Mikiya 4:1 - BIBELE Mahungu Lamanene

¹ Eminkarhini leyi taka, xintshabyana lexi yindlu ya HOSI yi akiweke eka xona, xi ta tlakuka xi hundza swintshabyana hinkwaswo; xi ta leha xi tlula ni tintshava; vanhu va ta khitikana va ya eka xona.

Xitsonga (Bibele)

¹ Emikarhini ya makumu, ntshava ya yindlu ya Yehovha yi ta va yi yimisiwile ehenhla ka tintshava, yi wungamela switsunga, kutani matiko ma ta hangalakela kona.

Mikiya 4:1 Referans Kwoze

Yeremiya 3:17

Eminkarhini yoleyo, muti wa Yerusalema wu ta vuriwa ‘Xiluvelo xa HOSI Xikwembu’, kutani vanhu va matiko hinkwawo va ta khitikana va ya eka wona, hikwalaho ka vito ra HOSI leri wu thyiweke rona. A va nga ha tiarisi, va ta va va hambanile ni mianakanyo ya vona ya khale leyo biha.

Pisalema 22:27

Vanhu vo huma ematikweni hinkwawo va ta tsundzuka HOSI Xikwembu, va ta eka xona, vanhu va tinxaka hinkwato va ta xi nkhinsamela.

Zakariya 8:3

HOSI Xikwembu xi ri: “Ndzi ta vuyela eSiyoni, ndzi ta tlhela ndzi tshama emutini wa Yerusalema. Muti wa Yerusalema wu ta thyiwa vito ra ‘Mutshembeki’; ntshava ya HOSI ya matimba hinkwawo yi ta vuriwa ‘Muhlawuleki’.”

Pisalema 86:9

Vanhu hinkwavo lava u va vumbeke, va ta ku nkhinsamela we HOSI, va dzunisa vito ra wena.

Timhaka 2:17

“ ‘Xikwembu xi ri: Hi masiku ya makumu, ndzi ta chela Moya wa mina ehenhla ka vanhu hinkwavo. Vana va n'wina va xinuna ni va xisati va ta vhumbha, vana va n'wina va majaha va ta vona swivono, lavo dyuhala va n'wina va ta lorha milorho.

Hosiya 3:5

Kambe nkarhi wu ta fika, lowu vanhu va tiko ra Israele va nga ta hundzuka va lava HOSI Xikwembu xa vona, na Davhida hosi ya vona. Kutani va ta ta eka HOSI Xikwembu hi ku rhurhumela, va amukela tinyiko ta xona letinene.

Ezekiele 43:12

Nawu wa Tempele hi lowu: Ndhawu ya yona hinkwayo ehenhla ka ntshava, a yi ve leyi hlawulekeke swinene, matlhelo hinkwawo. Lowu hi wona nawu wa Tempele!”

Malakiya 1:11

“Vito ra mina i rikulu exikarhi ka vanhu va misava hinkwayo; endhawini yin'wana ni yin'wana, vanhu va ndzi hisela mirhi ya risuna, va ndzi humesela magandzelo lama tengeke. Hakunene, vito ra mina i rikulu exikarhi ka vanhu va matiko hinkwawo. Ndzi vula sweswo, mina HOSI ya matimba hinkwawo.

Zakariya 2:11

Hi siku rolero, vanhu va matiko layo tala va ta ndzi namarhela mina HOSI, kutani va ta endla tiko ra mina va aka exikarhi ka n'wina!” Enkarhini wolowo mi ta swi tiva leswaku HOSI ya matimba hinkwawo, hi yona yi ndzi rhumeke eka n'wina.

Esaya 54:2

Tlhantlha ntsonga wa wena u wu engetela, wu tlhenguse, wu anama swinene, u nga wu tsongahati, wu kurise, u dzima timhandze ti tiya swinene.

Nhlavutelo 20:4

Kutani ndzi vona swiluvelo; lava tshameke ehenhla ka swona, va nyikiwa matimba ya ku avanyisa. Naswona, ndzi vona mimoya ya lava tsemiweke tinhloko hi mhaka ya ku twarisa vumbhoni bya Yesu ni ya ku vula Rito ra Xikwembu. A va gandzelanga xivandzana kumbe xifaniso xa xona, a va funghiwanga hi mfungho wa xona emimombyeni ya vona, kumbe emavokweni ya vona. Kutani va tlhela va hanya, va fuma na Kriste malembe ya 1 000.

Nhlavutelo 11:15

Hiloko ntsumi ya vu-7 yi chaya nanga ya yona, kutani ku twakala ni marito lama huwelelaka hi le tilweni ma ku: “Matimba ya ku fuma misava, sweswi ma nyikiwile Hosi ya hina ni Mesiya wa yona, kutani ú ta fuma hilaha ku nga heriki.”

