Mikiya 6:6 - BIBELE Mahungu Lamanene

⁶ Vanhu va vutisa va ku: “Xana HOSI Xikwembu xa le henhla-henhla, xi lava ku humeseriwa yini loko hi ya emahlweni ka xona hi ya xi gandzela xana? Xana hi fanele ku xi humesela magandzelo lama hisiwaka, hi xi tlhavela swinkuzana swa lembe rin'we, xana?

Xitsonga (Bibele)

⁶ Ndzi ta hlanganisa Yehovha ha yini ndzi va ndzi korhama exivandleni lexi tlakukeke xa Xikwembu? Xana ndzi ta n'wi hlanganisa hi magandzelo lama hisiwaka, ni marhole ya lembe rin'we?

Mikiya 6:6 Referans Kwoze

Timhaka 2:37

Kuteloko vanhu va yingisile marito lawa, va tlhaveka timbilu; kutani va ku ka Petro ni ka vaapostola lavan'wana: “N'wina varikwerhu, xana hi ta endla yini?”

Marka 5:7

kutani a huwelela hi rito leri tlakukeke, a ku: “Mhaka ya mina na wena hi yihi ke, wena Yesu N'wana wa Xikwembu xa le henhla-henhla? Ndza ku khongela hi vito ra Xikwembu, u nga ndzi xanisi!”

Matewu 19:16

Kavaloko munhu un'wana a ta ka yena a ku: “Mudyondzisi, xana leswinene leswi ndzi fanelaka ku endla swona leswaku ndzi ta va ni vutomi lebyi nga heriki, hi swihi ke?”

Daniele 3:26

Kutani Nebukadnetsara a tshinela enon'weni wa khele ra ndzilo, a ku: “Wena Xadraka, na Mexaka, na Abedi-Nego, n'wina malandza ya Xikwembu xa le henhla-henhla humani mi ta haleno!” Hiloko Xadraka, na Mexaka, na Abedi-Nego va huma endzilweni.

Timhaka 16:30

Kutani loko a va humeserile ehandle, a ku: “Tihosi, xana ndzi fanele ku endla yini leswaku ndzi ponisiwa?”

Timhaka 16:17

Kutani a hi landza, hina na Pawulo, a ri karhi a huwelela, a ku: “Vavanuna lava i malandza ya Xikwembu xa le henhla-henhla, lava va mi tivisaka ta ndlela ya ku ponisiwa.”

Yohane 6:26

Yesu a va hlamula, a ku: “Ndzi tiyisisile ndzi ri ka n'wina, ma ndzi lava, ku nga ri hileswi mi nga vona mahlori, kambe hileswi mi nga dya swinkwa mi xurha.

Luka 10:25

Kutani mudyondzisi un'wana wa Nawu a ta ku ta n'wi ringa a ku: “Mudyondzisi, ndzi ta endla yini ku kuma vutomi lebyi nga heriki?”

Daniele 5:21

a hlongoriwa a suka exikarhi ka vanhu, miehleketo ya yena yi hundzuka yi fana ni ya swiharhi, a ya tshama na swona enhoveni, a dya byanyi ku fana ni homu, miri wa yena wu wela hi mberha, ku kondza a tiva leswaku Xikwembu xa le henhla-henhla xi fuma tihosi hinkwato, ni leswaku xi teka vuhosi xi byi nyika loyi xi n'wi tsakelaka.

Daniele 5:18

We hosi, Xikwembu xa le henhla-henhla xi nyikile Nebukadnetsara vuhosi ni vukulukumba ni ku dzuneka loku hlamarisaka.

Daniele 4:9

We Beltexatsara, wena ndhuna ya vangoma, ndza swi tiva leswaku moya wa swikwembu leswo hlawuleka wu le henhla ka wena; ku hava xihundla lexi u tumbeteriweke xona. Norho lowu ndzi wu lorheke hi lowu, kutani wena ndzi byele leswi wu vulaka swona.

Pisalema 95:6

Tanani, hi ta korhama hi gandzela HOSI Xikwembu, hi nkhinsamela xona xi hi endleke,

Pisalema 22:29

Vanhu hinkwavo va misava lava tikurisaka, va ta tsongahatiwa emahlweni ka N'wini wa hinkwaswo. Hinkwavo lava faka va ta n'wi nkhinsamela, va nga lava hlulekeke ku hlayisa vutomi bya vona.

2 SAMIELE 21:3

Kutani Davhida a vutisa va le Gibiyoni, a ku: “Xana ndzi nga mi endlela yini xana? Xana ndzi nga mi rihela ha yini, leswaku mi hi navelela minkateko, hina hi nga ndzhaka ya HOSI Xikwembu, xana?”

