Mikiya 7:20 - BIBELE Mahungu Lamanene

²⁰ U ta komba ku tshembeka ka wena ni tintswalo ta wena eka va ka Yakobo, vona vatukulu va Abrahama, hilaha u hlambanyeke hakona khale, loko u tshembisa vatata wa hina.

Xitsonga (Bibele)

²⁰ U ta kombisa Yakobo vunene, na Abrahama tintswalo leti u nga ti hlayela vatatana hi ku hlambanya ka ha ri emikarhini ya khale.

Mikiya 7:20 Referans Kwoze

Duteronoma 7:8

HOSI Xikwembu xa n'wina xi endlile leswi hikuva xa mi rhandza, naswona a xi hlayisa leswi xi tshembiseke vatata wa n'wina swona, kutani xi mi kutsurile hi matimba ya xona lamakulu, mi huma evuhlongeni bya Faro hosi ya Egipta.

Genesa 24:27

a ku: “A ku dzunisiwe HOSI, xona Xikwembu xa n'wini wa mina Abrahama, lexi nga tshikangiki ku komba ku tshembeka ka xona ni tintswalo ta xona eka n'wini wa mina. Hi xona lexi xi ndzi rhangeleke eriendzweni ra mina xi ta ndzi fikisa eka makwavo wa n'wini wa mina.”

Genesa 32:10

Mina nandza wa wena a ndzi nga fanelanga ku kuma rirhandzu ra wena lero tshembeka, ni tintswalo hinkwato leti u ndzi kombeke tona. Loko ndzi pela nambu lowu wa Yordani, a ndzi khomile nhonga ntsena, kambe sweswi ndzi ni mintlawa mimbirhi.

Duteronoma 7:12

“Leswi mi nga ta va mi yingisile swiletelo leswi, mi swi hlayisa mi hanya ha swona, HOSI Xikwembu xa n'wina na xona xi ta hlayisa ntwanano wa xona na n'wina ni rirhandzu ra xona leri tshembekeke, hilaha xi hlambanyeleke vatata wa n'wina hakona.

Yeremiya 33:6

Hambiswiritano, ndzi ta tisela va le Yerusalema ku tsaka ni ku hanyisiwa, ndzi ta va horisa, ndzi va avela rifuwo ni ku rhula loku tiyeke.