Mikiya 7:6 - BIBELE Mahungu Lamanene

⁶ N'wana wa xinuna ú rhuketela tata wa yena, n'wana wa xisati ú lwa na mana wa yena, hlomisa ri lwa na n'wingi wa rona, valala va munhu i va ka vona.

Xitsonga (Bibele)

⁶ Hikuva n'wana u xandzuka tata wa yena, ni n'wana wa xisati u pfukela mana wa yena, ni n'wingi u pfukela n'wingikulobye. Va yindlu ya munhu, hi vona va nga valala eka yena.

Mikiya 7:6 Referans Kwoze

Luka 12:53

“Tatana ú ta avana ni n'wana wakwe wa xinuna, n'wana wa xinuna a avana ni tata wakwe; manana ú ta avana ni n'wana wakwe wa xisati, ni n'wana wa xisati a avana ni mana wakwe; mana wa nuna ú ta avana ni n'wingi wakwe, n'wingi a avana ni mana wa nuna.”

Matewu 10:21

“Munhu ú ta nyiketa makwavo wa yena eku dlaweni, ni tatana ú ta endlisa sweswo eka n'wana wa yena; vana va ta pfukela vatswari va vona, va va dlaya.

Pisalema 41:9

Hambi a ri munghana wa mina loyi a ndzi n'wi tshemba, loyi a ndzi dya na yena, sweswi ú lwa na mina.

Ezekiele 22:7

Exikarhi ka vanhu va wena, vatswari a va ha xiximiwi, valuveri va xanisiwa ngopfu, tinoni ni lava feriweke hi vatswari va tshikeleriwa.

Yohane 13:18

“A ndzi vulavuli ndzi katsa n'wina hinkwenu; ndzi tiva lava ndzi va hlawuleke; kambe Tsalwa ri fanele ku hetiseka, leri nge: ‘Loyi a dyaka vuswa bya mina, ú ndzi hundzukele, a ndzi khadlanya.’

Swivuriso 30:11

Ku ni vanhu lava rhuketelaka vatata wa vona, hambi vamana wa vona, a va va xiximi.

Luka 21:16

Mi ta nyiketiwa hi vatswari va n'wina, ni vamakwenu, ni maxaka, ni vanakuloni; va ta dlaya van'wana va n'wina;

Matewu 26:23

A hlamula, a ku: “La nga ta ndzi xenga, hi loyi a xevaka na mina enkambaneni.

Obadiya 1:7

Hinkwavo vanghana va n'wina va ta mi kanganyisa, va mi hlongola etikweni ra n'wina; lava a mi twanana na vona va ta lwa na n'wina va mi hlula, lava a mi va tshemba ngopfu va ta mi phija mi wa, vutlhari bya n'wina a byi nga ha pfuni nchumu.

Yeremiya 20:10

Ndzi twa lava hlevetelaka va ku: “Muchavisi-matlhelo-hinkwawo, hi loyi! A hi n'wi mangaleleni eka tihosi!” Lava vulaka sweswo i vanghana va mina, hinkwavo va langutele ku wa ka mina, va ku: “Kumbexana ú ta phasiwa, kutani hi ta kota ku n'wi hlula, hi tirihisela eka yena.”

Yeremiya 12:6

Ndzi vula hikuva lava va ku kanganyisaka i vamakwenu, i vanhu va ka n'wina, hi vona va ku salaka endzhaku. Hambiloko va ku tsakisa hi marito, u nga tshuki u va tshemba!”

Swivuriso 30:17

Munhu loyi a sandzaka tata wa yena, a tlhela a ala ku yingisa mana wa yena, ú ta xokoriwa mahlo hi mawukuwuku, a dyiwa hi makoti.

2 SAMIELE 16:11

Kutani Davhida a byela Abixayi ni malandza ya yena hinkwawo, a ku: “Vonani, hambi a ri n'wana wa mina wa xiviri ú lava ku ndzi dlaya! Xana swi mi hlamarisela yini swa munhu loyi wa ka Benjamini, xana? N'wi tshikeni a rhuketela, loko a rhumiwile hi HOSI Xikwembu.

Genesa 49:4

kambe leswi u fanaka ni maboboma ya mati, a wu nga ha hlamarisi, hikuva u etlerile ni nsati wa mina lontsongo, kutani u nyamisa sangu ra mina tata wa wena.

Esaya 9:19

Vukari bya HOSI ya matimba hinkwawo byi le ku hiseni ka tiko, vanhu va fana ni tihunyi leti hlanganyetiwaka! A ku na munhu la tsetselelaka makwavo,

Yeremiya 9:4

“Tivoneleni hinkwenu eka vaakelani va n'wina, mi nga tshembani hambi mi ri vamakwavo, hikuva un'wana ni un'wana i mukanganyisi eka makwavo wa yena, hinkwavo va le ku lumbetaneni.

Esaya 3:5

vanhu hinkwavo va ta xanisana, hambi va ri vaakelani va ta tshikelelana, lavatsongo a va nga vi na xichavo eka lavakulu, ni swikamba a swi nga ha xiximi lavo chaviseka.”