Mikiya 6:8 - BIBELE Mahungu Lamanene

⁸ Mikiya a hlamula a ku: “N'wina vanhu, mi byeriwile leswinene leswi HOSI Xikwembu xi lavaka leswaku mi endla swona: I ku endla leswi lulameke, mi tshembeka minkarhi hinkwayo, mi hanya hi ku titsongahata emahlweni ka Xikwembu xa n'wina!”

Xitsonga (Bibele)

⁸ Wena munhu u tivisiwile leswi lulameke, ni leswi Yehovha a swi lavaka eka wena; hileswaku u endla leswi lulameke, u rhandza tintswalo, ni ku famba hi ku titsongahata emahlweni ka Xikwembu xa wena.

Mikiya 6:8 Referans Kwoze

Swivuriso 21:3

HOSI Xikwembu xi tsakela ku lulama ni maavanyisele lamanene, ku tlula ku humeseriwa magandzelo.

Vakolosa 3:12

Hikokwalaho, leswi mi nga vitaniwa hi Xikwembu ku va vahlawuriwa va xona lava rhandziwaka, ambalani moya wa tintswalo, ni vunene, ni ku titsongahata, ni ku rhula, ni ku leha mbilu.

Yeremiya 22:3

Mina HOSI ndzi ri, avanyisani timhaka hi ku lulama ni ku tshembeka. Lava tekeriweke swilo swa vona, va kutsuleni eka lava va va xanisaka; naswona mi nga tshuki mi karhata kumbe ku tshikelela valuveri, ni vana lava feriweke hi vatswari, ni tinoni; n'wina mi tshamaka exivandleni lexi, mi nga tshuki mi dlaya vanhu lava nga riki na nandzu.

Hosiya 6:6

Ndzi tsakela ku rhandziwa, ku nga ri ku humeseriwa magandzelo, ni ku tirheriwa mina Xikwembu, ku tlula ku hiseriwa mirhi ya risuna.

1 SAMIELE 15:22

Samiele a hlamula a ku: “Xana HOSI Xikwembu xi tsakela yini xana: Magandzelo lama hisiwaka ni lama dyiwaka, kumbe vanhu lava yingisaka ku lerisa ka xona, xana? E-e, ku yingisa, swi tlula magandzelo; ku hlayisa rito ra xona, swi tlula mafurha ya tinyimpfu;

Esaya 66:2

Swilo hinkwaswo swi endliwile hi mina, kutani i swa mina hinkwaswo. Ndzi tsakela munhu loyi a titsongahataka, loyi a tisolaka hi mbilu hinkwayo, a xixima milawu ya mina.

1 Petro 3:8

Eku heteleleni: N'wina hinkwenu mi fanele ku va ni moya wun'we, mi twelana vusiwana, mi va ni rirhandzu eka vamakwenu, mi va ni mbilu ya vumunhu ni miehleketo ya ku titsongahata.

Luka 6:36

Mi va ni nsovo kukota leswi Tata wa n'wina na yena a nga ni nsovo.

Luka 11:42

“Mi ni khombo n'wina Vafarisi, hikuva mi humesa vukhume bya ximbowa-mbowani, ni bya mbowa, ni bya matsavu hinkwawo, kasi a mi na mhaka ni ku lulama na rirhandzu ra Xikwembu! A mi fanerile ku endla swilo leswi, loko mi ri karhi mi endla ni leswiya swin'wana.

Amosi 5:24

Ku avanyisa lokunene a ku khuluke ku fana ni mati, ni ku lulama a ku hobomulane kukota nambu lowu nga phyiki.

Matewu 5:7

Ku katekile lava nga ni tintswalo, hikuva va ta kombiwa tintswalo.

Vaefesa 4:32

Ematshan'wini ya swona, twelanani vusiwana, mi tsetselelana, mi rivalelana, tanihi leswi Xikwembu na xona xi mi rivaleleke eka Kriste.

Genesa 18:19

Ndzi n'wi hlawurile leswaku a letela vana va yena ni va ka vona hinkwavo lava nga ta velekiwa leswaku va famba etindleleni ta mina HOSI, va endla leswinene, swo lulama, kutani mina HOSI ndzi ta endlela Abrahama hinkwaswo leswi ndzi n'wi tshembiseke swona.”

Eklesiasta 12:13

Eka hinkwaswo leswi u swi tweke, rito ro hetelela hi leri: Chava Xikwembu, u hlayisa milawu ya xona, hikuva sweswo i fanelo ya munhu un'wana ni un'wana.

Hosiya 12:6

Hi sweswo ke na n'wina, Xikwembu xa n'wina xi ta mi pfuna ku tlhelela eka xona; tinyiketeleni ku rhandza van'wana ni ku avanyisa hi ku lulama, mi nga karhali ku langutela Xikwembu xa n'wina.

