Mikiya 6:10 - BIBELE Mahungu Lamanene

¹⁰ Xana ndzi nga rivalela lavo homboloka lava tataka tindlu ta vona hi swilo leswi va swi kumeke hi tindlela to homboloka, lava tirhisaka mimpimo leyi nga riki yona, yi nga leyi ndzi yi vengaka, xana?

Xitsonga (Bibele)

¹⁰ Xana rifuwo lero biha ra ha ri kona endlwini ya la nga lulamangiki, ni ku pima loku hungutiweke, loku rhukaniweke?

Mikiya 6:10 Referans Kwoze

Amosi 3:10

HOSI yi vula sweswo yi ri: “Vanhu va Samariya a va swi tivi ku endla leswo lulama, va tata tindlu ta vona ta vuhosi hi swilo leswi va swi kumeke hi tihanyi ni vuxisi.”

Swivuriso 20:10

Ku xavisela vanhu xilo xin'we hi mimpimo yo hambana, HOSI Xikwembu xa swi venga.

Swivuriso 21:6

Xuma lexi kumiweke hi ndlela ya vuxisi, xi dzudzeka ku fana ni mberha, i ntlhamu lowu vangelaka rifu.

Swivuriso 20:23

Ku xavisela vanhu xilo xin'we hi mimpimo yo hambana, HOSI Xikwembu xa swi venga, ku tirhisa mimpimo leyi nga riki yona, a swi laveki.

Swivuriso 11:1

Ku xavisela vanhu swilo hi mpimo lowu nga riki wona, HOSI Xikwembu xa swi venga, kambe mpimo lowu wu nga wona, xa wu tsakela.

Swivuriso 10:2

Xuma lexi kumiweke hi tindlela to homboloka a xi pfuni nchumu, kambe ku lulama swi ponisa vutomi bya munhu.

Yoxuwa 7:1

Vaisraele va tlurile nawu hi tlhelo ra swilo leswi nyiketiweke leswaku swi herisiwa, hikuva Akani n'wana Karimi wa Zabidi wa Zera, wa nyimba ya ka Yuda, ú pamburile swilo swin'wana leswi nyiketiweke leswaku swi herisiwa. Hikwalaho ka swona, HOSI Xikwembu xi hlundzukela Vaisraele.

Sofoniya 1:9

Hi siku rero, ndzi ta ba hinkwavo lava chavaka ku khandziya xihukuva xa yindlu ya n'wini wa vona, kambe va nga chavi ku nghenisa endlwini leyi leswi va swi kumeke hi tihanyi ni vuxisi.”

Mikiya 6:9

Vanhu lava chavaka vito ra HOSI Xikwembu, va ta ponisiwa; twanani, xi huwelela vaaki va muti, xi ku: “Yingisani n'wina hinkwenu va ka Yuda, lava hlengeletaneke emutini wa Yerusalema!

Amosi 3:9

Huwelelani lava nga tindlwini ta vuhosi ta le Axidodo, ni lava nga tindlwini ta vuhosi ta le Egipta, mi ku: “Hlengeletanani eswitsungeni swa Samariya, mi vona mpfilumpfilu lowukulu emutini lowu, ni ku xanisiwa ka vanhu exikarhi ka vona!”

Zakariya 5:6

Mina ndzi ku: “I xilo muni xexo ke?” Ntsumi yi ku: “Lexi taka i ngula, yi rhwele ku navela loko biha ka vanhu va tiko hinkwaro.”