Mikiya 6:13 - BIBELE Mahungu Lamanene

¹³ Hikokwalaho ndzi ta mi vangela vuvabyi lebyo chavisa, hinkwenu mi ta hela mi ku bi, mi dlayisa hi swidyoho swa n'wina.

Xitsonga (Bibele)

¹³ Loko ndzi ri mina, ndzi ta ku vavisa hi ku ku ba, ndzi ku onha hikwalaho ka ku dyoha ka wena.

Mikiya 6:13 Referans Kwoze

Timhaka 12:23

Hi nomu lo, ntsumi ya Hosi yi ba Heroda, hikuva a a nga dzunisanga Xikwembu; kutani a dyiwa hi swivungu, a fa.

Hosiya 13:16

Va le Samariya va ta fela swidyoho swa vona, hikuva va fularherile Xikwembu xa vona; va ta dlayiwa hi banga, vana va vona va ta phyandlaseriwa, vavasati lava tikeke va ta handzuriwa makhwiri.

Levhitika 26:16

ndzi ta mi endla leswi: Ndzi ta mi rhumela swilo swo chavisa ngopfu; mi ta va ni vuvabyi bya xifuva ni dari, byi mi dlaya mahlo byi mi heta ni matimba. Mi ta rima swilo leswi n'wina mi nga ta ka mi nga swi dyi, swi ta dyiwa hi valala va n'wina.

Hosiya 5:9

Siku va ka Efrayimi va tshinyiwaka, tiko ra vona ri ta hundzuka marhumbi; leswi ndzi swi vulaka, swi ta humelela exikarhi ka tinyimba ta Israele.

Swirilo 3:11

Ú ndzi pfalerile tindlela, a ndzi handzulela, a ndzi siya ndzi nga ha pfuni nchumu.

Swirilo 1:13

“Yi rhumerile ndzilo wu ta hi le henhla, yi wu rhelerisa wu nghena emarhambyini ya mina. Yi ndzi rhiyile hi ntlhamu, yi ndzi wisa ndzi ku gáá; yi ndzi siyile ndzi ri rhumbi, ku ri hava siku leri ndzi tsakaka.

Yeremiya 14:18

Loko ndzi huma ndzi ya emasin'wini, ndzi vona mintsumbu ya lava dlayiweke hi matlhari, ni loko ndzi vuya ndzi nghena emutini, ndzi kuma lava dlawaka hi ndlala; vaprofeta ni vaprista va rhendzeleka-rhendzeleka etikweni, va nga twisisi leswi humelelaka.

Esaya 6:11

Kutani ndzi vutisa ndzi ku: “We N'wini wanga, swi ta va tano ku fika rini xana?” A hlamula a ku: “Ku kondza miti yi va marhumbi, ku nga ha tshami munhu eka yona, ni tindlu ti sala ti nga ha ri na vanhu, ni tiko ri hundzuka mananga.

Mikiya 1:9

Timbanga ta Samariya a ti tshunguleki; Yuda na yena ú ngheneriwe hi khombo ra kona, ri fikile na le nyangweni ya tiko ra rikwerhu, wu nga muti wa Yerusalema.

Mikiya 6:16

Mi landzile milawu ya Omri ni mahanyelo hinkwawo ya va ka Akabu, mi endla hinkwaswo leswi a va swi endla; hikokwalaho ndzi ta endla leswaku vanhu va mi nyenya; loko va vona va ka n'wina, va ta hlakahla tinhloko, mi ta va xihlekiso exikarhi ka vanhu va matiko.”

Mikiya 7:13

Kambe matiko man'wana ya misava ma ta hundzuka mananga, hikwalaho ka leswo biha leswi vaaki va wona va swi endleke.

Swirilo 5:16

Yóò! Hi le khombyeni, hikuva hi dyohile, kutani harhi ya ntsako yi sukile etinhlokweni ta hina.