Mikiya 2:7 - BIBELE Mahungu Lamanene

⁷ Xana va ka Yakobo va rhuketeriwile hi Xikwembu xana? HOSI Xikwembu xa hela mbilu ke? Xi tirhisa sweswo ke? Xana marito ya xona a hi lawa ya pfunaka, loko munhu a hanya hi ndlela yo lulama xana?”

Xitsonga (Bibele)

⁷ Wena, yindlu ya Yakobo, xana mbilu ya Yehovha yi hatla ku kariha-ke? Xana hi wona mukhuva wa yena-ke? Marito ya mina a ma humesi vunene eka lava fambaka hi ku lulama xana?

Mikiya 2:7 Referans Kwoze

Pisalema 84:11

HOSI Xikwembu i khokholo ni xitlhangu, xi avela vanhu tintswalo ni ku dzuneka; lava hanyaka hi ndlela leyi nkhensekaka, HOSI Xikwembu xi va nyika minkateko.

Yeremiya 15:16

Siku ndzi kumeke marito ya wena, ma hundzukile swakudya swa mina ma ndzi tsakisa; ndzi ma tsakerile hi mbilu hinkwayo, hikuva ndzi vuriwa munhu wa wena. We HOSI, Xikwembu xa matimba hinkwawo,

Pisalema 15:2

I munhu wa mahanyelo layo tenga loyi a endlaka leswi lulameke, la vulaka leswi tiyeke hilaha swi nga hakona embilwini ya yena.

Zakariya 4:6

Hiloko ntsumi yi ndzi lerisa ku ya byela Zerubabele rito ra HOSI Xikwembu leri nge: “Entirhweni wa wena, a wu nga humeleli hi vunhenha kumbe hi ku tirhisa matimba, kambe u ta humelela ntsena hi ku pfuniwa hi Moya wa mina. Ndzi vula sweswo, mina HOSI ya matimba hinkwawo.

Hosiya 14:9

Lava tlhariheke, a va twisise swilo leswi; lava swi twisisaka, a va swi hlayise etimbilwini ta vona. Tindlela ta HOSI i tinene, lava lulameke va famba eka tona, kasi vadyohi va khuguka va wa.

Esaya 50:2

Hikwalaho ka yini ndzi nga kumanga munhu loko ndzi ta ka n'wina; loko ndzi mi vitana, hikwalaho ka yini mi nga hlamulanga xana? Xana mo ehleketa leswaku a ndzi na matimba yo mi lwela, ndzi mi ponisa, ke? Vonani, ndzi lerisa lwandle, kutani mati ya rona ma phya, milambu, ndzi nga yi omisa, kutani tinhlampfi hinkwato ta yona ti fa ti bola, hi ku ka ku nga ha ri na mati.

Swivuriso 28:18

Munhu loyi a tshembekeke endleleni ya yena, ú ta hlayiseka, kasi loyi a lavaka ku famba hi tindlela timbirhi hi nkarhi wun'we, ú ta hatla a wa.

Swivuriso 10:29

HOSI Xikwembu i khokholo ra munhu la tshembekeke, kambe xi herisa lava dyohaka.

Swivuriso 10:9

Ku hanya eku tshembekeni i ku hanya eku hlayisekeni, kambe loyi tindlela ta yena ti gombonyokeke, ú ta kumiwa.

2 Timotiya 3:5

Va ta tiendla wonge hi loko va ri ni vukhongeri, kambe va ta ala matimba ya byona. Fambela kule ni vanhu lavo tano.

2 Vakorinto 6:12

a hi mi pfaleli tona, hi n'wina mi nga hi pfalela timbilu ta n'wina.

Varhoma 7:13

Loko swi ri tano, xana xilo lexinene, hi xona lexi nga ndzi vangela rifu xana? Niswitsanana! Kambe i ku dyoha, leswaku ku dyoha loku ku tikomba leswi ku nga swona; kutani ku ndzi vangele rifu hi ku tirhisa xilo lexinene; a swi ri leswaku, hi mhaka ya xileriso, ku dyoha ku kombisisa swinene ku biha ka kona.

Yohane 8:39

Va n'wi hlamula, va ku: “Tata wa hina i Abrahama.” Yesu a ku ka vona: “Loko a mi ri vana va Abrahama, a mi ta tirha mintirho ya Abrahama.

Matewu 3:8

Vekani mihandzu leyi fambelanaka ni ku hundzuka ka n'wina.

Mikiya 3:9

N'wina mi rhangelaka va ka Yakobo, yingisani, ndzi vula n'wina mi fumaka Vaisraele: Mi venga leswi lulameke, mi gombonyokisa hinkwaswo leswi swi nga swona,

Yeremiya 2:4

N'wina va ka Yakobo, ndzi vula n'wina Vaisraele hinkwenu, yingisani rito ra HOSI Xikwembu.

Esaya 58:1

HOSI Xikwembu xi ri: “Huwelela swinene, u tlakusa rito, ri tlakuse kukota loko va ba mhalamhala; tivisa vanhu va mina leswaku va ni nandzu, byela va ka Yakobo leswaku va dyohile.

Swivuriso 14:2

Loyi a nga ni mahanyelo lamanene, ú chava HOSI Xikwembu, kambe loyi a nga ni mikhuva yo gombonyoka, wa xi sandza.

Swivuriso 2:7

lava lulameke, xi va hlayisela minkateko, HOSI Xikwembu i xitlhangu xa lava tshembekeke,

Pisalema 119:65

We HOSI, u ndzi endlerile leswinene, mina nandza wa wena, hilaha u ndzi tshembiseke hakona.

Tinhlayo 11:23

Kutani HOSI Xikwembu xi hlamula Muxe xi ku: “Xana matimba ya mina ma lo hungutiwa xana? Sweswi wena hi wexe u ta vona hi loko leswi ndzi ku byelaka swona swi humelela, kumbe swi nga humeleli!”

Pisalema 119:68

We HOSI, u ni vunene, naswona u endla leswinene, ndzi dyondzise milawu ya wena.

Pisalema 18:26

U komba ku tenga ka wena eka loyi a tengeke; kambe u komba ku tlhariha ka wena eka loyi a endlaka leswo homboloka.