Mikiya 3:7 - BIBELE Mahungu Lamanene

⁷ Vamavonakule va ta nyuma, vavhumbhi va khomiwa hi tingana; hinkwavo va ta languta hansi, hikuva a ndzi nga va hlamuli mina Xikwembu.”

Xitsonga (Bibele)

⁷ Vavoni va ta tsana, vangoma va ta khomiwa hi tingana, kutani va ta fihla malebvu ya vona hikuva a ku na nhlamulo leyi humaka eka Xikwembu.

Mikiya 3:7 Referans Kwoze

Zakariya 13:4

Hikokwalaho vanhu va ta chava ku tikurisa hi swivono swa vona, kumbe ku tiendla vaprofeta; va ta chava ni ku xisa van'wana hi ku ambala swiambalo swa vaprofeta leswi lukiweke hi voya.

Esaya 44:25

Ndzi kaneta vangoma ni mahlori ya vona, lava hlahluvaka, ndzi va hundzula swihlekiso, ndzi bakanya tintlhari, ndzi komba leswaku vutivi bya tona a byi pfuni nchumu.

Amosi 8:11

HOSI N'wini wa hinkwaswo ú vula sweswo ú ri: “Vonani, masiku ma ta, lawa ndzi nga ta vanga ndlala etikweni; a yi nga vi ndlala ya vuswa, kumbe torha ra mati, kambe ndlala ni torha ra ku lava marito ya mina HOSI.

Ezekiele 24:17

Hambi u twa ku vava, tikhome u miyela; u nga byewuli misisi kumbe ku hluvula tintanghu, u nga tifunengeti ni xikandza, naswona u nga dyi swa nkosi!”

1 SAMIELE 28:6

Kutani a vutisa mhaka leyi eka HOSI Xikwembu, kambe xona xi nga n'wi hlamuli, hambi hi norho, kumbe hi vuhlolotwana, kumbe hi vaprofeta.

Levhitika 13:45

“Munhu loyi a khomiweke hi vuvabyi bya nhlokonho, ú fanele ku ambala switlakati, a tshika ni misisi yi hangalaka, a funengeta ni nomo wa le henhla, a huwelela a ku: A ndzi tenganga! A ndzi tenganga!

Mikiya 7:16

Vamatiko lava a va ehleketa leswaku va ni matimba, va ta nyuma loko va vona swilo leswi; va ta tisiva swikandza hi mavoko, va tipfala ni tindleve.

Ezekiele 24:22

Kutani mi fanele ku tekelela leswi ndzi swi endleke: Mi nga tifunengeti swikandza, mi nga dyi swa nkosi.

Pisalema 74:9

A wa ha vonaki exikarhi ka hina, ni vaprofeta va nyamalarile, kutani a ku na munhu exikarhi ka hina la tivaka leswaku swi ta hela rini.

1 SAMIELE 28:15

Samiele a ku ka Sawulo: “Hikwalaho ka yini u ndzi karhata hi ku ndzi vitana u ku ndzi huma ehansi, xana?” Sawulo a hlamula a ku: “Ndzi le maxangwini lamakulu; Vafilista va lwa na mina; naswona, Xikwembu xi ndzi tshikile, a xa ha ndzi hlamuli, hambi hi vaprofeta, kumbe hi norho. Hikokwalaho, ndzi ku vitanile leswaku u ta ndzi byela leswi ndzi fanelaka ku swi endla.”

1 SAMIELE 14:37

Kavaloko Sawulo a vutisa mhaka eka Xikwembu, a ku: “Xana ndzi nga rhelela ndzi ya hlongorisa Vafilista xana? Xana u ta va nyiketa emavokweni ya Vaisraele xana?” Kambe siku rero Xikwembu a xi n'wi hlamulanga nchumu.

1 SAMIELE 9:9

(Khale etikweni ra Israele, loko vanhu va ya vutisa leswaku xana Xikwembu xi ri yini emhakeni yo karhi, a va ku: “A hi yeni hi ya vonana ni mavonakule!” Loyi namuntlha va n'wi vulaka muprofeta, khale a va ku i “mavonakule”.)

Eksoda 9:11

Vangoma a va swi kotanga ku ya humelela emahlweni ka Muxe na Aroni, hikuva a va tele matshumba, ku fana ni Vaegipta van'wana hinkwavo.

Mikiya 3:4

Nkarhi wa ta lowu mi nga ta huwelela eka HOSI Xikwembu, kambe a xi nga mi hlamuli; enkarhini wolowo xi ta mi fularhela, hikuva leswi mi swi endlaka swi bihile ngopfu.

Yeremiya 18:18

Kutani vanhu va byelana va ku: “Tanani hi endla makungu ya ku lwa na Yeremiya. Vaprista lava nga ta hi byela nawu, va ha ta va kona; vanhu vo tlhariha lava nga ta hi tsundzuxa, hambi vaprofeta lava nga ta hi byela mahungu, na vona va ha ta va kona! Tanani hi n'wi tlhava hi marito, hi nga yingisi nchumu eka leswi a swi vulaka.”