Mikiya 4:10 - BIBELE Mahungu Lamanene

¹⁰ Solovanyani mi konya ku fana ni wansati la nga ku tintshunxeni, hikuva sweswi mi ta huma emutini wa n'wina mi ya tshama enhoveni; mi ta ya eBabilona! Hambiswiritano, HOSI Xikwembu xi ta ta kwale xi ta mi lamulela, xi ta ta xi ta mi kutsula emavokweni ya valala va n'wina.

Xitsonga (Bibele)

¹⁰ Khuna, u twa ku vaviseka, n'wana Siyoni, kukotisa muveleki; hikuva u ta huma emutini, u ta tshama enhoveni, u ya fika ni le Babilona. Hi kona u nga ta tshunxiwa, Yehovha u ta ku kutsula emavokweni ya valala va wena.

Mikiya 4:10 Referans Kwoze

Esaya 48:20

Sukani eBabilona, mi huma etikweni ra Vakalediya, banani minkulungwana mi twarisa mhaka leyi, yi tiviseni ku ya fika evugimamusi, mi ku: “HOSI Xikwembu xi kutsurile va ka Yakobo malandza ya xona!”

Hosiya 13:13

Nkarhi wa vona wa ku velekiwa wu fikile, kambe vona va fana ni n'wana wo ka a nga tlharihanga, loyi a alaka ku huma ekhwirini.

Hosiya 2:14

“Sweswi ndzi ta ya bula na yena, ndzi n'wi teka ndzi ya na yena emananga, ndzi ya n'wi byela leswi swi nga ta n'wi tsakisa.

Esaya 45:13

Korexe ú hlohleteriwile hi mina leswaku a ta tirha leswo lulama, ndzi ta n'wi basisela tindlela hinkwato leti a nga ta famba ha tona; hi yena la nga ta pfuxa muti wa mina wa Yerusalema, a ntshunxa ni vanhu va mina evukhumbini; a nga tirheli ku hakeriwa kumbe ku nkhensiwa.” HOSI Xikwembu xa matimba hinkwawo xi vurisa sweswo.

Esaya 43:14

HOSI Xikwembu, Muhlawuleki wa Israele, lexi xi mi kutsuleke, xi vurisa sweswo xi ri: “Ndzi ta mi pfuna hi ku rhumela mavuthu ma ya hlasela Babilona; ma ta faya timbanti hinkwato ta muti, kutani ku yimbelela ka Vakalediya ku ta hundzuka swirilo.

2 TIHOSI 20:18

Kutani van'wana exikarhi ka vana va xivongo xa wena, lava u va velekeke, va ta khomiwa, va ya tirhela hosi ya le Babilona etindlwini ta yona, va ri vatsheniwa.’ ”

Nhlavutelo 12:14

Kambe wansati a nyikiwa timpapa timbirhi ta gama lerikulu leswaku a haha a siya nyoka leyi, a ya tumbela emananga, endhawini leyi a nga ta hlayisiwa a phameriwa ka yona malembe manharhu ni hafu.

Hosiya 1:10

Hambiswiritano, vanhu va tiko ra Israele va ta tala ku fana ni sava ra lwandle leri nga pimekiki, ni ku hlayeka ri nga hlayekiki. Endhawini leyi va nga tshama va byeriwa leswaku “A mi vanhu va mina”, va ta vuriwa “Vana va Xikwembu lexi hanyaka.”

Yeremiya 15:21

Ndzi ta ku ponisa emavokweni ya lavo homboloka, ndzi ku kutsula eka vanhu va tihanyi.”

Pisalema 106:10

Xi va lamulerile emavokweni ya valala va vona, xi va kutsula ematimbeni ya vona,

2 TIKRONIKA 36:20

Lava poneke ku dlawa hi tlhari, Nebukadnetsara a va yisa evukhumbini eBabilona, kutani va va mahlonga ya yena ni ya vana va yena, ku kondza ku humelela mfumo wa Vaperesi;

2 TIKRONIKA 33:11

Hikokwalaho HOSI Xikwembu xi rhuma tindhuna ta Vaasiriya ni mavuthu ya tona, va hlasela tiko ra Yuda, va khoma Manase, va n'wi hulela muhalo, va n'wi yisa eBabilona a bohiwile hi tinketani.

2 TIHOSI 25:4

rirhangu ra muti ri boxiwa. Hambileswi mavuthu ya Vakalediya a ma rhendzerile muti, hosi Sedekiyasi ni masocha ya yena hinkwawo va kotile ku baleka nivusiku, hi le nyangweni leyi a yi ri xikarhi ka makhumbi mambirhi, kusuhi ni ntanga wa hosi, kutani va tsutsuma hi ndlela leyi kongomaka enkoveni wa Yordani.

Yeremiya 29:20

Loko a ri n'wina lava ndzi mi suseke eYerusalema ndzi mi tisa evukhumbini kwala Babilona, mi nga tshuki mi ala ku amukela leswi mina HOSI ndzi mi byelaka swona!’

Yeremiya 48:41

Miti yi ta tekiwa, makhokholo ma hlaseriwa, kutani enkarhini wolowo tinhenha ta Vamowabu ti ta chava kukota wansati loyi a nga ku tintshunxeni.

Yeremiya 52:27

Hosi Nebukadnetsara a lerisa leswaku va biwa, kutani va dlayiwa eRibila, etikweni ra Hamata. Hi wona mukhuva lowu vanhu va ka Yuda va yisiweke evukhumbini ha wona, kule ni tiko ra vona.

Mikiya 5:3

Hikokwalaho, ku tshikiwa ka vona ku ta hela siku leri wansati la tikeke a velekaka n'wana wa mufana, kutani Vaisraele lava nga sala evukhumbini, va ta vuya karikwavo.

2 TIKRONIKA 36:23

“Mina Korexe hosi ya Vaperesi ndzi vurisa sweswo ndzi ri: HOSI, Xikwembu xa le matilweni, xi ndzi vekile ku va hosi ya matiko hinkwawo laha misaveni, kutani xi ndzi lerisile ku xi akela yindlu le Yerusalema, etikweni ra Yuda. Vanhu va xona hinkwavo lava nga xikarhi ka n'wina, a va tlhelele eYerusalema; kutani HOSI Xikwembu a xi ve na vona!”

Yeremiya 4:31

Ndzi twa munhu la konyaka ku fana ni wansati loyi a nga ku velekeni ka n'wana wa yena wa mativula. I Siyoni la heleriwaka hi moya; ú tshambuluta mavoko a ku: “Ndzi lamuleleni! Valala va lava ku ndzi dlaya!”

Yeremiya 13:4

“Teka vamba leri u ri xaveke, rona leri u tiboheke ha rona, kutani u ya enambyeni wa Yufrata, u fika u ri tumbeta kona ebakweni.”

Mikiya 5:2

HOSI Xikwembu xi ri: “Wena Betlehema wa Efrata, hi wena lontsongo exikarhi ka miti ya va ka Yuda, kambe eka wena ndzi ta tilavela loyi a nga ta fuma Vaisraele; vatata wa yena va hanyile ka wena ku sukela khale swinene.”