Nahume 1:10 - BIBELE Mahungu Lamanene

¹⁰ Va kotisa mitwa leyi phasaneke, va fana ni vanhu lava pyopyiweke loko va nwile. Va ta tshwa kukotisa byanyi lebyi omeke, va tshwela makumu.

Xitsonga (Bibele)

¹⁰ Hikuva hambi va phasetelanile kukotisa emitweni, va pyopyile hi swakunwa swa vona, va ta hisiwa hinkwavo ku fana ni mungu lowu omeke.

Nahume 1:10 Referans Kwoze

Mikiya 7:4

Lava tlulaka van'wana hi vunene, va kota xigatlu, lavo lulama ngopfu va fana ni rihlampfu ra mitwa. Nkarhi wa vona wa ku biwa, lowu vaprofeta va va byeleke wona, wu fikile, kutani sweswi va hlangane tinhloko.

Malakiya 4:1

“Vonani, siku leri pfurhaka kukota langavi ra ta: Lava tikurisaka ni lavo homboloka, va ta hisiwa ku fana ni byanyi. Esikwini rero va ta tshwa, ku nga ha sali na un'we wa mhamba! Ndzi vula sweswo, mina HOSI ya matimba hinkwawo.

Nahume 3:11

Na wena Ninivha, u ta pyopyiwa, u ta tifihla, u ta lava vuchavelo byo tumbela valala eka byona.

Esaya 9:18

Lavo homboloka va le ku pfurheni, ku fana ni mitwa ni swigatlu leswi herisiwaka hi ndzilo; va kota xihlahla xo tlhuma lexi tshwaka, musi wu tuvika wu ya henhla.

Esaya 5:24

Leswi va fularheleke Nawu wa HOSI ya matimba hinkwawo, va sola ni marito ya Muhlawuleki wa Israele, va ta herisiwa kukota mavivi lama tshwaka, va ta fana ni byanyi byo oma lebyi hisiwaka byi hela; va ta kota murhi lowu boleke timitsu, ku saseka ka vona ku ta haha kukota ritshuri.

Yeremiya 51:57

HOSI Xikwembu xi ri: “Ndzi ta pyopyisa tindhuna ni tintlhari, varhangeri ni vafambisi va mavuthu ni tinhenha! Ndzi ta va etlerisa vurhongo lebyikulu, kutani a va nga ha xalamuki, ku vula mina Mufumi, HOSI ya matimba hinkwawo.

Yeremiya 51:39

Loko va ha nyanyukile, ndzi ta va lulamisela nkhuvo lowukulu, ndzi va pyopyisa va kondza va nga ha titivi, kutani va ta etlela vurhongo lebyikulu; va nga ka va nga ha xalamuki, ku vula mina HOSI.

Esaya 27:4

A ndza ha yi kariheli. Loko ko va ni mitwa ni swigatlu eka yona, ndzi ta lwa na swona, ndzi swi hlengeleta ndhawu yin'we, ndzi swi hisa,

Pisalema 68:2

Lavo homboloka, u va hangalasa we Xikwembu, va nyamalala ku fana ni musi lowu hahisiwaka, va herisiwa emahlweni ka wena kukota mafurha endzilweni.

2 SAMIELE 13:28

Kutani a lerisa malandza ya yena, a ku: “Mi xiya loko Aminoni a pyopyiwile hi vhinyo, kutani loko ndzi ku ka n'wina: ‘Tlhavani Aminoni!’, mi n'wi dlaya. Mi nga chavi, hikuva hi mina ndzi mi lerisaka. Kanyani timbilu, mi komba vunhenha bya n'wina.”

1 SAMIELE 25:36

Abigayele a muka, a kuma Nabala a ri eku dyeni ka nkhuvo lowukulu emutini wa yena; nkhuvo wa kona a wu fana ni wa tihosi. Nabala a a titsakerile swinene, hikuva a a pyopyiwile ngopfu. Hikokwalaho, Abigayele a nga kalanga a bula na yena kumbe ku n'wi byela xa nchumu ku kondza ri xa.

Pisalema 118:12

Va ndzi hlengerile kukota tinyoxi, kambe va hatle va nyamalala, onge i ndzilo wa mavivi. Ndzi va hlurile hi vito ra HOSI.

Esaya 47:14

“Vanhu lava va ta fana ni mavivi, va ta tshwa hi ndzilo, va hela! Va ta tsandzeka ni ku tiponisa emalangavini lama pfurhaka hi matimba. Lowu a hi wona ndzilo wo tinyawusa eka wona, ni ku orheka a wu orheki!

Esaya 56:12

Va byelana va ku: “A hi yeni hi ya lava vhinyo, a hi nweni byalwa, hi xurha! Siku ra mundzuku ri ta fana ni lera namuntlha ri va lerinene ngopfu.”

Eksoda 5:12

Kutani Vaisraele va hangalaka na tiko ra Egipta, va famba va hlengeleta byanyi bya mavivi, hi ku pfumala tlhongwe.

Eksoda 15:7

Eku dzunekeni ka wena lokukulu, u wisile lava va ku pfukeleke; u rhumerile vukari bya wena, byi va herisa ku fana ni byanyi bya mavivi.