Mikiya 6:2 - BIBELE Mahungu Lamanene

² N'wina tintshava, twanani milandzu leyi HOSI Xikwembu xi lavaka ku yi boxa, ndzi vula n'wina masungulo ya misava lama nga kona hilaha ku nga heriki. HOSI Xikwembu xi ni mhaka leyi xi lavaka ku yi kanela ni vanhu va xona, xi lava ku tengisana ni Vaisraele.

Xitsonga (Bibele)

² N'wina tintshava, yingisani ku rhamba ka Yehovha, yingisani, n'wina, masungulo layo tiya ya misava; hikuva ku rhamba ku kona exikarhi ka Yehovha ni tiko ra yena, u ta tenga na Israele:

Mikiya 6:2 Referans Kwoze

Hosiya 12:2

HOSI Xikwembu xi lava ku boxa milandzu ya vanhu va tiko ra Yuda, xi ta ba va ka Yakobo hikwalaho ka mahanyelo ya vona, xi va avanyisa hikwalaho ka mintirho ya vona.

Hosiya 4:1

Yingisani rito ra HOSI Xikwembu, n'wina vanhu va tiko ra Israele: HOSI Xikwembu xi lava ku boxa milandzu ya vaaki va tiko, hikuva etikweni ku hava ku tshembeka kumbe tintswalo, naswona vanhu a va ha vuli nchumu hi Xikwembu.

Esaya 1:18

HOSI Xikwembu xi ri: “Tanani hi kanela mhaka swin'we: Hambiloko swidyoho swa n'wina swi mi tshwukisile mi fana ni xivunguvungu, ndzi ta mi basisa, mi fana ni gamboko; ni loko swi mi tshwukisile mi fana ni ngati, ndzi ta mi basisa mi fana ni voya lebyi basisiweke bya tinyimpfu.

Pisalema 104:5

U tiyisile misava emasungulweni ya yona, yi nga ka yi nga tsekatseki ni siku ni rin'we.

2 SAMIELE 22:16

Ehansi ka lwandle ka vonaka, siku HOSI yi karihelaka valala va yona; masungulo ya misava ma fununguriwa, siku vukari bya yona byi bulukaka.

Duteronoma 32:22

Ku hlundzuka ka mina ku fana ni ndzilo lowu pfurhaka, lowu hisaka swilo ku ya fika exivandleni xa vafi, wu hisa misava yi hela ni leswi nga ka yona, hambi ma ri masungulo ya tintshava ma tshwa.

Yeremiya 31:37

Siku matilo ma nga ta pimiwa, ku kumiwa ni masungulo ya misava, hi kona ndzi nga ta cukumeta Vaisraele hinkwavo, hikwalaho ka swilo hinkwaswo leswi va swi endleke. Ndzi vula sweswo mina HOSI.”

Yeremiya 25:31

yi twiwa ku ya fika evugimamusi, hikuva HOSI Xikwembu xi lava ku boxa nandzu wa vamatiko, xi va avanyisa hinkwavo, lavo homboloka, xi va herisa hi matlhari. HOSI Xikwembu xi vula sweswo.’ ”

Yeremiya 2:9

Hikokwalaho ndza ha lava ku tengisana na n'wina, na vona vatukulu va n'wina ndzi ta tengisana na vona. Ndzi vula sweswo mina HOSI!

Esaya 43:26

A hi yeni ehubyeni, hi ya kanela, boxani mhaka ya n'wina, hi ta vona loko mi vulavula ntiyiso.

Esaya 5:3

Kutani nakulorhi ú ri: “Sweswi ke, n'wina vaaki va Yerusalema, na n'wina vanhu va Yuda, tsemani mhaka ya mina ni nsimu ya mina ya vhinya.

Swivuriso 8:29

Loko HOSI Xikwembu xi bela lwandle ndzilekana leswaku mati ma nga tluli nawu wa xona, ni loko xi veka masungulo ya misava,

2 SAMIELE 22:8

“Kavaloko misava yi ninginika, yi tsekatseka, masungulo ya tilo ma rhurhumela, ma gudlagudla, hikuva HOSI a yi pfurha hi vukari.

Duteronoma 4:26

Tilo ni misava i timbhoni ta mina namuntlha leswaku loko mi gandzela xifaniso xo tano, mi ta hatla mi susiwa etikweni leri mi yaka mi ya ri teka entsungeni wa Yordani. A mi nga tshami malembe layo tala eka rona, hikuva mi ta heriseriwa makumu;

Esaya 3:13

HOSI Xikwembu xi lava ku tengisa vanhu milandzu, xi tilulamisela ku avanyisa vanhu va xona.

Mikiya 6:1

Yingisani leswi HOSI Xikwembu xi vulaka swona! Xi ri: “Suka u yima u boxa mhaka emahlweni ka tintshava, swintshabyana swi ri karhi swi ku twa!”

Hosiya 12:3

Yakobo ú lwetanile ni makwavo va ha ri ekhwirini ra mana wa vona, loko a kurile, ú sungule ku kamana na Xikwembu.