Mikiya 6:16 - BIBELE Mahungu Lamanene

¹⁶ Mi landzile milawu ya Omri ni mahanyelo hinkwawo ya va ka Akabu, mi endla hinkwaswo leswi a va swi endla; hikokwalaho ndzi ta endla leswaku vanhu va mi nyenya; loko va vona va ka n'wina, va ta hlakahla tinhloko, mi ta va xihlekiso exikarhi ka vanhu va matiko.”

Xitsonga (Bibele)

¹⁶ Ku karhi ku hlayisiwa ku lerisa ka Omri, ni mikhuva hinkwayo ya yindlu ya Akabu. Mi ya hi makungu ya vona leswaku ndzi ku nyiketa eku onhakeni, ni lava akeke emutini va ve xisandzu, kutani mi ta rhwala xisandzu xa tiko ra mina.”

Mikiya 6:16 Referans Kwoze

Yeremiya 51:51

N'wina a mi ku: ‘Hi ni tingana, hikuva hi tsongahatiwile ngopfu, hi tifihla swikandza, hikuva valala va hi khomise tingana: Vamatiko lava va nghenile eTempeleni, yi nga yindlu leyo hlawuleka ya HOSI Xikwembu.’

Yeremiya 7:24

Kambe vona a va rhiyanga ndleve va ndzi yingisa. Va endlile leswi timbilu ta vona leto nonon'hwa ti va byelaka swona, kutani va tlhelela endzhaku ematshan'wini ya ku ya emahlweni.

Yeremiya 19:8

Muti lowu, ndzi ta wu hundzula rhumbi leri chavisaka ngopfu, kutani vahundzi va ndlela hinkwavo va ta hlakahla tinhloko va hlamala, loko va vona khombo ra wona lerikulu.

Esaya 25:8

HOSI N'wini wa hinkwaswo ú ta herisa rifu ri helela makumu; vanhu hinkwavo, ú ta va sula mihloti, a endla leswaku emisaveni hinkwayo, vanhu va yena va nga hlekuriwi. Leswi swi vuriwile hi HOSI Xikwembu.

Pisalema 44:13

U hi sorisile hi vaakelani va hina, va hi hlekula ni ku hi sandza.

Nhlavutelo 2:20

Kambe ku ni lexi u ndzi vilerisaka ha xona: Hileswaku u tshika Yezabele wansati loyi a tivulaka muprofeta a ya emahlweni ni mintirho ya yena, kasi ú kucetela ni ku hambukisa malandza ya mina ku endla vuoswi ni ku dya swakudya leswi humeseriweke swikwembu swa hava.

Hosiya 5:11

Va ka Efrayimi va tshikeleriwa, timhaka ti dya vona, hikuva va tinyiketele ku landzelela leswi nga pfuniki nchumu.

Daniele 9:16

Wena N'wini wa hina, u hi lwerile minkarhi leyo tala. Namuntlha, hi kombela leswaku u rheleta vukari bya wena, u tshika ku hlundzukela muti wa Yerusalema entshaveni ya wena leyo hlawuleka, hikuva matiko hinkwawo lawa ya hi rhendzeleke, ma hlekule muti lowu ma monya na hina vanhu va wena, hi mhaka ya leswi hi ku dyoheleke, hina ni vatata wa hina.

Ezekiele 39:26

Loko va ta va va tshamisekile etikweni ra vona va nga chavisiwi hi munhu, va ta rivala tingana leti a va ri na tona khale loko va ha ri lavo ka va nga tshembeki eka mina.

Swirilo 5:1

We HOSI, tsundzuka leswi swi hi humeleleke; languta, u vona tingana ta hina.

Yeremiya 25:9

sweswi ndzi ta rhamba vanhu va tinxaka hinkwato ta le n'walungwini, ndzi rhamba ni nandza wa mina Nebukadnetsara hosi ya Babilona, ndzi va lerisa ku ta va ta hlasela tiko leri ni vaaki va rona, ni matiko hinkwawo lama vandzakaneke na vona. Hinkwavo ndzi ta va herisela makumu, ndzi va hundzula xikombiso lexi chavisaka; vanhu va ta hlakahla tinhloko, va nga tshiki ku va monya.

