Mikiya 4:5 - BIBELE Mahungu Lamanene

⁵ Vanhu hinkwavo va matiko man'wana va nga ha tigandzelela swikwembu swa vona, kambe hina hi ta gandzela HOSI Xikwembu xa hina hilaha ku nga heriki.

Xitsonga (Bibele)

⁵ Vamatiko hinkwawo va famba un'wana ni un'wana hi vito ra xikwembu xa yena, kambe hina, hi famba hi vito ra Yehovha, Xikwembu xa hina, hi mikarhi ni mikarhi.

Mikiya 4:5 Referans Kwoze

Zakariya 10:12

Kambe vanhu va mina ndzi ta va tiyisa, va ta hanya hi ndlela leyi yi ndzi tsakisaka. Ndzi vurisa sweswo mina HOSI.”

Vakolosa 3:17

Kutani xin'wana ni xin'wana lexi mi xi endlaka, hi ku vulavula kumbe hi ku tirha, xi endleni hi vito ra Hosi Yesu, mi ri karhi mi nkhensa Xikwembu Tatana ha yena.

Yoxuwa 24:15

Loko mi nga swi lavi ku tirhela HOSI Xikwembu, namuntlha hlawulani loyi mi rhandzaka ku tirhela yena: Ku nga va swikwembu leswi vatata wa n'wina va swi tirheleke exifundzheni lexi xi nga entsungeni wa nambu wa Yufrata, kumbe swikwembu swa Vaamori lava mi tshamaka etikweni ra vona; kambe loko a ri mina ni ndyangu wa mina, hi ta tirhela HOSI Xikwembu.”

Esaya 2:5

N'wina va ka Yakobo, tanani hi famba eku vonakaleni ka HOSI!

Pisalema 48:14

“Lexi hi xona Xikwembu, Xikwembu xa hina hilaha ku nga heriki; xi ta hi komba tindlela minkarhi hinkwayo.”

Vakolosa 2:6

Kutani ke, leswi mi amukeleke Kriste Yesu ku va Hosi ya n'wina, hanyani hi ku va xilo xin'we na yena,

Esaya 26:8

Hambiloko u hi ba, we HOSI, a hi tshiki ku ku tshemba; ku navela ka hina lokukulu i ku anakanya vito ra wena.

2 TIHOSI 17:34

Va ha hanyisa sweswo ku fikela ni namuntlha, hi ku landza mikhuva ya vona ya khale. A va khongeli HOSI Xikwembu, a va hanyi hi milawu ni swiletelo leswi va nga nyikiwa swona; a va yingisi Nawu ni swileriso leswi HOSI Xikwembu xi nyikeke vatukulu va Yakobo, loyi xi n'wi thyeke vito ra Israele.

2 TIHOSI 17:29

Kambe vamatiko lava hinkwavo va yile emahlweni na ku tiendlela swifaniso swa swikwembu swa ka vona, va swi veka etindlwini ta le switsungeni leswo hlawuleka, leti Vasamariya a va ti akile. Vanhu lava hinkwavo va endlile sweswo emitini leyi a va tshama eka yona.

Genesa 17:1

Loko Abrama a ri ni malembe ya 99, HOSI Xikwembu xi humelela eka yena, xi ku: “Hi mina Xikwembu-xa-matimba-hinkwawo; u fanele ku hanya emahlweni ka mina, u ndzi yingisa hi ku hetiseka.

Pisalema 71:16

Ndzi ta ta eka wena ndzi ta vula mintirho ya wena ya matimba, we HOSI N'wini wa hinkwaswo, ndzi ta byela vanhu leswaku hi wena ntsena la lulameke.

Timhaka 14:16

eminkarhini leyi hundzeke, xi pfumelerile matiko hinkwawo ku famba hi tindlela ta wona.

Esaya 26:13

HOSI, Xikwembu xa hina, ku vile ni vanhu van'wana lava tiendleke tihosi ta hina, kambe hina hi tiva wena ntsena.

Duteronoma 27:10

Hikokwalaho mi fanele ku yingisa leswi HOSI Xikwembu xa n'wina xi mi byelaka swona, mi hlayisa swileriso ni milawu ya xona leyi ndzi mi lerisaka yona namuntlha.”

Pisalema 20:6

Sweswi ndza swi tiva leswaku HOSI Xikwembu xi ta pfuna Muhlawuriwa wa xona; xi ta n'wi hlamula xi ri eTempeleni ya xona ya le matilweni, xi n'wi nyika ku hlula valala hi matimba lamakulu ya voko ra xona ra xinene.

Yeremiya 32:40

Ndzi ta endla na vona ntwanano lowu nga heriki; a ndzi nga tshiki ku va katekisa; ndzi ta va pfuna ku ndzi komba xichavo va nga ha ndzi fularheli.