Mikiya 5:11 - BIBELE Mahungu Lamanene

¹¹ Ndzi ta herisa miti leyi nga tikweni ra n'wina, ndzi mbundzumuxa ni makhokholo ya n'wina hinkwawo.

Xitsonga (Bibele)

¹¹ ndzi ta lovisa miti ya tiko ra wena, ndzi nhlanhla makhokholo ya wena hinkwawo.

Mikiya 5:11 Referans Kwoze

Zakariya 4:6

Hiloko ntsumi yi ndzi lerisa ku ya byela Zerubabele rito ra HOSI Xikwembu leri nge: “Entirhweni wa wena, a wu nga humeleli hi vunhenha kumbe hi ku tirhisa matimba, kambe u ta humelela ntsena hi ku pfuniwa hi Moya wa mina. Ndzi vula sweswo, mina HOSI ya matimba hinkwawo.

Amosi 5:9

Hi yena loyi a lovisaka vanhu va matimba, a lovisa ni miti ya vona ya makhokholo.

Hosiya 10:14

Hikokwalaho ku ta humelela nyimpi exikarhi ka n'wina, makhokholo ya n'wina hinkwawo ma ta mbundzumuxiwa, ku fana ni loko Xalimani a mbundzumuxa muti wa Beta-Arabele lowu vavasati ni vana va vona va phyandlaseriweke eka wona, hi siku leriya ra nyimpi.

Ezekiele 38:11

u tiyimisela ku ya hlasela tiko leri. Miti ya rona yi pfulekile, a yi na rirhangu kumbe timbanti leti gogiweke, ni vaaki va rona va titwa va tshamisekile, a va vileli hi nchumu.

Esaya 6:11

Kutani ndzi vutisa ndzi ku: “We N'wini wanga, swi ta va tano ku fika rini xana?” A hlamula a ku: “Ku kondza miti yi va marhumbi, ku nga ha tshami munhu eka yona, ni tindlu ti sala ti nga ha ri na vanhu, ni tiko ri hundzuka mananga.

Esaya 1:7

Tiko ra n'wina i marhumbi ntsena, miti yi hisiwile hi ndzilo; vanhu va le handle va mi tekele tiko, mi ri karhi mi swi vona; tiko i marhumbi ntsena, ri herisiwile hi vanhu vambe.

Swirilo 2:2

N'wini wa hinkwaswo a nga tsetselelanga miti ya va ka Yakobo, ú yi mbundzumuxile hinkwayo. Hi vukari lebyikulu bya yena, ú fayile makhokholo ya le Yuda; ú hohlosile ni ku onha vukosi ni vafumi va kona.

Esaya 2:6

We HOSI, vanhu va wena, vona va ka Yakobo, u va tshikile, hikuva va tekelele mikhuva ya vanhu va le vuxeni, va ni vangoma lavo tala ku fana ni Vafilista, va twanana ni vanhu va tinxaka timbe.

Esaya 27:9

Ku hela ka nandzu wa va ka Yakobo ni ku susiwa ka vudyoho bya vona, swi ta tikomba hi loko va mbundzumuxa tialitari hinkwato, va fayetela maribye ya tona ma va mapa, va wisetela timhandze ta Axera xikwembukazi, ni tialitari ta mirhi ya risuna.