kutani ndzi twa rito leri tlakukeke ri huma eTempeleni, ri ku ka tintsumi leti ta 7: “Yanani, mi ya chululela emisaveni swa minkambana ya 7 ya vukari bya Xikwembu.”

Nhlavutelo 6:17

Hikuva siku lerikulu ra vukari bya vona ri fikile, kutani i mani loyi a nga ri tiyelaka xana?”

Ntirho 40:11

Chulula vukari bya wena, languta vatikurisi hinkwavo, u va tsongahata.

Pisalema 130:3

We HOSI, loko onge wa hi hlayela swidyoho swa hina, xana i mani loyi a nga tiyelaka ku yima emahlweni ka wena we N'wini wa hina xana?

Esaya 13:13

Siku mina HOSI ya matimba hinkwawo ndzi nga ta pfurha hi ku hlundzuka, vukari bya mina byi ta ninginisa matilo, ni misava yi ta tsekatseka yi suka evutshan'wini bya yona.

Esaya 66:15

Vonani HOSI Xikwembu xi ta xi ri endzeni ka ndzilo, bubutsa ri ri kalichi ra xona; xi ta ta xi karihile swinene, xi tela lava va xi hlundzukiseke; xi ta va tela ni malangavi ya ndzilo, xi ta va ba.

Yeremiya 21:12

“N'wina va ka Davhida, ndzi yingiseni, hikuva mina HOSI ndzi ri: “Avanyisani timhaka hi ku lulama, siku rin'wana ni rin'wana. Lava tekeriweke swilo swa vona, va kutsuleni eka lava va va xanisaka. Loko swi nga ri tano, ndzi ta mi herisa hi vukari bya mina lebyi pfurhaka; ndzilo wa kona wu ta pfumala vatimi, hikuva leswi mi swi endlaka swi bihile ngopfu.”

Ezekiele 7:8

Eku hlundzukeni ka mina lokukulu, ndzi ta mi ba ku nga ri khale; ndzi ta mi avanyisa hikwalaho ka mikhuva ya n'wina leyo biha, ndzi mi bela manyala ya n'wina hinkwawo.

Ezekiele 21:31

Ndzi ta chululela vukari bya mina ehenhla ka n'wina; kutani ku hlundzuka ka mina ku ta pfurha kukota ndzilo. Ndzi ta mi nyiketa emavokweni ya vanhu va tihanyi, lava nga ni vutivi bya ku herisa vanhu.

Ezekiele 39:6

Ndzi ta pfurhisa ndzilo etikweni ra Magogo, ni le xikarhi ka vanhu lava akeke kusuhi ni lwandle va nga chavi nchumu, kutani hinkwavo va ta tiva leswaku HOSI Xikwembu, hi mina!’

Sofoniya 2:2

mi nga si hlongoriwa, mi nyamalala kukota mungu, mi nga si hisiwa hi vukari lebyi pfurhaka bya HOSI Xikwembu, siku ra ku kariha ka xona ri nga si mi fikela.

Malakiya 4:1

“Vonani, siku leri pfurhaka kukota langavi ra ta: Lava tikurisaka ni lavo homboloka, va ta hisiwa ku fana ni byanyi. Esikwini rero va ta tshwa, ku nga ha sali na un'we wa mhamba! Ndzi vula sweswo, mina HOSI ya matimba hinkwawo.

Ntirho 9:5

“Xikwembu xi rhurhisa tintshava xi nga ti vutisanga, xi ti hirimuxa xi hlundzukile.

Ntirho 26:11

Loko Xikwembu xi ri eku tshinyeni, tiphuphu ta matilo ta chava ti tsekatseka.

Pisalema 76:8

U twarisa ku avanyisa ka wena u ri ehenhla tilweni, kutani vanhu hinkwavo va tshuka, va tsandzeka ni ku vulavula,

Esaya 33:14

Vadyohi lava nga kona emutini wa Siyoni va tela hi rhumbu, lava nga vuliki nchumu hi Xikwembu va rhurhumela hi ku chava, va vutisana va ku: “Exikarhi ka hina, xana ú kona loyi a nga tshamaka ni ndzilo lowu hisisaka leswi, xana? Xana ú kona loyi a nga tiyiselaka malangavi yo ka ya nga timeki, xana?”

Swirilo 2:3

Hi ku hlundzuka ka yena lokukulu, ú tshovile matimba hinkwawo ya Vaisraele; a nga va sirhelelanga loko valala va vona va va hlasela; ú pfurherile va ka Yakobo tanihi ndzilo lowu hisaka hinkwaswo leswi nga kusuhi na wona.