Nahume 1:2 - BIBELE Mahungu Lamanene

² HOSI i Xikwembu xa rilondzo, lexi rihisetaka. HOSI ya rihiseta, ya kariha; HOSI yi tirihisela eka valala va yona, yi karihela lava va yi vengaka.

Xitsonga (Bibele)

² Yehovha i Xikwembu lexa rilondzo, xi rihisaka; Yehovha wa rihisela, u tele vukari; Yehovha u tirihisela eka lava n'wi lwisaka, vukari bya yena u byi hlayisela lava nga valala eka yena.

Nahume 1:2 Referans Kwoze

Zakariya 8:2

“Mina HOSI ya matimba hinkwawo, ndzi vurisa sweswo ndzi ri: Ndzi le ku vavisekeni lokukulu hikwalaho ka Siyoni, ndzi hisekela yena hi ku hiseka lokukulu.”

Eksoda 20:5

u nga tshuki u swi nkhinsamela, kumbe ku swi tirhela, hikuva mina HOSI Xikwembu xa wena, ndzi Xikwembu xa rilaveta: Ndzi ba lava va ndzi vengaka kun'we ni vana va vona, ku fika eka rixaka ra vona ra vunharhu ni ra vumune.

Pisalema 94:1

We HOSI, u Xikwembu lexi rihiselaka; tikombe wena Xikwembu murihiseli!

Eksoda 34:14

“Mi nga tshuki mi nkhinsamela swikwembu swin'wana, hikuva mina HOSI, vito ra mina hi mina Xikwembu-xa-rilaveta, ndzi Xikwembu lexi lavaka ku gandzeriwa xi ri xoxe ntsena.

Yoxuwa 24:19

Kambe Yoxuwa a ku ka Vaisraele: “Mi nge swi koti ku tirhela HOSI Xikwembu, hikuva i Xikwembu xo hlawukeka, lexi xi lavaka ku tirheriwa xi ri xoxe; xi nga ka xi nga mi rivaleri milandzu ni swidyoho swa n'wina.

Vaheveru 10:30

Hikuva ha n'wi tiva loyi a nga te: “Ku rihisa i ka mina, hi mina ndzi nga ta ba vadyohi.” A engeta a ku: “Hosi yi ta avanyisa tiko ra yona.”

Esaya 42:13

HOSI Xikwembu xi fana ni nhenha leyi humaka nyimpi, xi kombisa vukari bya xona kukota nghwazi; xa huwelela xi ba huwa leyikulu, xi komba matimba ya xona emahlweni ka valala va xona.

Duteronoma 4:24

hikuva HOSI Xikwembu xa n'wina i ndzilo lowu herisaka; xi lava ku gandzeriwa xi ri xoxe ntsena.

2 Petro 2:9

Leswi swi vula leswaku Hosi ya swi tiva ku ponisa vanhu va vukhongeri eku karhatekeni ka vona, ni ku tshika vanhu lavo homboloka va ri eku biweni ku fikela siku ra ku avanyisa,

Varhoma 12:19

Varhandziwa, mi nga tshuki mi tirihisela mi ri n'wina; kambe kendlukelani vukari bya Xikwembu, hikuva ku tsariwile va ku: “Ku rihisa i ka mina; hi mina loyi ndzi nga ta rihisela, ku vula Hosi.”

Mikiya 5:15

Vanhu va matiko lama aleke ku ndzi yingisa, ndzi ta va hlundzukela ndzi va karihela, ndzi tirihisela eka vona.”

Yuwele 2:18

Kutani HOSI Xikwembu xi vavisekela tiko ra xona, xi twela vanhu va xona evusiwana.

Ezekiele 39:25

“Kambe sweswi mina HOSI N'wini wa hinkwaswo ndzi ri, ndzi ta tlhela ndzi katekisa va ka Yakobo hinkwavo, ndzi komba tintswalo ta mina eka vona Vaisraele, ndzi endlela ku lwela vito ra mina lero hlawuleka.

Ezekiele 6:12

Lava nga ya tumbela kule va ta fa hi ntungu, lava lwaka kusuhi ni muti va ta dlawa hi matlhari; kutani lava nga ta sala emutini va rhendzeriwe hi valala, vona va ta fa hi tindlala. Hi swona leswi ndzi nga ta va vangela swona eku hlundzukeni ka mina,

Yeremiya 4:4

N'wina vanhu va tiko ra Yuda, na n'wina mi akeke eYerusalema, tinyiketeni eka mina hi mbilu hinkwayo, mi tshika ku tinonon'hwisa. Loko swi nga ri tano, mi ta hisiwa hi vukari bya mina hikwalaho ka mintirho ya n'wina leyo biha; a ku nga vi na loyi a nga ta tima ndzilo wa kona!”

Esaya 51:20

Vana va wena va helela hi matimba, va lo lákáhlá, etindleleni hinkwato, va fana ni mhala leyi phasiweke; vukari bya HOSI Xikwembu loko xi va tshinya, byi va hete matimba.

Esaya 51:17

We Yerusalema, suka u yima! Yima, wena u nweke vukari bya HOSI Xikwembu exinwelweni lexi xi ku nyikeke xona; u nwile u heta, u pyopyiwa.

Ntirho 20:23

Loko a ha ri eku dyeni, Xikwembu xi ta n'wi ba hi vukari bya xona lebyi hisaka; swi ta va swakudya leswi xi n'wi phamelaka swona!

Levhitika 26:28

na mina ndzi ta endla leswi mi nga ta ka mi nga swi lavi; ndzi ta mi ba ndzi hlundzukile, ndzi mi ba ka 7 ku tlula leswo sungula, hikwalaho ka swidyoho swa n'wina.

