Mikiya 7:9 - BIBELE Mahungu Lamanene

⁹ Hi ta tiyisela hi byarha vukari bya HOSI Xikwembu, hikuva hi xi dyoherile; xi ta rhanga xi boxa nandzu wa hina, xi hi avanyisa, kutani xi hi humesela eku vonakaleni, leswaku hi vona matimba ya xona ya ku ponisa.

Xitsonga (Bibele)

⁹ Ndzi ta rhwala ku kariha ka Yehovha, hikuva ndzi n'wi dyoherile, leswaku a ta ndzi pfuna emitengweni ya mina, kutani a ndzi avanyisela. U ta ndzi humesela eku vonakaleni, kutani ndzi ta hlalela ku lulama ka yena.

Mikiya 7:9 Referans Kwoze

1 Vakorinto 4:5

Hikokwalaho mi nga avanyiseli nchumu makumu, nkarhi wu nga si fika. Yimelani Hosi yi ko yi vuya; hi yona leyi nga ta humesela erivaleni swilo swa munyama leswi fihliweke, ni ku paluxa makungu ya timbilu ta vanhu; kutani hi kona un'wana ni un'wana a nga ta kuma ku dzunisiwa ka yena loku humaka eka Xikwembu.

Pisalema 37:6

Xi ta ku khanisa, xi vangamisa ku lulama ka wena ku fana ni dyambu ninhlekanhi.

1 SAMIELE 24:15

HOSI Xikwembu a xi hi avanyise, xi komba loyi a nga mudyohi exikarhi ka mina na wena. A xi kambisise mhaka ya mina, xi yi tsema, xi ndzi kutsula emavokweni ya wena.”

2 Timotiya 4:8

Leswi saleke, hileswaku harhi ya vahluri yi ndzi yimerile, ku nga ku lulama loku Hosi, muavanyisi lowo lulama, yi nga ta ndzi nyika hi siku lerikulu; kutani a yi nga nyiki mina ntsena, kambe yi ta nyika ni hinkwavo lava tsakeleke ku humelela ka yona.

Malakiya 3:18

Hikona mi nga ta vona ku hambana exikarhi ka lavo lulama ni lavo homboloka, ni le xikarhi ka lava va ndzi tirhelaka, ni lava va nga ndzi tirheliki mina Xikwembu.”

Nhlavutelo 18:20

Tsaka hi mhaka ya wona, wena tilo; na n'wina vahlawuriwa va Xikwembu, ni vaapostola, ni vaprofeta, tsakani, hikuva Xikwembu xi wu avanyisile, xi mi rihisetela.”

Esaya 46:13

Siku leri ndzi nga ta mi ntshunxa ha rona, ndzi ri tshinete kusuhi, a ra ha ri kule; ri nge hlweli ku fika, siku leri ndzi nga ta mi ponisa ha rona; muti wa Siyoni wu ta kuma ku pona, tiko ra Israele, ndzi ta ri nyika ku dzuneka ka mina.”

Pisalema 43:1

We Xikwembu, ndzi avanyisele mhaka ya mina, u ndzi lwela eka vanhu lava nga khongeriki; ndzi lamulele eka vanhu lavo homboloka, lava kanganyisaka.

Pisalema 7:6

We HOSI, suka u yima u hlundzukile, tlakuka u tela valala va mina lava levaka; pfuka u ndzi lwela, wena u lavaka leswaku timhaka ti avanyisiwa hi ku lulama.

Ntirho 23:10

Xikwembu xi tiva tindlela ta mina; loko xi ndzi kamberile, xi ta ndzi kuma ndzi tengile kukota nsuku.

2 SAMIELE 24:17

Loko Davhida a vona ntsumi leyi a yi ri karhi yi dlayetela vanhu, a ku ka HOSI Xikwembu: “Hi mina ndzi dyoheke, nandzu wu na mina. Xana vambuyangwana lava va onhile yini xana? Ndzi kombela leswaku u ba mina, ni va ndyangu wa mina.”

