Mikiya 5:12 - BIBELE Mahungu Lamanene

¹² Vungoma ndzi ta byi herisa exikarhi ka n'wina, kutani a mi nga ha vi na vanyamusoro.

Xitsonga (Bibele)

¹² Kutani ndzi ta susa ku kanganyisa evokweni ra wena, ni vangoma a va nga ha vi kona eka wena.

Mikiya 5:12 Referans Kwoze

Nhlavutelo 22:15

Lava salaka ehandle ka muti hi lava endlaka leswo biha, ni vangoma, ni vaoswi, ni vadlayi, ni lava gandzelaka swikwembu swa hava, ni un'wana ni un'wana la tsakelaka vunwa ni ku hanya ha byona.

Esaya 2:20

Esikwini ra kona, swifaniso swa swikwembu swa silivhere ni swa nsuku, leswi vanhu va swi endleleke ku swi gandzela, va ta swi cukumeta swi ya wela eka timfukuzani ni vamangadyana.

Nhlavutelo 19:20

Xivandzana xi khomiwa, ku khomiwa ni muprofeta wa mavunwa loyi a a endla masingita emahlweni ka xona (hi masingita lawa, a a xisa lava a va ri ni mfungho wa xivandzana ni lava a va gandzela xifaniso xa xona). Kutani xivandzana ni muprofeta wa mavunwa va hoxiwa swin'we va ha hanya etiveni ra ndzilo lowu pfurhaka wu ri ni xivavula.

Esaya 2:18

Swifaniso swa swikwembu swi ta nyamalala hinkwaswo.

Esaya 27:9

Ku hela ka nandzu wa va ka Yakobo ni ku susiwa ka vudyoho bya vona, swi ta tikomba hi loko va mbundzumuxa tialitari hinkwato, va fayetela maribye ya tona ma va mapa, va wisetela timhandze ta Axera xikwembukazi, ni tialitari ta mirhi ya risuna.

Duteronoma 18:14

Vanhu va tinxaka leti mi nga kusuhi ni ku ti tekela tiko, va hlahluva ni ku vhumbha, kambe n'wina, HOSI Xikwembu xa n'wina xa mi alela ku endla sweswo.

Esaya 44:17

Kutani hafu leyi saleke a endla ha yona xifaniso xa xikwembu xa yena, a nkhinsama a xi khongela a ku: “Ndzi ponise, hikuva hi wena xikwembu xa mina!”

Ezekiele 16:41

Va ta hisa tindlu ta wena, va ku avanyisa emahlweni ka vavasati lavo tala. Vunghwavava bya wena ndzi ta byi herisa, ndzi herisa ni tinyiko leti u xavaka swigangu swa wena ha tona.

Ezekiele 36:25

Ndzi ta mi xuva hi mati layo tenga, kutani thyaka leri mi nga tivangela rona hi ku gandzela swikwembu swa n'wina swa hava, ndzi ta ri susa hinkwaro.

Zakariya 13:1

“Hi siku rero ku ta baleka xihlovo lexi xi nga ta basisa vatukulu va Davhida ni vaaki va Yerusalema, xi susa swidyoho swa vona ni swilo swa vona swa manyala.”