Mikiya 5:4 - BIBELE Mahungu Lamanene

⁴ Murhangeri loyi a taka, ú ta fuma tiko a tiyile, a komba matimba ni ku twala ka HOSI Xikwembu xa yena. Vaisraele va ta va va tshamisekile, hikuva ú ta va la chavisekaka emisaveni hinkwayo;

Xitsonga (Bibele)

⁴ U ta yima, a risa hi matimba ya Yehovha, ni ku kwetsima ka vito ra Yehovha, Xikwembu xa yena; va ta aka hi ku rhula, hikuva u ta va nkulukumba ku yisa emakun'wini ya misava.

Mikiya 5:4 Referans Kwoze

Mikiya 7:14

We HOSI, hi vanhu va wena, hi rise, u hi sirhelela hi nhonga ya wena. Hi tshama hi ri hexe exihlahleni, hi rhendzeriwile hi mitanga ya van'wana; hi yise emadyelweni ya Baxani na Giliyadi, ku fana ni le minkarhini ya khale.

Luka 1:32

Yena ú ta va nkulukumba, a vuriwa N'wana wa Loyi-a-nge-henhla-henhla; Hosi Xikwembu xi ta n'wi nyika xiluvelo xa Davhida tata wa yena.

Nhlavutelo 11:15

Hiloko ntsumi ya vu-7 yi chaya nanga ya yona, kutani ku twakala ni marito lama huwelelaka hi le tilweni ma ku: “Matimba ya ku fuma misava, sweswi ma nyikiwile Hosi ya hina ni Mesiya wa yona, kutani ú ta fuma hilaha ku nga heriki.”

1 Petro 1:5

n'wina lava mi pfumeleke, kutani mi hlayisiwa hi matimba ya Xikwembu, leswaku mi ta kuma ku ponisiwa loku yimeleke ku kombisiwa enkarhini wa makumu.

Yuda 1:1

Mina Yuda, nandza wa Yesu Kriste ni makwavo wa Yakobo, ndzi tsalela lava Xikwembu Tatana xi va vitaneke, lava hanyaka erirhandzwini ra xona, va ri karhi va hlayisiwa hi Yesu Kriste, ndzi ri:

Vaefesa 1:3

A ku nkhensiwe Xikwembu, Tata wa Hosi ya hina Yesu Kriste, lexi nga hi katekisa eka Kriste hi minkateko ya moya ya tinxaka-xaka, ehenhla matilweni:

Yohane 20:17

Yesu a ku ka yena: “U nga ndzi khumbi, hikuva a ndzi si tlhandlukela eka Tatana; kambe yana eka vamakwerhu, u ya va tivisa leswaku ndzi tlhandlukela eka Tata wa mina, a nga Tata wa n'wina, eka Xikwembu xa mina, xi nga Xikwembu xa n'wina.”

Yohane 10:38

Kambe loko ndzi endla yona, hambi mi nga ndzi pfumeli, pfumelani yona mintirho, mi ta tiva ni ku twisisa leswaku Tatana ú le ka mina, na mina ndzi le ka Tatana.”

Matewu 25:31

“Siku N'wana-wa-Munhu a taka hi ku kwetsima ka yena, ni tintsumi hinkwato ti ri na yena, ú ta tshamisa exiluvelweni xa yena xo kwetsima.

Matewu 16:18

Kwalaho ndzi ri ka wena: U ‘Petro’, kutani ehenhla ka ribye reri, ndzi ta aka kereke ya mina; kutani hambi wu ri ntamu wa rifu wu nga ka wu nga yi hluri.

Matewu 2:6

“ ‘Na wena Betlehema, tiko ra Yudiya, a wu ntsongo exikarhi ka tihosi ta Yuda, hikuva eka wena ku ta huma hosi leyi nga ta fambisa tiko ra mina ra Israele.’ ”

Zakariya 9:10

Xikwembu xi ri: “Ndzi ta hangalasa makalichi ya nyimpi ma suka etikweni ra Efrayimi, ni tihanci ta nyimpi ndzi ta ti susa eYerusalema; mavurha ya masocha ma ta tshoviwa, hikuva loyi a taka, ú ta twarisa ku rhula ematikweni. Mfumo wa yena wu ta nava ku suka eka lwandle rin'wana, ku ya fika eka lerin'wana; wu ta sukela enambyeni wa Yufrata, wu ya fika endzilekaneni wa tiko ra Egipta.”