Vaheveru 1:2

Kambe emasikwini lawa yo hetelela, xi vulavurile na hina hi N'wana, loyi xi n'wi vekeke ku va mudyandzhaka wa swilo hinkwaswo, loyi naswona xi tumbuluxeke tilo ni misava ha yena.

Daniele 7:27

Matiko hinkwawo ni vukosi bya wona lebyo dzuneka swi ta nyikiwa vahlawuriwa va Loyi a nga henhla-henhla; ku fuma ka vona ku nga ka ku nga heli, matiko hinkwawo ma ta va nkhinsamela ni ku va tirhela.’

Daniele 2:44

“Eminkarhini ya tihosi leti, Xikwembu xa le matilweni xi ta simeka mfumo lowu wu nga ta ka wu nga wisi hi munhu, naswona vuhosi bya wona a byi nga nyikiwi vanhu van'wana. Mfumo lowu wu ta wisetela mimfumo leyin'wana hinkwayo, wu yi herisela makumu; kutani wona wu ta va kona hilaha ku nga heriki.

Esaya 49:6

Kutani Xikwembu xi ri: “Wena nandza wa mina, ndzi ku vekile leswaku u pfuxa rixaka ra ka Yakobo, ni ku hlayisa Vaisraele lava va ha saleke. Tlhandlakambirhi, ndzi ta ku endla rivoni ro voningela matiko, leswaku ntirho wa mina wo ponisa vanhu wu ya fika ni le makumu ka misava.”

Nhlavutelo 15:4

I mani la nga ta ka a nga ku chavi, we Hosi, i mani la nga ta ala ku twarisa vito ra wena ke? Hi wena ntsena loyi a kwetsimeke, kutani vamatiko hinkwavo va ta ta va ta nkhinsama emahlweni ka wena, hikuva mintirho ya wena leyo lulama yi le rivaleni!”

Mikiya 3:12

Kasi, hikwalaho ka vona, muti wa Siyoni wu ta rimiwa kukota nsimu. Yerusalema ú ta hundzuka rhumbi, exintshabyanini xa Tempele, ku ta va swihlahla ntsena.

Daniele 7:18

Kambe vahlawuriwa va Loyi a nga henhla-henhla va ta nyikiwa mfumo wu va wa vona hilaha ku nga heriki.’

Daniele 7:14

Kutani a nyikiwa vuhosi ni ku dzuneka ni matimba, leswaku vanhu va tinxaka hinkwato lava vulavulaka tindzimi to hambana-hambana va n'wi tirhela; vuhosi bya yena byi ta va kona hilaha ku nga heriki, ku fuma ka yena a ku nga herisiwi hi munhu.”

Daniele 2:35

Hiloko nsimbhi ni vumba ni koporo ni silivhere ni nsuku swi fayekela hinkwaswo, swi sileka swi sala swi fana ni mungu exivuyeni; kutani moya wu swi hahisa, swi nyamalala. Kambe ribye leri beke xifaniso, ri kula ri hundzuka ntshava, ri khubumeta misava hinkwayo.

Daniele 2:28

Kambe ematilweni, ku ni Xikwembu lexi paluxaka swihundla, kutani we hosi Nebukadnetsara, xi ku tivisile leswi nga ta humelela eminkarhini leyi taka. Loko u etlele, u lorhile milorho ni ku vona swivono.

Ezekiele 40:2

xi ndzi fikisa etikweni ra Israele hi xivono, xi ndzi yimisa entshaveni leyo leha ngopfu. Hi tlhelo ra le dzongeni ra ntshava leyi, a ku vonaka leswi fanaka ni tindlu ta muti.

Ezekiele 38:16

kutani mi ta fika mi hlasela Vaisraele vanhu va mina, mi khubumeta tiko ra vona hi xinyami. Xikongomelo xa mina loko ndzi ku vitana ku ta lwa ni Vaisraele i ku tivisa vamatiko leswaku hi mina mani! Eminkarhini yoleyo ndzi ta ku tirhisa ku komba vamatiko lava hinkwavo leswaku ndzi Xikwembu xo hlawuleka.

Yeremiya 48:47

Kambe eku heteleleni, ndzi ta tlhela ndzi mi katekisa, n'wina Vamowabu. Ndzi vula sweswo mina HOSI!” Hi tona ta ku avanyisiwa ka tiko ra Mowabu.

Yeremiya 16:19

We HOSI, u ntamu wa mina ni khokholo ranga, enkarhini wa maxangu ndzi tumbela eka wena. Vanhu va tinxaka hinkwato va ta ta eka wena, va huma ematlhelo hinkwawo ya misava, va ta fika va ku: “Ndzhaka ya vatata wa hina i mavunwa ntsena, swikwembu swa vona a swi pfuni nchumu.

