Nahume 1:14 - BIBELE Mahungu Lamanene

¹⁴ HOSI Xikwembu xi lerisile timhaka hi tlhelo ra wena, xi ku: “A wu nga ha vi na vatukulu ku yisa xivongo xa wena emahlweni. Ndzi ta susa swifaniso swa swikwembu swa wena, swa mintsandza ni swa koporo, etempeleni ya swona. Ndzi karhi ndzi cela sirha ra wena, hikuva a wa ha ri nchumu.”

Xitsonga (Bibele)

¹⁴ Loko u ri wena, Ninivha, Yehovha u lerisa, a ku: “Vito ra wena a ri nga ha byariwi. Endlwini ya swikwembu swa wena, ndzi ta susa swifaniso leswi vatliweke ni leswi chuluriweke, kutani ndzi ta ku lunghisela sirha, hikuva u xahava.”

Nahume 1:14 Referans Kwoze

Pisalema 109:13

na vona a va love hinkwavo, va hela va ku bì, xivongo xa ka vona xi hatla xi nyamalala.

Mikiya 5:13

Ndzi ta herisa swikwembu swa n'wina swa swifaniso, ndzi herisa ni maribye ya vukhongeri bya hava, kutani a mi nga ha nkhinsameli swilo leswi endliweke hi mavoko ya n'wina.

Swivuriso 10:7

Munhu wo lulama wa nkhensiwa, a nga rivariwi, kasi vito ra lowo homboloka ra bola.

2 TIHOSI 19:37

Siku rin'wana, loko a ri karhi a gandzela endlwini ya Nisiroko xikwembu xa yena, vana va yena Adrameleke na Xaresere va n'wi dlaya hi fumu, kutani va balekela etikweni ra Ararata. Esari-Hadoni, un'wana wa vana va yena, a sala a fuma.

Daniele 11:21

Munhu loyi a a vulavula na Daniele a engeta a ku: “Endzhaku ka sweswo ku ta humelela mufumi loyi a nga tsakeriwiki hi munhu, loyi vuhosi byi nga riki bya yena; ú ta humelela vanhu va nga ehleketanga nchumu, a titekela vuhosi hi vukanganyisi.

Yeremiya 50:2

“Huwelelani mi tivisa vanhu, yimisani mujeko mi twarisa mahungu, mi nga va fihleli nchumu, va byeleni mi ku: ‘Muti wa Babilona wu ta tekiwa, xikwembu xa kona lexi va nge i Bele xi ta tsongahatiwa, ni lexi va nge i Merodaka xi ta hela matimba; swikwembu leswi swa hava swi ta khomisiwa tingana; swi ta hela ntamu, hikuva i swifaniso ntsena.

Esaya 33:13

N'wina mi nga ematikweni ya le kule, rhiyani ndleve mi twa leswi ndzi swi endleke; n'wina mi nga kusuhi, pfumelani leswaku hakunene ndzi ni matimba.”

Esaya 19:1

Lawa i mahungu hi tlhelo ra tiko ra Egipta. Vonani, HOSI Xikwembu xa ta, xi ta hi papa ra rivilo swinene, xi tela Vaegipta; swifaniso swa swikwembu swa Vaegipta swi ta rhurhumela emahlweni ka xona, hambi va ri vona Vaegipta va ta hela matimba hi ku chava.

Pisalema 71:3

u va ribye ro tiya leri ndzi tumbelaka eka rona, leri u ri lulamiseke leswaku ndzi hlayiseka eka rona. Hakunene, hi wena ribye ra mina ni khokholo ranga.

2 TIKRONIKA 32:21

Kutani xona xi rhuma ntsumi ya xona, yi ya dlaya masocha hinkwawo ni tindhuna ta wona, emixaxeni ya hosi ya Asiriya. Hiloko Senakeribi a muka a ri ni tingana; kutani siku rin'wana, loko a ya khongela endlwini ya xikwembu xa yena, van'wana va vana va yena va n'wi dlayela kona hi fumu.

1 SAMIELE 3:13

Ndzi n'wi tivisa leswaku ndzi lava ku avanyisela makumu rixaka ra yena, hikwalaho ka swidyoho swa vana va yena leswi a swi tivaka: Va vulavurile swo biha hi mina Xikwembu, kambe a nga va tshinyanga.

Levhitika 26:30

Ndzi ta herisa switsunga swa n'wina leswo hlawuleka, ndzi fayetela ni tialitari leti mi hiselaka eka tona mirhi ya risuna, ndzi mi dlaya ndzi cukumeta mintsumbu ya n'wina ehenhla ka mintsumbu ya swifaniso swa swikwembu swa n'wina swa hava. Mi ta va mi ndzi nyangatsile ngopfu,

Eksoda 12:12

“Hi vusiku byebyo, ndzi ta tsemakanya tiko ra Egipta, ndzi lovisa mativula hinkwawo ya Vaegipta, mativula ya vanhu ni ya swifuwo; swikwembu hinkwaswo swa Egipta, ndzi ta swi avanyisa: Hi mina HOSI.

Ntirho 18:17

Etikweni a nga ha tivi hi munhu, vito ra yena ri nyamalala evanhwini.

Mikiya 5:14

Timhandze ta Axera xikwembukazi, ndzi ta ti simula ti suka exikarhi ka n'wina, ndzi mbundzumuxela ni miti ya n'wina.

Habakuku 2:10

Kasi, hi makungu ya wena, u vangele ndyangu wa wena etingana. Hi ku herisa vanhu va tinxaka leto tala, u lahlekeriwile hi vutomi bya wena.

Daniele 5:27

‘Tekele’, swi vula ku pima. U pimiwile exikalwini, kutani u kumekile u ri la vevukaka.