Mikiya 6:5 - BIBELE Mahungu Lamanene

⁵ N'wina vanhu va mina, ehleketani makungu lawa Balaka hosi ya Mowabu a a ma bohile, mi tsundzuka ni ndlela leyi Balaama n'wana Beyori a hlamuleke Balaka ha yona; mi nga rivali na leswi humeleleke ku sukela eXitimi ku ya fika eGiligala, mi ta tiva ndlela leyi mina HOSI ndzi mi poniseke ha yona.”

Xitsonga (Bibele)

⁵ Tiko ranga, anakanya makungu lawa Balaka, hosi ya Mowabu ingi a ma lunghisile, ni leswi Balaama, n'wana Beyori, a n'wi hlamuleke swona, ni leswi humeleleke Xitimi ku ya fika eGiligala, u ta tiva ku endla ka Yehovha loku lulameke.”

Mikiya 6:5 Referans Kwoze

Tinhlayo 25:1

Enkarhini lowu Vaisraele a va govile eXitimi, vavanuna va sungurile ku tsutsuma-tsutsuma ni vavasati va tiko ra Mowabu.

Vaavanyisi 5:11

Twanani! Hambi lava kelelaka mati eswihlobyeni, va huwelela va dzunisa mintirho yo lulama ya HOSI Xikwembu, ni ya varhangeri va tiko ra Israele. “Enkarhini wolowo, vanhu va HOSI Xikwembu va tshirimukile va ya etinyangweni ta miti.

Yoxuwa 4:19

Vaisraele va khupukile nambu wa Yordani hi siku ra vu-10 ra n'hweti yo sungula, kutani va ya gova eGiligala, evuxeni bya ndzilekana wa Yeriko.

Nhlavutelo 2:14

Hambiswiritano, ku ni swilo swi nga ri swingani leswi u ndzi vilerisaka ha swona: Hileswaku ku ni van'wana lava u nga na vona kwaleyo, lava khomelelaka edyondzweni ya Balaama, loyi a kuceteleke Balaka ku veka xikhunguvanyiso emahlweni ka Vaisraele, leswaku va dya swakudya leswi humeseriweke swikwembu swa hava, va endla ni vuoswi.

Yuda 1:11

Khombo eka vona! Hikuva va khomile ndlela ya Kayini; hi ku navela bindzu, va tinyiketa emintirhweni leyo homboloka ya Balaama, va tilovisa hi makanetele yo fana ni ya Kora.

1 Yohane 1:9

Kambe loko hi tivula swidyoho swa hina, Xikwembu xa tshembeka, xi avanyisa hi ku lulama, kutani xi ta hi rivalela swidyoho swa hina, xi hi hlantswa xi susa ku homboloka ka hina hinkwako.

2 Petro 2:15

Va tshikile ndlela leyinene, va landza ntila wa Balaama n'wana Beyori, loyi a rhandzeke bindzu hi ku endla leswo homboloka.

Pisalema 143:11

We HOSI, hlayisa vutomi bya mina hikwalaho ka vito ra wena; hi vunene bya wena, ndzi humese ekhombyeni.

Duteronoma 16:3

Nyama ya kona, mi nga tshuki mi yi dya ni xinkwa lexi nga ni comela; mi ta yi dya masiku ya 7 ni xinkwa lexo-ke-comela. Xinkwa lexi xi komba ku xaniseka, hikuva mi humile etikweni ra Egipta hi ku tsutsuma; siku leri mi humeke ha rona etikweni ra Egipta, mi fanele ku ri tsundzuka vutomi bya n'wina hinkwabyo.

Duteronoma 9:7

“Mi fanele ku tsundzuka leswaku le mananga mi hlundzukisile HOSI Xikwembu, mi nga tshuki mi swi rivala. Ku sukela siku leri mi humeke ha rona le tikweni ra Egipta, ku fika namuntlha, a mi yingisanga swileriso swa HOSI Xikwembu;

Duteronoma 8:18

kambe mi fanele ku tsundzuka HOSI Xikwembu xa n'wina, hikuva hi xona lexi xi nga ta va xi mi nyikile matimba ya ku kuma rifuwo ra kona; leswi, xi ta va xi swi endlile leswaku xi ta tiyisa ntwanano wa xona lowu xi wu hlambanyeleke vatata wa n'wina; ni namuntlha, swa ha ri tano.

