Mikiya 7:16 - BIBELE Mahungu Lamanene

¹⁶ Vamatiko lava a va ehleketa leswaku va ni matimba, va ta nyuma loko va vona swilo leswi; va ta tisiva swikandza hi mavoko, va tipfala ni tindleve.

Xitsonga (Bibele)

¹⁶ Matiko ma ta swi vona, ma ta khomiwa hi tingana hi matimba ya wona; ma ta tikhoma nomu hi voko, ma sivana tindleve.

Mikiya 7:16 Referans Kwoze

Esaya 26:11

U tlakusile voko ra wena, we HOSI, kambe a va ri voni. Va kombe leswaku u hisekela vanhu va wena, va ta khoma hi tingana, va herise hi ndzilo lowu a wu wu lunghisele valala va wena!

Esaya 52:15

Kambe sweswi, ú ta hlamarisa vanhu lavo tala, tihosi ti ta pfumala lexi ti nga xi vulaka. Vanhu va ta vona leswi va nga si tshamaka va swi vona, va ta tiva ni leswi a va nga swi tivi.”

Ntirho 40:4

“We HOSI, ndzi ntsongo ngopfu emahlweni ka wena, xana ndzi nga ku hlamula yini? Ndzi to timiyelela!

Nhlavutelo 11:18

Vanhu va matiko a va tele ku hlundzuka, kambe siku ra vukari bya wena ri fikile; i nkarhi wa ku avanyisa lava feke. I nkarhi wa ku nyika hakelo eka vaprofeta malandza ya wena, ni ka vahlawuriwa va wena hinkwawo, ni ka hinkwavo lava va ku chavaka, lavakulu ni lavatsongo. I nkarhi wa ku herisa lava herisaka misava.”

Varhoma 3:19

Ha swi tiva leswaku hinkwaswo leswi Nawu wu vulaka swona, swi kongoma lava nge hansi ka wona, leswaku vanhu hinkwavo va pfariwa milomo, ni leswaku misava hinkwayo yi yisiwa eku avanyisiweni emahlweni ka Xikwembu.

Zakariya 12:9

Xikwembu xi ri: “Hi siku rero ndzi ta lavisisa vanhu hinkwavo lava lwaka na Yerusalema leswaku ndzi va herisa.

Mikiya 5:8

Va ka Yakobo lava saleke exikarhi ka vamatiko, va rhendzeriwa hi vanhu lavo tala, va ta fana ni nghala exikarhi ka swiharhi swa nhova, kumbe n'wana wa nghala entlhambini wa tinyimpfu; laha va taka ha kona, va ta bvanyangeta ni ku phatlulela, ku ri hava munhu loyi a va sivelaka.

Ezekiele 38:23

Hi ndlela yoleyo, ndzi ta komba vukulu bya mina ni ku hlawuleka ka mina emahlweni ka vamatiko lavo tala; va ta sungula ku ndzi tiva, va swi vona leswaku HOSI Xikwembu, hi mina!”

Esaya 66:18

Ndzi tiva mintirho ya vona ni miehleketo ya vona! “Ndza karhi ndza ta ndzi ta hlengeleta vanhu va matiko hinkwawo, hi ku hambana ka tindzimi ta vona, leswaku va ta va ta vona ku dzuneka ka mina.

Pisalema 126:2

A hi tsakile swinene hi ba minkulungwana, vamatiko va kondza va ku: “HOSI Xikwembu xi va endlerile leswikulu!”

Ntirho 21:5

Ndzi languteni, ndzi ta mi tshukisa namuntlha, mi tlhela mi tisiva ni milomu hi ku chava.

Swivuriso 30:32

Loko u tiendlile phuphula hi ku tikurisa, kumbe hi ku boha makungu layo biha, dyondza ku tikhoma u miyela.

Mikiya 3:7

Vamavonakule va ta nyuma, vavhumbhi va khomiwa hi tingana; hinkwavo va ta languta hansi, hikuva a ndzi nga va hlamuli mina Xikwembu.”

Hagayi 2:22

Ndzi ta wisa tihosi eswitshan'wini swa tona; ku nga ri khale, ndzi ta herisa matimba ya mimfumo hinkwayo ya vamatiko. Ndzi ta wisa tigolonyi ta nyimpi ni vachayeri va tona. Vagadi ni tihanci ta vona swi ta wa hi tlhari, va hetana hi xivona.