Esaya 57:15

Xikwembu xa le henhla-henhla, xona lexi nga kona minkarhi hinkwayo, lexi vito ra xona xi nga Muhlawuleki, xi vurisa sweswo xi ri: “Mina ndzi tshama ehenhla laha ku hlawulekeke, kambe ndzi kumeka ni le xikarhi ka lava khunguvanyekeke, lava titsongahataka; ndzi nyika lava titsongahataka matimba, lava khunguvanyekeke emoyeni, ndza va tiyisa.

Matewu 5:3

“Ku katekile swisiwana emoyeni, hikuva Mfumo wa matilo i wa swona.

Sofoniya 2:3

Lavani HOSI Xikwembu, n'wina hinkwenu lava titsongahataka, n'wina mi endlaka ku rhandza ka xona; lavani leswo lulama, mi va ni xichavo, kumbe xana mi ta pona esikwini ra ku kariha ka HOSI.

Daniele 4:37

Kutani sweswi mina Nebukadnetsara, ndzi dzunisa Hosi ya matilo, ndzi yi tlangela ni ku yi komba xichavo, hikuva mintirho ya yona hinkwayo i yinene, ni tindlela ta yona ti lulamile; lava tikurisaka, ya swi kota ku va tsongahata.”

Pisalema 37:26

Minkarhi hinkwayo ú twela van'wana vusiwana, a va lomba swa yena, ni vana va yena va kateka.

Nehemiya 9:13

U xikerile ehenhla ka ntshava ya Sinayi, kutani u vulavula ni Vaisraele u ri etilweni, u va nyika switsundzuxo leswinene, ni milawu ya ntiyiso, ni swileriso ni swiletelo leswo lulama.

Pisalema 112:4

Eminkarhini ya makhombo, munhu loyi ú famba eku vonakaleni, ú ni tintswalo, ú twela vusiwana, a hi ku lulama ka yena!

Swirilo 3:26

Hikokwalaho swi sasekile loko munhu a lehisa mbilu, a langutela leswaku HOSI Xikwembu xi n'wi ponisa.

Pisalema 112:9

A nga karhali ku humesa swilo swa yena, a pfuna vapfumari ha swona; a nga tshiki ku hanana; hikokwalaho matimba ya yena ma ta ya ma kula, a xiximiwa hi vanhu.

Pisalema 73:28

Loko ndzi ri mina, ndzi tsakela ku va kusuhi na wena we Xikwembu, we HOSI N'wini wanga, ndzi kumile khokholo eka wena, kutani ndzi ta twarisa hinkwaswo leswi u swi endleke.

2 TIKRONIKA 34:27

kutani u tisorile hi mbilu. U titsongahatile emahlweni ka mina, endzhaku ka loko u twile hilaha ndzi vulavuleke hakona ehenhla ka ndhawu leyi ni le henhla ka vaaki va yona, kutani, eku titsongahateni ka wena, u handzulerile swiambalo swa wena u rila. Hikokwalaho, na mina, ndzi ku twile.

Yakobo 2:20

We phuphula ndziwena, xana u lava ku kombiwa leswaku ku pfumela loku nga tikombiki hi mintirho a ku pfuni nchumu xana?

Varhoma 7:16

Sweswi ke, loko ndzi endla leswi ndzi nga naveliki ku swi endla, ndzi twanana ni Nawu leswaku wu lulamile.

2 TIKRONIKA 32:26

Kambe loko ku hundzile nkarhi, Hezekiya ni va le Yerusalema va tshika ku tikurisa, va tisola, kutani HOSI Xikwembu na xona xi tshika ku va hlundzukela, ku fuma ka Hezekiya ku kondza ku hela.

1 SAMIELE 12:23

Loko a ri mina, ndzi ta va ndzi dyohela HOSI Xikwembu loko ndzi nga ha mi khongeleli; hikokwalaho, ndzi ta mi tsundzuxa tindlela letinene, to lulama:

Varhoma 9:20

Kasi u mani, wena munhu, ku phikisana ni Xikwembu? Xana lexi vumbiwaka xi nga hundzuka xi vutisa muvumbi wa xona xi ku: “U ndzi vumbisele yini sweswo” xana?

Luka 10:42

kasi xilo lexi lavekaka ngopfu i xin'we ntsena, kutani Mariya ú tihlawulele ku averiwa lokunene, loku a nga ta ka a nga tekeriwi kona.”

Ezekiele 16:63

U ta tsundzuka leswi humeleleke, kutani u tisola; a wu nga ha tlheli u pfula nomo wa wena hikwalaho ka tingana ta wena. Mina HOSI N'wini wa hinkwaswo ndzi ri, ndzi ta ku rivalela hinkwaswo leswi u swi endleke!”