Vaefesa 2:11

N'wina vamatiko, lava khale hi ku velekiwa a mi vuriwa “lavo ka va nga yimbanga”, hi Vayuda lava tivulaka “lavo yimba”, hikwalaho ka ngoma leyi endliwaka hi mavoko ya vanhu emirini wa vona, tsundzukani leswi a mi ri swona.

Duteronoma 8:2

Mi nga tshuki mi rivala ndlela leyi HOSI Xikwembu xi mi fambiseke ha yona, malembe lawa hinkwawo ya 40 emananga. A xi endlela ku mi tshinya, xi mi kambela, leswaku xi ta tiva leswi mi ehleketaka swona, ni ku vona loko mi ta yingisa swileriso swa xona, kumbe mi ta ka mi nga swi yingisi.

Tinhlayo 31:16

Xana ma rivala leswaku emhakeni ya le Peyori, vavasati lava hi vona va kuceteriweke hi Balaama, kutani va mi dyohisa, mi nga ha tshembeki eka HOSI Xikwembu, ntungu wu nghena exikarhi ka n'wina hinkwenu, xana?

Tinhlayo 31:8

va dlaya ni tihosi ta ntlhanu ta Vamidiyani, ti nga leti: Evhi, na Rekemu, na Suru, na Huru, na Reba, va dlaya na Balaama n'wana Beyori.

Tinhlayo 23:27

Kutani Balaka a ku ka Balaama: “Sweswi tana, ndzi ku yisa eka yin'wana ndhawu, kumbexana Xikwembu xi ta swi tsakela leswaku u ndzi rhuketelela vona u ri kwale.”

Tinhlayo 22:41

Hi siku leri tlhandlamaka, Balaka a tlhandluka na Balaama, a n'wi yisa eBamoto-Baali (hileswaku “eSwitsungeni swa Baali”), kutani Balaama a vona Vaisraele lava a va govile kusuhani.

Pisalema 111:4

HOSI Xikwembu xi tsundzuxa vanhu mahlori ya xona, xi ni tintswalo, xi twela vanhu vusiwana;

Pisalema 71:19

We Xikwembu, ku lulama ka wena i kukulu kukota matilo. U tirhile leswikulu ngopfu, ku hava loyi a ringanaka na wena we Xikwembu.

Pisalema 36:10

We HOSI, u nga tshiki ku komba rirhandzu ra wena lero tshembeka eka lava va ku tivaka, u nga karhali ku lwela vanhu va timbilu leto lulama.

1 SAMIELE 12:7

Loko swi ri tano, yimani kwala mi nga kona leswaku ndzi ta mi tshinya emahlweni ka HOSI Xikwembu, ni ku mi tsundzuxa mintirho hinkwayo ya matimba leyi xi mi poniseke ha yona, n'wina ni vatata wa n'wina.

Tinhlayo 33:49

Va govile kusuhi ni nambu wa Yordani ku sukela eBeta-Yeximoto, ku ya fika le Avele-Xitimi kwale rivaleni ra tiko ra Mowabu.

Yoxuwa 2:1

Loko va ri eXitimi, Yoxuwa n'wana Nuni a rhuma vavanuna vambirhi leswaku va nyengeleta va ya valanga tiko ra Kanana, a ku ka vona: “Fambani mi ya xiyaxiya tiko, kambe mi xiya ngopfu muti wa Yeriko.” Kutani vavanuna lava va suka va famba, va ya fika endyangwini wa wansati wa nghwavava loyi a va ku i Rahava kutani va xwa kona.

Yoxuwa 3:1

Yoxuwa ni Vaisraele hinkwavo va pfuka ka ha ri mpundzu swinene, va suka eXitimi, va famba va ya fika enambyeni wa Yordani, kutani va xwa kona va nga si pela nambu.

Vaavanyisi 11:25

Xana wena u tlula Balaka n'wana Siporo hosi ya Mowabu xana? Xana Balaka ú kale a vangisana ni Vaisraele kumbe ku huma nyimpi a ya lwa na vona, xana?

Esaya 1:27

Muti wa Siyoni wu ta kutsuriwa loko wu endla leswo lulama ni loko vaaki va wona va tisola, va endla leswi lulameke.

Tinhlayo 25:2

Vavasati lava a va hamba va rhamba vavanuna va Israele etimhambeni ta swikwembu swa Vamowabu, kutani vavanuna lava va dya leswi humeseriwaka swikwembu, va tlhela va nkhinsamela swikwembu swa kona.

Duteronoma 23:6

Mi nga tshuki mi pfuna Vaamoni ni Vamowabu, kumbe ku va endlela leswi nga ta va fumisa.