Esaya 43:6

Ndzi ta lerisa matiko ya le n'walungwini ni ya le dzongeni, leswaku ma tshika vanhu va ka n'wina va vuya, ma nga va siveli; ndzi ta ku: ‘Tshikani vana va mina va xinuna ni va xisati va vuya, a va suke ematlhelo hinkwawo ya misava,

Esaya 27:13

Enkarhini wolowo ku ta biwa mhalamhala, kutani lava nga lahleka va ya etikweni ra Asiriya, ni lava hlongoriweke va ya le Egipta, va ta vuya, va ta gandzela HOSI Xikwembu va ri entshaveni leyo hlawuleka ya le Yerusalema.

Pisalema 110:3

Siku u hlomaka matlhari, tinhenha ti ta huma na wena ti tsakile. Majaha ma ta ta eka wena ma huma etintshaveni leto hlawuleka, ma fana ni mberha leyi waka loko vurhonga byi tshwuka.

Genesa 49:10

Ndzalama ya vuhosi yi nga ka yi nga suki emutini wa Yuda, hambi yi ri nhonga ya vuhosi a yi nga suki emilengeni ya yena, ku kondza n'wini wa swona a humelela, loyi matiko ma nga ta n'wi yingisa.

Genesa 49:1

Kutani Yakobo a byela vana va yena, a ku: “Hlengeletanani, ndzi ta mi tivisa leswi swi nga ta mi humelela eminkarhini leyi taka:

2 Petro 3:3

Xo sungula, mi fanela ku twisisa leswaku, emasikwini yo hetelela, ku ta humelela vasandzi lava fambisiwaka hi ku navela ka vona loko biha; va ta mi sandza,

Daniele 10:14

Namuntlha ndzi tile ku ta ku hlamusela leswi swi nga ta humelela vanhu va ka n'wina eminkarhini leyi taka, hikuva xivono lexi na xona xi khumba minkarhi ya kona.’

Daniele 7:22

Kambe eku heteleleni, ku humelela Loyi a a ri kona ku sukela khale, yena Loyi a nga henhla-henhla, kutani a avanyisela vahlawuriwa va yena etimhaka ta vona, kutani ku fika nkarhi lowu vahlawuriwa lava va nyikiwaka vuhosi.

Pisalema 48:1

HOSI Xikwembu xa hina i Xikwembu lexikulukumba, xi dzuneka ngopfu emutini lowu wu nga wa xona, entshaveni ya xona leyo hlawuleka;

Esaya 56:7

vanhu volavo, ndzi ta va pfumelela ku ta entshaveni ya mina leyo hlawuleka, ndzi ta va nyika ku tsaka endlwini ya mina yo khongelela ka yona; magandzelo ya vona lama hisiwaka ni lama dyiwaka, ndzi ta ma amukela alitarini ya mina, hikuva yindlu ya mina yi ta vuriwa ‘yindlu ya xihongelo eka vanhu va matiko hinkwawo’.”

Yeremiya 26:18

“Loko hosi Hezekiya a ha fuma etikweni leri ra Yuda, a ku ri ni muprofeta Mikiya wa le Morexeta; hina hinkwerhu va ka Yuda hi n'wi twile loko a hi tivisa marito ya HOSI ya matimba hinkwawo, lawa ya nge: “ ‘Muti wa Siyoni wu ta rimiwa kukota nsimu, Yerusalema ú ta hundzuka rhumbi; exintshabyanini xa Tempele, ku ta va swihlahla ntsena.’

Yeremiya 31:12

Va ka Yakobo va ta ta entshaveni ya Siyoni va ri karhi va yimbelela, va ta ba huwa ya ntsako; va ta tlangela vunene bya mina HOSI, hikuva ndzi ta va nyika mavele ni vhinyo ni mafurha, ndzi andzisa swifuwo swa vona leswikulu ni leswitsongo. Va ta hanya va tsakile, va nga ha twi torha, va fana ni ntanga lowu cheletiwaka.

Zakariya 14:10

Tiko hinkwaro ri ta hundzuka rivala, ku sukela eGeba ku ya fika eRimoni, hi tlhelo ra dzonga ku langutana na Yerusalema. Kambe muti wa Yerusalema wona wu ta sala endhawini ya wona leyi tlakukeke, ku sukela eka Nyangwa ya Benjamini ku ya fika eka Nyangwa ya Khale, ni ka Nyangwa ya Yinhla; muti wu ta tlhela wu sukela eka Xihondzo xa Hananiele, wu ya fika laha ku pyanyeriwaka kona mihandzu ya vhinya ya tihosi.