Varhoma 13:4

hikuva hosi i nandza wa Xikwembu ku ku pfuna. Kambe loko u endla leswo biha, u fanele ku chava, hikuva hosi a yi lo halahala ku tamela banga; yi rhumiwile hi Xikwembu ku va murihiseti la baka mudyohi.

Zakariya 1:14

Kutani ntsumi leyi a yi vulavula na mina, yi ndzi byela ku huwelela, ndzi tivisa vanhu marito ya HOSI ya matimba hinkwawo lama nge: “Ndzi le ku vavisekeni lokukulu hikwalaho ka muti wa Yerusalema, ndzi vavisekela ni ntshava ya Siyoni.

Mikiya 7:18

We HOSI, xana xi kona xikwembu xin'wana lexi fanaka na wena xana? Vanhu lava nga masalela ya ndzhaka ya wena, wa va rivalela milandzu ya vona, a wu hlayeli leswaku va tiarise kangani. Loko u hlundzukile, vukari bya wena byi hatla byi rhelela, hikuva u tsakela ngopfu ku hi komba tintswalo ta wena leto tshembeka.

Ezekiele 38:18

HOSI N'wini wa hinkwaswo ú vula sweswo ú ri: “Siku Gogo a humaka nyimpi ku ta hlasela tiko ra Israele, ndzi ta n'wi hlundzukela ngopfu.

Ezekiele 36:6

Hikokwalaho wena muprofeta, vulavula ni tiko ra Israele, u byela lava akeke etintshaveni ta rona ni le switsungeni swa rona ni le minkoveni ya rona ni le timbaleni ta rona, leswaku mina HOSI N'wini wa hinkwaswo ndzi ni rito eka vona leri nge: ‘Vamatiko va mi vangele tingana letikulu, kambe ndzi tiyimiserile ku va tshinya eku hlundzukeni ka mina lokukulu.

Ezekiele 8:18

Hikokwalaho ndzi ta va ba; ndzi nga ka ndzi nga va rivaleli, a ndzi nga va tweli vusiwana. Va ta rila va ba huwa etindleveni ta mina, kambe a ndzi nga va hingisi.”

Ezekiele 5:13

“Vukari bya mina byi ta pfurha byi ya emahlweni; ndzi ta mi ba ndzi vuyelela, kutani loko swilo leswi swi humelela, mi ta swi tiva leswaku loyi a vulavulaka, hi mina HOSI ya rilaveta.

Swirilo 4:11

HOSI Xikwembu xi hetisisile makungu ya ku hlundzuka ka xona, xi chulurile ndzilo wa vukari bya xona, wu hisa muti wa Siyoni, wu herisa ni masungulo ya wona.

Yeremiya 36:7

Kumbexana vanhu lava va ta hundzuka etindleleni ta vona leto homboloka, kutani va ya rila eka HOSI Xikwembu, hikuva xona xi vurile leswaku xi lava ku va ba hi vukari bya xona lebyikulu byo chavisa.”

Yeremiya 25:15

Kutani HOSI Xikwembu xa Israele xi ndzi lerisa xi ku: “Teka xinwelo lexi xa vhinyo lexi teleke hi vukari bya mina, u ya nwisa vamatiko hinkwavo lava ndzi nga ta ku rhumela eka vona.

Yeremiya 3:5

U te ka mina: ‘Xana u ta ndzi hlundzukela ni ku ndzi karihela minkarhi hinkwayo xana?’ Sweswo u swi vurile hi nomo ntsena, hikuva u yile emahlweni u endla leswo biha hinkwaswo.”

Esaya 66:15

Vonani HOSI Xikwembu xi ta xi ri endzeni ka ndzilo, bubutsa ri ri kalichi ra xona; xi ta ta xi karihile swinene, xi tela lava va xi hlundzukiseke; xi ta va tela ni malangavi ya ndzilo, xi ta va ba.

Duteronoma 7:10

Kambe lava va xi vengaka, xi ta va ba xi va herisa. Loyi a vengaka HOSI Xikwembu, xi nge n'wi tsetseleli xi n'wi tshika ntsena, kambe xi ta n'wi ba.

Yeremiya 28:8

Vaprofeta lava hanyeke khale mina na wena hi nga si va kona, va vulavurile ni vanhu va matiko layo tala ni va mimfumo leyikulu, va va tivisa leswaku ku ta va ni tinyimpi ni makhombo ni mintungu.

Ezekiele 38:19

Ndza tiyisa leswaku, esikwini rero, ndzi ta vanga ku tsekatseka lokukulu etikweni ra Israele, ndzi ri karhi ndzi twa ku vava, ndzi hlundzukile swinene.

Eksoda 34:7

lexi kombaka tintswalo leti to tshembeka ku fika eka rixaka ra khume ra madzana, lexi rivalelaka milandzu, ni ku tiarisa, ni swidyoho, kambe xi nga tshikiki ku ba lava dyoheke, ku fika eka vana va vona, ni ka vatukulu va vona ku yisa erixakeni ra vunharhu ni ra vumune.”

Tinhlayo 25:11

“Ntukulu wa muprista Aroni, Finiyasi n'wana Eliyazara, ú ponisile Vaisraele evukarini bya mina, hikuva ú lavile leswaku ku gandzeriwa mina ntsena, hikokwalaho a ndzi va herisanga.

Yeremiya 50:15

Mbvungunyisani mhalamhala, mi lwa mi va rhendzerile. Vonani, va veka matlhari ehansi, rirhangu ra muti wa vona ra wa, swihondzo swa kona, hòhlò! HOSI Xikwembu xi le ku tirihiseleni, hikokwalaho na n'wina rihisetani eka va le Babilona, mi va endla leswi va mi endleke swona.