Nahume 1:13 - BIBELE Mahungu Lamanene

¹³ Sweswi ke, ndzi ta tshova joko ra Asiriya leri ri ku tikelaka, ndzi ta tsema tinketani leti ti ku bohaka.”

Xitsonga (Bibele)

¹³ Kutani, ndzi ta tshova sweswi, joko ra yena leri nga ehenhla ka wena, ndzi tsema ni switsimbo swa wena.”

Nahume 1:13 Referans Kwoze

Esaya 10:27

Enkarhini wolowo, ndzhwalo lowu Vaasiriya va mi rhwexeke wona emakatleni ni joko leri va mi tlhandlekeke rona enhan'wini, swi ta suka. Joko ri ta tshoveka, hikuva mi ta va mi nyuherile.”

Esaya 9:4

hikuva joko leri a va rhwexiwile rona, ni nhonga leyi vaxanisi va vona a va va ba ha yona, wena HOSI u swi tshovelerile kukota loko u tshovile matimba ya Vamidiyani.

Yeremiya 2:20

HOSI Xikwembu xi ri: “N'wina Vaisraele, i khale mi arile ku fumiwa hi mina, mi ndzi tshikile mi nga lavi ku ndzi tirhela. Mi yile mi ya khongela eswitsungeni hinkwaswo, ni le hansi ka mirhi hinkwayo leyi tlhumeke, mi etlela kukota tinghwavava.

Esaya 14:25

Vaasiriya lava nga tikweni ra mina, ndzi ta va tshovelela; ndzi ta va kandziyela, etintshaveni ta mina; joko leri va ri tlhandlekeke Vaisraele, ni ndzhwalo lowu va va rhwexeke emakatleni, swi ta susiwa.”

Pisalema 107:14

Xi va humesile exinyamini xo chavisa xa le khotsweni, xi tsemile ni tinketani ta vona.

Yeremiya 5:5

Hikokwalaho ndzi te, ndzi ta ya eka varhangeri va tiko ndzi ya vulavula na vona; a ndzi ku, va ta tiva ku rhandza ka HOSI Xikwembu xa vona, va tiva ni leswi xi swi langutelaka eka vona. Kambe ndzi kumile leswaku va ala ku tiveka ehansi ka milawu ya HOSI, va ri, joko ra kona ra va tikela.

Levhitika 26:13

Hi mina HOSI, Xikwembu xa n'wina lexi xi mi humeseke etikweni ra Egipta, leswaku mi nga ha vi mahlonga ya Vaegipta. Ndzi susile mpingu lowu a mi rhwexiwile wona, leswaku na n'wina mi ta va vanhu exikarhi ka van'wana vanhu.