Mikiya 7:7 - BIBELE Mahungu Lamanene

⁷ Kambe loko ndzi ri mina, ndzi ta languta eka HOSI Xikwembu, ndzi ta titshembela xona muponisi wanga, Xikwembu xa mina xi ta ndzi hlamula.

Xitsonga (Bibele)

⁷ Loko ndzi ri mina, ndzi ta languta eka Yehovha, ndzi languta eka Xikwembu xa ku hlayiseka ka mina: Xikwembu xa mina xi ta ndzi yingisa!

Mikiya 7:7 Referans Kwoze

Pisalema 37:7

Loko u ri emahlweni ka HOSI Xikwembu, miyela u langutela xona; lava humelelaka etindleleni ta vona, kumbe lava endlaka makungu layo biha, u nga tipandzisi nhloko hi vona.

Esaya 45:22

“Hundzulukelani eka mina leswaku mi ta ponisiwa, n'wina mi akeke emisaveni hinkwayo, hikuva Xikwembu hi mina ntsena, a ku na xin'wana.

Esaya 25:9

Enkarhini wolowo, vanhu va ta ku: “Vonani, lexi hi xona Xikwembu xa hina; i khale hi xi languterile leswaku xi ta hi lamulela. Hi xona Xikwembu lexi a hi xi yimerile: A hi tsakeni hi tlangela leswi xi hi poniseke.”

Pisalema 25:5

Ndzi fambise entiyisweni wa wena, u ri karhi u ndzi dyondzisa, hikuva hi wena Xikwembu lexi xi ndzi ponisaka, minkarhi hinkwayo ndzi tshemba wena.

Pisalema 130:5

Ndzi tshemba HOSI hi mbilu ya mina hinkwayo, ndzi yimela ku twa rito ra yona.

Pisalema 109:4

Ndza va rhandza, naswona ndza va khongelela, kambe vona va tshamela ku ndzi lumbeta.

Esaya 12:2

“Xikwembu i muponisi wa mina wa xiviri, ndzi ta xi tshemba, a ndzi nga ha chavi nchumu; HOSI Xikwembu i ntamu wa mina, ndzi ta yimbelela ndzi dzunisa xona, hikuva hi xona xi ndzi ponisaka.”

Pisalema 65:2

U Xikwembu lexi yingisaka swikhongelo, hikokwalaho vanhu hinkwavo va ta eka wena.

Genesa 49:18

“We HOSI, ndzi langutele ku ponisiwa hi wena!

Pisalema 38:15

Kambe we HOSI, ndzi ta langutela wena, hi wena u nga ta hlamula, we Xikwembu N'wini wanga.

Esaya 8:17

HOSI Xikwembu xi fularhele va ka Yakobo, kambe mina ndzi ta langutela xona, ndzi xi tshemba.

Pisalema 50:15

Hi siku ra khombo, ndzi vitaneni, ndzi ta mi lamulela, kutani mi ta dzunisa vito ra mina.”

Esaya 17:7

Enkarhini wolowo, vanhu va ta hundzuluka va languta Muvumbi wa vona, yena Muhlawuleki wa Israele;

Daniele 3:17

Loko ho tshuka hi hoxiwa ekheleni ra ndzilo lowu pfurhaka, Xikwembu xa hina lexi hi xi tirhelaka, xi ta hi humesa, xi hi kutsula ni le mavokweni ya wena.

Hosiya 12:6

Hi sweswo ke na n'wina, Xikwembu xa n'wina xi ta mi pfuna ku tlhelela eka xona; tinyiketeleni ku rhandza van'wana ni ku avanyisa hi ku lulama, mi nga karhali ku langutela Xikwembu xa n'wina.

Yuwele 1:19

We Hosi, ndzi huwelela eka wena, hikuva ndzilo wu herisile madyelo ya swifuwo, malangavi ma hisile mirhi hinkwayo enhoveni.

Habakuku 2:1

Ndzi ta khandziya exihondzweni ndzi lavelela, ndzi ta yima ehenhla ka khokholo ra valanguteri. Ndzi ta langutela ku vona leswi HOSI yi nga ta ndzi byela swona, ni leswi ndzi nga ta hlamula swona, loko yi vulavula na mina.

Tinhlayo 5:28

Kambe loko wansati a nga tinyamisanga, a ri loyi a tengeke, a nga ka a nga humeleriwi hi nchumu, ni vana ú ta va kuma.

Pisalema 85:5

Xana u ta hi hlundzukela hilaha ku nga heriki xana? Xana u ta ya emahlweni u karihela ni lava va ha taka xana?

Swirilo 3:24

Ndzi vula sweswo ndzi ri: HOSI Xikwembu i ndzhaka ya mina, hikokwalaho ndzi veka ku tshemba ka mina eka xona.

Habakuku 2:3

Tsala ta xivono, hikuva nkarhi wa tona wa ha ta; hambiswiritano, ti ya eku hetisekeni ka tona, ti nga ka ti nga kohli munhu. Loko to tshuka ti hlwela, lehisa mbilu; hikuva ku humelela, ti ta humelela, ti nga ka ti nga heleli empfhukeni.