Mikiya 7:12 - BIBELE Mahungu Lamanene

¹² Kutani vanhu va ta ta va huma ematlhelweni hinkwawo, ku sukela Asiriya ku ya fika le Egipta, ku sukela enambyeni wa Nilo ku ya fika enambyeni wa Yufrata, va huma eribuweni ra lwandle ni le matikweni ya tintshava.

Xitsonga (Bibele)

¹² Enkarhini lowo ku ta ta eka wena, lava pfaka Asiriya ku ya fika emitini ya Egipta, ni ku suka eEgipta ku yisa enambyeni, ku suka elwandle rin'wana ku ya fika elwandle rin'wana, ni ku suka entshaveni yin'wana ku ya fika entshaveni yin'wana.

Mikiya 7:12 Referans Kwoze

Hosiya 11:11

va ta vuya hi ku rhurhumela ku fana ni tinyanyana, va huma etikweni ra Egipta, va ta vuya hi le tikweni ra Asiriya, va fana ni matuva. HOSI Xikwembu xi vula sweswo xi ri: “Mina ndzi ta va tlherisela emitini ya vona.”

Esaya 11:16

Ku sukela le Asiriya, ku ta va ni gondzo lerikulu, leri masalela ya vanhu va HOSI Xikwembu ma nga ta famba ha rona; ri ta fana ni leri Vaisraele va fambeke ha rona, loko va huma etikweni ra Egipta.

Ezekiele 37:21

kutani u va byela leswaku mina HOSI N'wini wa hinkwaswo ndzi ri, ndzi ta hlengeleta Vaisraele va huma ematikweni hinkwawo lawa va hangalasiweke va ya eka wona, ndzi va vuyisa etikweni ra vona.

Ezekiele 29:21

“Hi siku rero, ndzi ta tlhela ndzi tiyisa Vaisraele, ndzi va nyika matimba; ndzi ta ku tivisa marito lawa u nga ta va byela wona, kutani va ta tiva leswaku HOSI Xikwembu, hi mina!”

Yeremiya 31:8

Ndzi ta va vuyisa va suka etikweni ra le n'walungwini, ndzi ta va hlengeleta va huma evugimamusi; exikarhi ka vona, ku ta va ni lavo-fe-mahlo ni swilema, vamanana lava tikeke ni vatswedyana, va ta vuya haleno va ri ntshungu lowukulu.

Yeremiya 23:3

Kutani masalela ya vanhu va mina, ndzi ta ma hlengeleta hi ndzexe. Va ta huma ematikweni hinkwawo lawa ndzi va hlongoleke va ya eka wona, kutani ndzi ta va vuyisa etikweni ra vona, laha va nga ta tshamiseka, va kuma vana lavo tala.

Yeremiya 3:18

Emasikwini ya kona, vanhu va Yuda ni vanhu va Israele va ta vuya swin'we va huma ematikweni ya le n'walungwini, va vuyela etikweni leri ndzi ri nyikeke vatata wa vona leswaku ri va ra vona.”

Esaya 49:12

Vonani, hi lavaya! Va vuya ematikweni ya le kule. Van'wana va huma en'walungwini, van'wana evupeladyambu, van'wana va huma etikweni ra Asuwani.”

Esaya 43:6

Ndzi ta lerisa matiko ya le n'walungwini ni ya le dzongeni, leswaku ma tshika vanhu va ka n'wina va vuya, ma nga va siveli; ndzi ta ku: ‘Tshikani vana va mina va xinuna ni va xisati va vuya, a va suke ematlhelo hinkwawo ya misava,

Esaya 11:11

Eminkarhini yoleyo, N'wini wa hinkwaswo ú ta tlhela a tlakusa voko ra yena, a vuyisa masalela ya vanhu va yena lava nga ta va va ha ri le Asiriya, ni le Egipta, ni le Patroso, ni le Etiyopiya, ni le Elamu, ni le Xinara, ni le Hamata, ni le swihlaleni.

Yeremiya 46:27

HOSI Xikwembu xi ri: “Wena Yakobo nandza wa mina, u nga chavi, u nga heli mbilu wena Israele, hikuva ndzi ta ku kutsula u suka etikweni ra le kule; vanhu va wena ndzi ta va humesa evukhumbini, va ka Yakobo va ta vuya hi ku rhula, va tshamiseka va nga chavisiwi hi munhu.