Mikiya 3:2 - BIBELE Mahungu Lamanene

² Kambe mi venga leswinene, mi tsakela leswo biha, mi yevulela vanhu va mina, mi va hlurhulela tinyama, ku sala marhambu ntsena.

Xitsonga (Bibele)

² N'wina, mi vengaka vunene, mi rhandza swo biha, mi xindlaka vanhu miri, mi susa ni nhlonge henhla ka marhambu va vona?

Mikiya 3:2 Referans Kwoze

Ezekiele 22:27

Lava nga varhangeri etikweni va fana ni mahlolwa lama phatlulelaka xiharhi lexi ma xi dlayeke: Va herisa vanhu leswaku va ta kuma rifuwo.

Swivuriso 28:4

Loko u tlula nawu, u dzunisa lavo homboloka, kasi loko u wu hlayisa, a wu yimi na vona.

Pisalema 53:4

Xikwembu xa vutisa xi ri: “Lava endlaka leswo biha, xana vo ka va nga ri na mano, leswi va mitetelaka vanhu va mina ku fana ni loko va dya vuswa, va ala ni ku ndzi gandzela mina Xikwembu, xana?”

Varhoma 12:9

Rirhandzu ri nga tshuki ri va ni ku kanganyisa. Vengani leswo biha, mi namarhela leswinene.

Esaya 3:15

Xana mi xanisela yini vanhu va mina, mi kandziyelela yini swisiwana ehansi xana?” N'wini wa hinkwaswo ú vurisa sweswo, yona HOSI ya matimba hinkwawo.

2 TIKRONIKA 19:2

Kambe Yehu n'wana muprofeta Hanani a ya hlanganisa hosi Yoxafati, a ku ka yena: “Xana u endlile swona, loko u pfumerile ku pfuna vanhu lavo homboloka lava vengaka HOSI Xikwembu, xana? E-e! Hikokwalaho HOSI Xikwembu xi ta ku hlundzukela xi ku ba.

1 TIHOSI 21:20

Akabu a ku ka Eliya: “Xana hi loko u ndzi kumile, wena nala wanga xana?” Eliya a hlamula a ku: “Ina, ndzi ku kumile; leswi u tinyiketeke ku endla leswo biha emahlweni ka HOSI Xikwembu, xona xi ri:

2 Timotiya 3:3

va ta va vanhu va tihanyi, lava nga riki na ku tsetselela, valumbeti, lava nga tikotiki, lavo leva, lava vengaka leswo lulama;

Varhoma 1:32

vanhu lava, hambiloko va tiva ku lerisa ka Xikwembu leswaku lava endlaka leswo tano va lulameriwa hi rifu, a va yimi ka sweswo ntsena, kambe va engetela hi ku seketela lava va swi endlaka.

Yohane 18:40

Va hlamula hi ku huwelela, va ku: “Ku nga ri munhu loyi, kambe Barabasi!” (Kasi Barabasi a a ri xigevenga.)

Yohane 7:7

Misava yi nga ka yi nga mi vengi, kambe mina ya ndzi venga, hikuva ndzi tiyisa vumbhoni bya leswaku mintirho ya yona yi bihile.

Luka 19:14

Kambe varikwavo a va n'wi venga. Loko a fambile, va sala va rhuma tintsumi, ti ya vula ti ku: ‘Munhu loyi, a hi lavi ku fumiwa hi yena!’

Sofoniya 3:3

Varhangeri va muti lowu i tinghala leti bongaka, vaavanyisi va wona i timhisi ta vusiku leti dyaka ti heta, ri nga si xa.

Ezekiele 34:3

N'wina mi le ku dyeni ka mafurha; mi funengela voya bya tinyimpfu ta n'wina, mi tlhava leto nona, kambe ntlhambi wa kona a mi na mhaka na wona.

Pisalema 15:4

Ú sola vanhu lava nga pfuniki nchumu, kambe a xixima lava va tirhelaka HOSI Xikwembu; loko a hlambanyile, a nga hundzuki, hambiloko swi nga n'wi vangela khombo.

Esaya 57:12

Ku lulama loku mi nge mi na kona, ndzi ta ku humesela erivaleni; swilo leswi mi swi endlaka, swi nge mi vuyerisi nchumu!

Ezekiele 11:7

Hikokwalaho mina HOSI N'wini wa hinkwaswo ndzi ri, muti lowu i mbita hakunene, kambe yi tele hi vanhu lava mi va dlayeke; hikokwalaho mi ta humesiwa eka yona.

Ezekiele 24:4

Tsemelela nyama u yi hoxa embiteni, yi nga nyama leyinene ya milenge ni mavoko, yi hlanganile ni marhambu yo tala mongo.

Mikiya 2:8

HOSI Xikwembu xi ri: “N'wina mi lwa ni vanhu va mina, wonge vo va valala va n'wina. Loko mi vona munhu a funengele nkumba, ma n'wi tekela, kasi o va muhundzi wa ndlela ntsena, a nga lwi na munhu.

Mikiya 7:2

Emisaveni, a ka ha ri na munhu wa vukhongeri, ku pfumaleka na un'we wo lulama exikarhi ka vanhu; hinkwavo va tshama va tilulamisele ku halata ngati, un'wana na un'wana ú hlota munhu-kulobye, a n'wi khayimela entlhan'wini.

Mikiya 7:3

Loko va endla leswo biha, va tikarhata swinene, vafumi va lerisa, vaavanyisi va lava ku xaviwa, lavo chaviseka va vula leswi va tsakelaka swona, kutani hinkwavo va pfunana ku luka mano.

Esaya 5:20

Va ni khombo lava tekaka swo biha va ku i swo saseka, swo saseka, va ku i swo biha; munyama va ku i ku vonakala, ku vonakala va ku i munyama, swo bava, va ku swa nandziha, swo nandziha, va ku swa bava!

Amosi 4:1

“Yingisani mhaka leyi, n'wina tihomu ta mantswele ta Baxani, leti dyelaka eswitsungeni swa Samariya, n'wina mi xanisaka swisiwana, mi tshikelelaka vapfumari, n'wina mi byelaka vanuna va n'wina, mi ku: ‘Hi keleni, hi nwa!’

Amosi 5:15

Vengani leswo biha, mi rhandza leswinene, mi avanyisa hi ku lulama etihubyeni ta n'wina, kutani kumbexana HOSI, Xikwembu xa matimba hinkwawo, xi ta mi tsetselela n'wina masalela ya Yosefa.