Eksoda 12:5

Xifuwo xa kona xi fanele ku va xinyimpfana xa khuna kumbe ximbutana xa xiphongho, xa lembe rin'we, lexi nga solekiki,

Vaefesa 3:14

Hikwalaho ka sweswo, ndzi nkhinsama hi matsolo emahlweni ka Tatana,

Marka 12:33

Loko ku ri ‘ku rhandza Hosi Xikwembu hi mbilu hinkwayo, ni ku anakanya hinkwako, ni matimba hinkwawo’, swin'we ni ‘ku rhandza munhu-kulobye, tanihi loko munhu a tirhandza’, swi tlula magandzelo hinkwawo lama hisiwaka ni timhamba hinkwato.”

Vaheveru 10:11

Naswona, muprista un'wana ni un'wana ú yima a tirha ntirho wa yena masiku hinkwawo, a humesa kambe na kambe magandzelo yo fana, lama nga kotiki ku susa swidyoho ni siku ni rin'we.

Tinhlayo 7:51

ni xinkuzana, ni khuna, ni xinyimpfana xa khuna xa lembe rin'we, swi ri swa gandzelo leri hisiwaka;

1 SAMIELE 15:22

Samiele a hlamula a ku: “Xana HOSI Xikwembu xi tsakela yini xana: Magandzelo lama hisiwaka ni lama dyiwaka, kumbe vanhu lava yingisaka ku lerisa ka xona, xana? E-e, ku yingisa, swi tlula magandzelo; ku hlayisa rito ra xona, swi tlula mafurha ya tinyimpfu;

Pisalema 95:2

A hi yeni emahlweni ka xona hi ri ni minkhenso, hi xi twarisa hi tinsimu,

Esaya 40:16

Swiharhi hinkwaswo swa ntshava ya Lebanoni, swi nge ringani ku humesela HOSI Xikwembu emagandzelo, ni tihunyi ta yona hinkwato ti nge ringani ku tshivela ndzilo wa kona.

Yeremiya 6:20

A swi va pfuni nchumu ku ndzi humesela mirhi ya risuna ya le Xeba, kumbe swinun'hweriso swo huma ematikweni ya le kule. A ndzi amukeli swifuwo leswi va ndzi hiselaka swona, magandzelo ya vona a ndzi na mhaka na wona.

Ezekiele 46:9

“Loko vanhu va tiko va ta eminkhubyeni leyikulu ya lembe rin'wana ni rin'wana ku ta ndzi gandzela, va ta nghena hi nyangwa ya le n'walungwini, va huma hi ya le dzongeni; kasi loko va nghena hi nyangwa ya le dzongeni, va ta huma hi ya le n'walungwini; a va nga humi hi nyangwa leyi va ngheneke ha yona, kambe va ta ya emahlweni va huma hi leyi va langutaneke na yona.

Hosiya 5:6

Va ta teka swifuwo leswikulu ni leswitsongo, va famba va lava HOSI Xikwembu, kambe va nga ka va nga xi kumi; HOSI Xikwembu xi tihambanisile na vona.

Amosi 5:22

Hambiloko mi ndzi humesela magandzelo lama hisiwaka, mi humesa ni tinyiko hi swa le masin'wini, ndzi nga ka ndzi nga swi amukeli; ni magandzelo ya xinakulobye lawa mi ma humesaka hi swifuwo swa n'wina leswi nonisiweke, a ndzi nga vi na mhaka na wona.

Eksoda 23:15

Mi ta endla Nkhuvo wa Xinkwa lexo-ke-comela; hilaha ndzi mi leriseke hakona, mi fanele ku dya xinkwa lexo-ke-comela masiku ya 7 enkarhini lowu vekiweke wa n'hweti ya Abibi, hikuva hi yona n'hweti leyi mi humeke ha yona etikweni ra Egipta. Ku nga vi na munhu loyi a taka emahlweni ka mina a nga tamelanga nchumu.

Pisalema 116:12

Xana ndzi nga nkhensa HOSI ha yini, hikuva minkateko ya yona hinkwayo yi le henhla ka mina!

Swivuriso 15:8

Magandzelo ya munhu wo homboloka, HOSI Xikwembu xa ma nyenya, kambe xi tsakela xikhongelo xa munhu wo lulama.

Swivuriso 21:3

HOSI Xikwembu xi tsakela ku lulama ni maavanyisele lamanene, ku tlula ku humeseriwa magandzelo.