Nahume 1:12 - BIBELE Mahungu Lamanene

¹² HOSI Xikwembu xi vurisa sweswo, xi ri: “Hambiloko va le Asiriya va nga kayiveli nchumu, hambiloko va tele, va ta tsemiwa, va nyamalala. Hambileswi ndzi ku tsongahateke wena Yuda tiko ra mina, a ndzi nga ha tlheli ndzi ku tsongahata.

Xitsonga (Bibele)

¹² Yehovha u te: “Hambi va hlayisekile va ri vanyingi, na swona va ta hweviwela ehansi va fa; kutani wena [Yuda], loyi ndzi ku tsongahateke, a ndzi nga ha ku tsongahati.

Nahume 1:12 Referans Kwoze

Yuwele 2:19

HOSI Xikwembu xi hlamula vanhu va xona, xi ku: “Vonani, ndzi ta mi nyika mavele ni vhinyo ni mafurha, mi ta dya mi xurha. A ndzi nga ha mi vangeli ku sandziwa hi vamatiko.

Nhlavutelo 7:16

A va nga ha twi ndlala kumbe torha, a va nga ha hisiwi hi dyambu kumbe ku tshwa kunene,

Nahume 1:15

Langutani! Murhumiwa wa ta hi le tintshaveni; ú tisa mahungu lamanene, ni ku tivisa timhaka ta ku rhula. N'wina vanhu va Yuda, cinani minkhuvo ya n'wina, hetisani leswi mi swi hlambanyeke, hikuva muonhi a nga ka a nga ha hlaseli tiko ra n'wina, ni siku ri rin'we, ú heriseriwe ra makumu.

Daniele 11:10

“Kutani vana va mufumi wa le n'walungwini va ta tilulamisela ku pfuxa nyimpi: Va ta hlengeleta mavuthu layo tala, kutani un'wana wa vona ú ta huma nyimpi ni masocha ya yena, va tsemakanya ndzilekana wa Egipta kukota ndhambi ya mati, va ri karhi va hlasela; eku vuyeni ka vona va ta herisa ni rin'wana ra makhokholo ya kona.

Esaya 51:22

HOSI Xikwembu N'wini wa n'wina, xona lexi lwelaka vanhu va xona, xi ri: “Ndzi susile emahlweni ka n'wina xinwelo lexi xi mi pyopyisaka, a mi nga ha nwi vukari bya mina.

Esaya 37:36

Kutani ntsumi ya HOSI Xikwembu yi humelela emixaxeni ya Vaasiriya, yi lovisa vavanuna va 185 000. Loko ri ya eku xeni, lavan'wana va pfuka, kutani vo vona mintsumbu ntsena.

Esaya 31:8

Vaasiriya va ta hluriwa enyimpini, kambe fumu leri ri nga ta va dlaya, a ri nga vi ra vanhu ntsena, va ta baleka hi ku chava ku dlayiwa, tinhenha ta vona ti ta khomiwa, ti rhwexiwa mintirho yo tika.

Esaya 30:19

N'wina vanhu va Siyoni, lava tshamaka eYerusalema, a mi nga ha rili. Loko mi huwelela, HOSI Xikwembu xi ta mi twela vusiwana, xi hatla xi mi hlamula.

Esaya 17:14

Va ta chavisa vanhu nimadyambu ntsena, nimixo va ta va va nyamalarile! Leswi hi swona swi nga ta humelela lava va hi hlaselaka, va ta herisa sweswo lava phanghaka swa hina.

Esaya 8:8

mati ma nghena etikweni ra Yuda kukota ndhambi, ma ndlandlamuka, vanhu va nghena va fika hi le tinhan'wini; timpapa ta nambu ti ta ntlharamuka ti khubumeta tiko ra wena hinkwaro, we Emanuwele.”

Esaya 7:20

“Enkarhini wolowo, N'wini wa hinkwaswo ú ta byewula vanhu hi rikari leri a nga ta ri lomba entsungeni wa nambu wa Yufrata; ú ta va byewula tinhloko ni miri hinkwawo, ku katsa ni malebvu. Rikari ra kona i hosi ya Asiriya.

2 TIHOSI 19:37

Siku rin'wana, loko a ri karhi a gandzela endlwini ya Nisiroko xikwembu xa yena, vana va yena Adrameleke na Xaresere va n'wi dlaya hi fumu, kutani va balekela etikweni ra Ararata. Esari-Hadoni, un'wana wa vana va yena, a sala a fuma.

2 TIHOSI 19:35

Kutani, hi vusiku byebyo, ntsumi ya HOSI Xikwembu yi humelela emixaxeni ya Vaasiriya, yi lovisa vavanuna va 185 000. Loko ri ya eku xeni, lavan'wana va pfuka, kutani vo vona mintsumbu ntsena.

Eksoda 12:12

“Hi vusiku byebyo, ndzi ta tsemakanya tiko ra Egipta, ndzi lovisa mativula hinkwawo ya Vaegipta, mativula ya vanhu ni ya swifuwo; swikwembu hinkwaswo swa Egipta, ndzi ta swi avanyisa: Hi mina HOSI.

Esaya 10:16

Hikokwalaho HOSI ya matimba hinkwawo, N'wini wa hinkwaswo ú ta rhumela ntungu lowu nga ta ondzisa tinhenha ta Asiriya leto nyuhela, swirho swa tona swi ta hisa ngopfu ku fana ni ndzilo lowu pfurhaka.