1 SAMIELE 26:10

Davhida a engeta a ku: “Ndza hlambanya emahlweni ka HOSI Xikwembu lexi hanyaka, ndzi ri: HOSI Xikwembu, hi xona xi nga ta lovisa Sawulo: Ku nga va loko siku ra yena ra ku fa ri ta va ri fikile, kumbe a ya fela enyimpini.

1 SAMIELE 25:39

Loko Davhida a twa leswaku Nabala ú lovile, a ku: “A ku nkhensiwe HOSI Xikwembu lexi yimeke na mina, emhakeni ya ku rhuketeriwa ka mina hi Nabala. HOSI Xikwembu xi ndzi siverile ku endla leswo biha, mina nandza wa xona, xi bile Nabala hi xoxe hikwalaho ka mintirho ya yena leyo biha.” Kutani Davhida a rhuma vanhu va ya gangisa Abigayele, leswaku a va nsati wa yena.

1 SAMIELE 3:18

Hiloko Samiele a n'wi byela hinkwaswo, a nga n'wi fihleli nchumu. Kutani Heli a ku: “HOSI yi vulavurile, a yi endle leswi yi swi vonisaka swona.”

Levhitika 26:41

kutani na mina ndzi endla leswi va nga swi laviki, ndzi va yisa ematikweni ya valala va vona. Naswona, vanhu lava va nga tlhela va hundzuka hi ku hetiseka, va hambana ni mikhuva ya vona leyo biha.

Swirilo 1:18

“HOSI yi lulamile, a yi hoxanga: Nandzu wu na mina ndzi nga tlula ku lerisa ka yona. N'wina vanhu hinkwenu, yingisani, mi languta ni maxangu ya mina. Vanhwana va mina ni majaha ya mina va yisiwile evukhumbini.

Pisalema 94:15

Ku lulama ku ta tlhela ku va kona etihubyeni, vanhu hinkwavo lavo lulama va ta ku seketela.

Pisalema 119:154

Kambisisa mhaka ya mina, u ndzi kutsula; ndzi hanyise hilaha u tshembiseke hakona.

Esaya 42:7

U ta pfula mahlo ya lava nga voniki, lava pfaleriweke ekhotsweni, u ta va humesa; u ta va susa exinyamini lexi va tshamaka eka xona.

Esaya 42:16

Vanhu lavo ka va nga voni lava, ndzi ta va fambisa hi ndlela leyi va nga yi tiviki, ndzi ta va tisa hi mabudula lawa va nga si tshamaka va famba ha wona; xinyami lexi nga mahlweni ka vona ndzi ta xi hundzula ku vonakala, tindhawu leti nga fambekiki ti ta va rivala. Swilo leswi, ndzi ta swi endla hinkwaswo, a ndzi nga siyi na xin'we xa swona.

Esaya 56:1

HOSI Xikwembu xi vurisa sweswo xi ri: “Hlayisani milawu, mi endla leswi lulameke, hikuva ndzi le kusuhi ni ku mi ponisa, ndzi komba matimba ya mina ya ku mi ntshunxa.

Yeremiya 10:19

Muti wa Yerusalema wu hlamula wu ku: “Yóò, ndzi file minoo! Mbanga ya mina i ntsandza-vatshunguri. A ndzi ku, i ndzhwalo wa mina, ndzi ta wu byarha.

Yeremiya 51:10

HOSI Xikwembu xa hina xi hi lamulerile, a hi yeni hi ya tivisa van'wana eSiyoni leswi xi hi endleleke swona!”

Ntirho 35:14

Kutani xi nga ku vonisa ku yini wena ke, leswi u vulaka leswaku a wu xi voni, ni leswaku wa ha yimela xona ku tsema mhaka ya wena!

Esaya 51:22

HOSI Xikwembu N'wini wa n'wina, xona lexi lwelaka vanhu va xona, xi ri: “Ndzi susile emahlweni ka n'wina xinwelo lexi xi mi pyopyisaka, a mi nga ha nwi vukari bya mina.

Yeremiya 14:7

Vanhu va huwelela va ku: “We HOSI, hi dyohile emahlweni ka wena, hi tlhelele ndzhaku minkarhi yo tala, mintirho ya hina leyo biha ya hi mangalela. Hambiswiritano hi pfune hikwalaho ka vito ra wena.