Mikiya 7:4 - BIBELE Mahungu Lamanene

⁴ Lava tlulaka van'wana hi vunene, va kota xigatlu, lavo lulama ngopfu va fana ni rihlampfu ra mitwa. Nkarhi wa vona wa ku biwa, lowu vaprofeta va va byeleke wona, wu fikile, kutani sweswi va hlangane tinhloko.

Xitsonga (Bibele)

⁴ La tlulaka van'wana hi vunene u kotisa xigatlu, ni loyi a va tlulaka hi ku lulama u fana ni xihlahla xa mitwa. Ku biwa ka wena ku ta humelela hi siku leri vuriwaka hi malandza ya wena, hikwalaho va ta khomiwa hi tingana.

Mikiya 7:4 Referans Kwoze

Esaya 22:5

HOSI ya matimba hinkwawo, n'wini wa hinkwaswo, hi yena la vekeke siku leri ra huwa ni mpfilumpfilu, eka Nkova wa Swivono, vanhu va kandziyeriwe ehansi; rirhangu ra muti ri wisiwile, nkalanga wu fikile etintshaveni.

Ezekiele 2:6

U nga chavi we Ezekiele, u nga chavisiwi hi ku vulavula ka vona, hambiloko va ku rhendzerile kukota mitwa kumbe mahlwehlwe, va ku luma ku fana ni swipame. U nga chavisiwi hi marito ya vona kumbe ndlela leyi va ku langutaka ha yona, hikuva i vatiarisi.

Esaya 10:3

Xana mi ta endla yini siku mi nga ta biwa, loko xihuhuri xo huma kule xi mi tela xana? Xana mi ta tsutsumela kwihi, rifuwo ra n'wina mi ta ri siya na mani ke?

Vaheveru 6:8

Kambe loko yi mirisa mitwa ni swigatlu, a yi pfuni nchumu, kutani yi le kusuhi ni ku rhukaniwa; makumu ka yona i ku tshwa.

Luka 21:25

“Masingita ma ta va kona edyambyini, ni le n'wetini, ni le tinyeletini. Laha misaveni, matiko ma ta hela ntamu, ma tshukisiwa hi ku pfuma ka lwandle ni ka magandlati.

Nahume 1:10

Va kotisa mitwa leyi phasaneke, va fana ni vanhu lava pyopyiweke loko va nwile. Va ta tshwa kukotisa byanyi lebyi omeke, va tshwela makumu.

Amosi 8:2

Kutani HOSI yi ku: “Amosi, u vona yini xana?” Mina ndzi ku: “Ndzi vona xirhundzu xa mihandzu leyi vupfeke.” Hiloko xi ku ka mina: “Vanhu va mina va Israele va vupfile, va ta herisiwa, ndzi nga ka ndzi nga va tsetseleli ni siku ni rin'we.

Yeremiya 10:15

A swi tirhi nchumu, vanhu va swi hlekula; siku Xikwembu xi swi baka, swi ta hela swi nyamalala.

Yeremiya 8:12

Xana ku endla swa manyala leswi, swi va khomisile tingana xana? E-e, a va nyumanga ha swona niswitsanana, a swi va twisanga ku vava. Hikokwalaho na vona va ta hluriwa ku fana na van'wana esikwini leri ndzi nga ta va avanyisa, va ta wela hansi va nga ha pfuki. Ndzi vula sweswo mina HOSI.”

Esaya 55:13

Ematshan'wini ya mitwa, ku ta mila mirhi ya kipresi, mirhi ya mirta yi ta mila laha a ku ri ni swigatlu. Swilo leswi swi ta va xitsundzuxo eka mina HOSI, swi ta va mfungho lowu nga ta va kona hilaha ku nga heriki.”

Yeremiya 11:23

Lembe leri ndzi nga ta ba vanhu va le Anatoto ha rona, ndzi ta va vangela makhombo, va hela hinkwavo ku nga sali na un'we!”

Yeremiya 46:21

Masocha lawa va ma tholeke ma tsakisa kukota marhole lama noneke; kambe na wona ma ta tlhela hi ku tsutsuma, ma tsandzeka ku va lwela. Siku ra wona ra ku biwa ri fikile, wu tile nkarhi wa mina wa ku ma avanyisa.

Ezekiele 28:24

Xikwembu xi ri: “Vamatiko hinkwavo lava akelaneke ni Vaisraele va ta tshika ku va sandza, a va nga ha va tlhavi kukota mitwa leyi nga hlomukiki kumbe mahlwehlwe. Hi kona Vaisraele va nga ta tiva leswaku HOSI N'wini wa hinkwaswo, hi mina!”