2 TIKRONIKA 33:23

Manase a a titsongahatile a tisola, kambe n'wana wa yena Amoni a nga titsongahatanga, swidyoho swa yena swi ya swi kula.

2 Vatesalonika 2:16

Sweswi ke, ingi Hosi ya hina Yesu Kriste hi xiviri, ni Xikwembu Tata wa hina la hi rhandzeke, la hi nyikeke, hi tintswalo ta yena, ku chavelela loku nga heriki ni ku tshemba lokunene,

Genesa 5:22

Endzhaku ka loko Enoko a velekile Metuxela, ú hanyile malembe ya 300 a ri ni xinakulobye na Xikwembu. Ú vile ni van'wana vana va xinuna ni va xisati.

Levhitika 26:41

kutani na mina ndzi endla leswi va nga swi laviki, ndzi va yisa ematikweni ya valala va vona. Naswona, vanhu lava va nga tlhela va hundzuka hi ku hetiseka, va hambana ni mikhuva ya vona leyo biha.

2 TIKRONIKA 33:19

Naswona, ebukwini ya “Matimu ya Vaprofeta”, ku tsariwile timhaka leti: Ku khongela ka Manase, ni hilaha xikhongelo xa yena xi amukeriweke hi Xikwembu hakona; ku homboloka ka yena ni swidyoho swa yena, loko a nga si titsongahata a tisola; nongonoko wa switsunga leswo hlawuleka leswi a dzimeke eka swona timhandze ta Axera, ni tindhawu leti a nga yimisa eka tona swifaniso swa swikwembu swa hava.

1 Vakorinto 7:16

Hikuva wena nsati, u swi tivisa ku yini, kumbexana u nga ponisa nuna wa wena? Na wena nuna, u swi tivisa ku yini, kumbexana u nga ponisa nsati wa wena?

2 TIKRONIKA 30:11

Hambiswiritano, van'wana va ka Asere ni va ka Manase ni va ka Zebuloni va amukela xirhambo hi ku titsongahata, va pfumela ku ya eYerusalema.

Luka 12:14

Kambe Yesu a ku ka yena: “Munhu ndziwena! Xana i mani la nga ndzi veka muavanyisi kumbe muaveri ehenhla ka n'wina ke?”

Duteronoma 30:15

“Langutani, namuntlha ndzi mi nyika nkarhi wo hlawula vutomi kumbe rifu, leswinene kumbe leswo biha.

Esaya 56:1

HOSI Xikwembu xi vurisa sweswo xi ri: “Hlayisani milawu, mi endla leswi lulameke, hikuva ndzi le kusuhi ni ku mi ponisa, ndzi komba matimba ya mina ya ku mi ntshunxa.

Ezekiele 33:14

Hi tlhelo rin'wana, ndzi nga tshuka ndzi byela munhu wo homboloka leswaku ú ta fa hakunene, kambe munhu loyi a hundzuka a tshika swidyoho swa yena, a endla leswi nga swona, swi nga leswo lulama;

Mikiya 6:9

Vanhu lava chavaka vito ra HOSI Xikwembu, va ta ponisiwa; twanani, xi huwelela vaaki va muti, xi ku: “Yingisani n'wina hinkwenu va ka Yuda, lava hlengeletaneke emutini wa Yerusalema!

Zakariya 7:9

ku ya tivisa vanhu marito lama nge: “Loko mi avanyisa, avanyisani hi ntiyiso, kombisanani tintswalo ni rirhandzu;

Duteronoma 27:10

Hikokwalaho mi fanele ku yingisa leswi HOSI Xikwembu xa n'wina xi mi byelaka swona, mi hlayisa swileriso ni milawu ya xona leyi ndzi mi lerisaka yona namuntlha.”

Yoxuwa 24:14

“Kutani sweswi, chavani HOSI Xikwembu, mi xi tirhela hi ku tinyiketa ni ku tshembeka. Swikwembu leswi vatata wa n'wina va swi tirheleke entsungeni wa nambu wa Yufrata ni le Egipta, hambanani na swona, mi tirhela HOSI Xikwembu.

Pisalema 101:1

We HOSI, ndzi lava ku yimbelela risimu ndzi ku dzunisa, ndzi twarisa ku tshembeka ka wena ni ku lulama ka wena;

Yeremiya 9:23

HOSI Xikwembu xi vula sweswo xi ri: “Ntlhari yi nga tikurisi hi vutlhari bya yona, ni nhenha hi vunhenha bya yona, na yena la fumeke a nga tidzunisi hi rifuwo ra yena.

Yeremiya 22:16

Ú lwerile swisiwana ni vapfumari ehubyeni, kutani a kateka. HOSI Xikwembu xi ri: “Xana a hi yona ndlela leyinene ya ku ndzi tiva ke?