Esaya 52:13

HOSI Xikwembu xi ri: “Vonani, nandza wa mina ú ta kateka; ú ta tlakusiwa, a va munhu wo chaviseka swinene.

Esaya 49:5

HOSI Xikwembu xi ndzi hlawurile ku va nandza wa xona ndza ha ri khwirini ra manana, leswaku ndzi ta tlherisela va ka Yakobo eka xona, ni leswaku Vaisraele va hlengeletiwa va vuya ka xona. Ndzi kumile tintswalo emahlweni ka HOSI Xikwembu xanga, hi xona matimba ya mina.

Pisalema 145:12

Hikokwalaho vanhu va ta tiva leswaku u ni ntamu, ni leswaku mfumo wa wena wu hlawulekile, wa dzuneka.

Pisalema 98:3

A xi tshikanga ku rhandza Vaisraele, ni ku va la tshembekaka eka vona; hambi va ri vanhu va le matikweni ya le kule, va swi vonile leswaku Xikwembu xa hina i muhluri.

Pisalema 93:1

Xikwembu i mufumi wa hinkwaswo, xi ambele vukulukumba; xi tikhama hi matimba ya xona hikokwalaho misava yi tiyile yi nge tsekatseki.

Pisalema 72:19

Minkarhi hinkwayo a ku tlangeriwe vito ra xona lero hlawuleka, ku dzuneka ka xona a ku tate misava hinkwayo. Amen! Amen!

Pisalema 72:8

Mfumo wa yena a wu nave ku sukela eka lwandle rin'wana, wu ya fika eka lerin'wana; a wu sukele enambyeni wa Yufrata, wu ya fika evugimamusi.

Pisalema 22:27

Vanhu vo huma ematikweni hinkwawo va ta tsundzuka HOSI Xikwembu, va ta eka xona, vanhu va tinxaka hinkwato va ta xi nkhinsamela.

Eksoda 23:21

Yingisani ntsumi leyi, mi endla leswi yi nga ta swi vula; mi nga tshuki mi ala swileriso swa yona, hikuva yi nga ka yi nga mi tsetseleli loko mi tiarisa, naswona yi tirha hi vito ra mina.

Esaya 52:10

HOSI Xikwembu xi ta kombisa matimba ya xona layo hlawuleka, vanhu va matiko hinkwawo va ta ma vona; misava hinkwayo yi ta swi vona loko Xikwembu xa hina xi ponisa vanhu va xona.

Esaya 45:22

“Hundzulukelani eka mina leswaku mi ta ponisiwa, n'wina mi akeke emisaveni hinkwayo, hikuva Xikwembu hi mina ntsena, a ku na xin'wana.

Zakariya 13:7

HOSI ya matimba hinkwawo yi ri: “We fumu, pfuka u lwa ni murisi wa mina, lwana na yena yaloyi a nga yima kusuhi na mina. Bana murisi leswaku tinyimpfu ti ta hangalaka; lavatsongo hi mina ndzi nga ta va ba!

Malakiya 1:5

Swilo leswi mi ta swi vona hi mahlo n'wina Vaisraele, kutani mi ta vula mi ku: ‘HOSI Xikwembu i xikulu, vukulu bya xona byi vonaka ni le handle ka tiko ra hina.’ ”

Esaya 8:7

mina N'wini wa hinkwaswo ndzi ta va vitanela hosi ya Asiriya ni mavuthu hinkwawo lawa a tidzunisaka ha wona. Swi ta fana ni loko nambu wa Yufrata wu ta hi matimba lamakulu, wu khapa matlhelo hinkwawo, wu tlula ribuwu ra wona,