Mikiya 4:9 - BIBELE Mahungu Lamanene

⁹ N'wina vaaki va Siyoni, mi rilela yini xana? Hikwalaho ka yini mi khomiwa hi switlhavi wonge mo va wansati loyi a nga ku tintshunxeni? Xana swi vangiwa hi leswi mi pfumalaka hosi, ni leswi vatsundzuxi va n'wina va feke, xana?

Xitsonga (Bibele)

⁹ Kasi hi leswo yini loko u huwelela hi matimba? Xana a ka ha ri na hosi, kumbe mutsundzuxi wa wena u lovile, leswi ku vaviseka ku ku khomeke hi matimba, kukotisa wansati loko a veleka.

Mikiya 4:9 Referans Kwoze

Yeremiya 8:19

Yingisani, vanhu va ka hina va le ku huweleleni ematlhelweni hinkwawo ya tiko, va ri: “Xana HOSI Xikwembu a xa ha kumeki emutini wa Siyoni ke? A xa ha fumi kona xana?” Xona xi hlamula xi ku: “Mi ndzi hlundzukisela yini hi swikwembu swa n'wina swa swifaniso, leswi humaka eka vanhu vambe, xana?”

Hosiya 10:3

Sweswi vanhu lava va ri: “A hi na hosi, hikuva a hi yingisanga Xikwembu; hambi a ho va na yona, a yi ta hi pfuna yini xana?”

Hosiya 3:4

Va tiko ra Israele na vona va ta tshama nkarhi wo leha va nga ri na hosi kumbe murhangeri, va ta pfumala ni swo humesa magandzelo, hambi ma ri maribye ya vugandzeri a va nga vi na wona, va ta pfumala na “efodi” kumbe “terafi”.

Swirilo 4:20

Muhlawuriwa wa HOSI Xikwembu, yena mufambisi wa hina, va n'wi khomile ku fana ni xiharhi lexi weleke ekheleni, kasi a hi languterile leswaku ú ta hi sirhelela exikarhi ka vamatiko.

Yeremiya 50:43

Loko hosi ya le Babilona yi vikeriwa timhaka leti, yi tsemeka nhlana; yi wela hi maxangu yi twa switlhavi kukota wansati la nga ku tintshunxeni.

Yeremiya 22:23

Wena u tshamaka etindlwini to akiwa hi timhandze ta kedari, onge u le ntshaveni ya Lebanoni! Kambe siku rin'wana u ta khoma hi switlhavi, u konya ngopfu, kukota wansati la nga kusuhi ni ku tintshunxa.”

Yeremiya 4:21

Xana ndzi ta hlalela mijeko ya valala ku fikela rini, ndzi ta twa mhalamhala ya nyimpi ku ya fika rini xana?

Esaya 26:17

Hikwalaho ka leswi u hi endleke swona, we HOSI, hi tshombonyokile hi rila, ku fana ni wansati loyi a nga kusuhi ni ku tintshunxa, loko a twa switlhavi.

Esaya 21:3

Timhaka leti ti ndzi hete matimba, ti ndzi vangele switlhavi, wonge ndzo va wansati loyi a lavaka ku tintshunxa; a ndza ha koti ku ololoka, ni ku twa a ndza ha twi, swi ndzi tshukise ngopfu, lero a ndza ha koti na ku vona nchumu.

Esaya 13:8

va ta tshukisiwa ngopfu, va khomiwa hi switlhavi, va xaniseka kukota wansati loko a ri kusuhi ni ku tintshunxa; va ta langutana, va hlamala, va dzuka nyuku hi ku chava.

Yohane 16:21

Loko wansati a veleka, ú twa ku vava lokukulu, hikuva nkarhi wa yena wu fikile; kambe loko a velekile n'wana, wa rivala maxangu ya yena hikwalaho ka ku tsaka, hileswi ku nga velekiwa munhu emisaveni.

Nhlavutelo 12:2

A a ri kusuhi ni ku veleka n'wana, kutani a rila hi ku twa ku vava ni ku lumiwa ka ku veleka.

Yeremiya 48:41

Miti yi ta tekiwa, makhokholo ma hlaseriwa, kutani enkarhini wolowo tinhenha ta Vamowabu ti ta chava kukota wansati loyi a nga ku tintshunxeni.

Hosiya 13:13

Nkarhi wa vona wa ku velekiwa wu fikile, kambe vona va fana ni n'wana wo ka a nga tlharihanga, loyi a alaka ku huma ekhwirini.

Mikiya 5:3

Hikokwalaho, ku tshikiwa ka vona ku ta hela siku leri wansati la tikeke a velekaka n'wana wa mufana, kutani Vaisraele lava nga sala evukhumbini, va ta vuya karikwavo.

Yeremiya 4:31

Ndzi twa munhu la konyaka ku fana ni wansati loyi a nga ku velekeni ka n'wana wa yena wa mativula. I Siyoni la heleriwaka hi moya; ú tshambuluta mavoko a ku: “Ndzi lamuleleni! Valala va lava ku ndzi dlaya!”

Yeremiya 30:10

HOSI Xikwembu xi vula sweswo xi ri: “Wena Yakobo nandza wa mina, u nga chavi, u nga heli mbilu wena Israele, hikuva ndzi ta ku kutsula u suka etikweni ra le kule; vanhu va wena ndzi ta va vuyisa hi le vukhumbini, va ka Yakobo va ta vuya hi ku rhula, va tshamiseka va nga chavisiwi hi munhu.