Esaya 9:16

Varhangeri va tiko leri, va lahlekisa vanhu, kutani vaaki va rona va mitiwa.

Pisalema 1:1

Ku katekile munhu loyi a nga amukeriki makungu ya lavo homboloka, loyi a nga landziki mikhuva ya vadyohi, loyi a nga dzumbiki ni lava sandzaka Xikwembu,

2 TIKRONIKA 34:25

Va ndzi fularhele; va hisile mirhi ya risuna va hisela swikwembu swimbe. Va ndzi hlundzukisile ngopfu hi mintirho ya vona hinkwayo. Hikokwalaho ndzi ta chululela vukari bya mina endhawini leyi, ku ta pfumaleka ni loyi a nga byi timaka.”

2 TIHOSI 21:3

Ú tlherile a pfuxa vukhongeri bya le switsungeni leswo hlawuleka, lebyi tata wa yena Hezekiya a a byi herisile; a akela Baali tialitari, a vatla ni mhandze ya Axera xikwembukazi, ku fana ni leswi Akabu hosi ya Israele a swi endleke; naswona a nkhinsamela dyambu ni n'weti ni tinyeleti, a swi tirhela.

2 TIHOSI 16:3

kambe ú hanyile hi tindlela ta tihosi ta Israele; a engetela hi ku hisa n'wana wa yena, a gandzela ha yena, a endla manyala ya vamatiko lava hlongoriweke hi HOSI Xikwembu, loko Vaisraele va nghena etikweni.

1 TIHOSI 18:4

Loko Yezabele a ri karhi a dlaya vaprofeta va HOSI Xikwembu, Obadiya a a tekile dzana ra vaprofeta lava, a ya va tumbeta emabakweni mambirhi, a nghenisa 50 eka rin'we, na 50 eka lerin'wana, a va nyika swakudya ni mati.)

1 TIHOSI 9:8

Tempele leyi yi ta hundzuka rhumbi; vahundzi va ndlela hinkwavo va ta hlamala, va hlakahla tinhloko, kutani va ta vutisa va ku: ‘Xana HOSI Xikwembu xi cukumetele yini tiko leri ni Tempele leyi xana?’

Yeremiya 25:18

Ndzi rhanga ndzi nwisa vaaki va Yerusalema ni va miti ya Yuda, ndzi nwisa tihosi ni tindhuna ta vona, leswaku miti ya kona yi hundzuka marhumbi layo chavisa, vahundzi va ndlela va hlakahla tinhloko, va yi monya; ni namuntlha swa ha ri tano.

Yeremiya 29:18

Ndzi ta va xanisa hi tinyimpi ni tindlala ni mintungu. Ematikweni hinkwawo ya misava, ndzi ta va hundzula xikombiso lexi chavisaka, ndzi va endla ndzhukano ni xihlambanyiso, vahundzi va ndlela va ta hlakahla tinhloko va va monya, hinkwako laha ndzi nga ta va ndzi va hangalasele kona.

Hosiya 12:14

Kambe va ka Efrayimi va pfukile N'wini wa vona, kutani ngati ya ku riha swidyoho, ú ta yi lava eka vona. Manyala lawa va ma endleke, va fanele ku ma riha.

Mikiya 2:6

Vanhu lava va ri, ndza jamuka, kasi hi vona va jamukaka. Va ri: “U nga jamuki! Hina hi nga ka hi nga humeleriwi hi khombo.

Mikiya 6:13

Hikokwalaho ndzi ta mi vangela vuvabyi lebyo chavisa, hinkwenu mi ta hela mi ku bi, mi dlayisa hi swidyoho swa n'wina.

2 TIKRONIKA 22:4

Ahaziya a endla leswo biha emahlweni ka HOSI Xikwembu, ku fana ni va ka Akabu, hikuva endzhaku ka loko tata wa yena a lovile, va ka Akabu a va n'wi komba tindlela leto biha, va n'wi dlayisa.

Pisalema 44:14

U hi hundzurile xihlambanyiso exikarhi ka vanhu, loko va hi vona, va hlakahla tinhloko.