Mikiya 2:4 - BIBELE Mahungu Lamanene

⁴ Loko nkarhi wu ta fika, va ta yimbelela risimu va mi hlekula ha rona, va rila swinene va ku: ‘Hakunene, hi cheriwe vusiwana, HOSI Xikwembu xi tekile ndzhaka ya vanhu va ka hina, xi yi phakela lava va hi yisaka evukhumbini! Xana hi tekeriwe yini ndzhaka ya hina xana?’

Xitsonga (Bibele)

⁴ Enkarhini wolowo, ku ta va ni risimu ra xisandzu ehenhla ka n'wina, ku yimbeleriwa ni risimu ra nhlomulo leri nge: Swi herile! Hi lovile kunene;

Mikiya 2:4 Referans Kwoze

Habakuku 2:6

Kambe hinkwavo lava khomiweke, va nga ka va nga tshiki ku sandza nala wa vona ni ku n'wi hlekula hi marito. Va ta ku: “Ú ni khombo loyi a tihlengeletelaka swilo leswi nga riki swa yena. (Ú ta swi endla ku fikela rini xana?) Ú ni khombo loyi a fumisiwaka hi ku rihisa varikwavo.”

Mikiya 1:15

N'wina vaaki va le Marexa, HOSI Xikwembu xi ta mi tisela loyi a nga ta mi hlula, varhangeri va Israele va ta ya tumbela ebakweni ra le Adulama.

Yeremiya 9:10

Ndzi ta tlhava mukhosi ndzi rilela tintshava, ndzi rilela ni madyelo ya swifuwo hikuva ma tshwile, a ka ha hundzi munhu hi le ka wona, ni ku rila ka tihomu a ka ha twali eka wona; tinyanyana ni swiharhi swi tsutsumile hinkwaswo.

Esaya 24:3

Misava yi ta sala yi ri mananga ntsena, leswi nga ka yona swi ta va swi heriseriwe makumu. Hi yona mhaka leyi HOSI Xikwembu xi yi boheke.

Esaya 6:11

Kutani ndzi vutisa ndzi ku: “We N'wini wanga, swi ta va tano ku fika rini xana?” A hlamula a ku: “Ku kondza miti yi va marhumbi, ku nga ha tshami munhu eka yona, ni tindlu ti sala ti nga ha ri na vanhu, ni tiko ri hundzuka mananga.

Duteronoma 28:29

Mi ta gugurhuteka ninhlekanhi; mi nga ka mi nga humeleli eka leswi mi nga ta swi endla. Minkarhi hinkwayo mi ta va eku xanisiweni, va mi tekela swa n'wina, ku pfumaleka ni munhu wo mi pfuna.

Tinhlayo 23:7

Kutani Balaama a sungula ku tlhokovetsela, a ku: “Balaka ú ndzi vitanile etikweni ra Siriya, yena hosi ya Mowabu ú ndzi rhumele rito etintshaveni ta le vuxeni, a ku: ‘Tana u ta ndzi rhuketelela va rixaka ra Yakobo, ndzi ri, tana u ta sandza Vaisraele!’

Marka 12:12

A va navela ku n'wi khoma, hikuva a va swi vonile leswaku a a vula vona hi xifaniso lexi; kambe a va chava ntshungu, kutani va n'wi tshika, va hangalaka.

Sofoniya 1:2

HOSI Xikwembu xi vula sweswo, xi ri: “Swilo hinkwaswo leswi nga la misaveni, ndzi ta swi herisela makumu.

Mikiya 2:10

Sukani mi famba, leyi a ya ha ri ndhawu yo wisela ka yona, hikuva yi nyamisiwile, kutani mi tivangele ku herisiwa hi ndlela leyi vavisaka ngopfu.

Amosi 5:17

hambi ku ri emasin'wini hinkwawo ya vhinya, ku ta va ni ku kalakala, hikuva ndzi ta vanga makhombo exikarhi ka n'wina, ku vula mina HOSI.”

Amosi 5:1

N'wina Vaisraele, yingisani risimu leri ndzi ri sumaka ra ku mi rila:

Yuwele 1:13

N'wina vaprista, ambalani leswo khwaxa mi rila; banani nkalanga, n'wina vatirhi va le alitarini. Nghenani eTempeleni, mi rila vusiku hinkwabyo, n'wina mi tirhelaka Xikwembu xanga, hikuva mapa ya magandzelo ni vhinyo ya wona a swa ha yisiwi endlwini ya Xikwembu xa n'wina.

Yuwele 1:8

Rilani ku fana ni nhwana la ambaleke leswo khwaxa, a rila jaha ra yena.

Ezekiele 16:44

Xikwembu xi ri: “We Yerusalema, loko vanhu va vulavula hi wena, va ta hamba va tirhisa xivuriso lexi nge: ‘Ku tlula ka mhala ku letela n'wana wa le ndzeni.’

Ezekiele 2:10

Kavaloko voko leri ri pfula buku emahlweni ka mina; a yi ri ni marito ya minkosi ni swirilo ni mahlomulo, yi tsariwile endzeni ni le handle.

Yeremiya 14:18

Loko ndzi huma ndzi ya emasin'wini, ndzi vona mintsumbu ya lava dlayiweke hi matlhari, ni loko ndzi vuya ndzi nghena emutini, ndzi kuma lava dlawaka hi ndlala; vaprofeta ni vaprista va rhendzeleka-rhendzeleka etikweni, va nga twisisi leswi humelelaka.

Yeremiya 4:13

Vonani, nala wa ta ku fana ni mapapa; tigolonyi ta yena i xihuhuri; tihanci ta yena ti ni rivilo ku tlula magama. Hi le khombyeni! Ha hela!

Esaya 14:4

mi fanele ku yimbelela mi hlekula hosi ya Babilona, mi ku: “Muxanisi wa vanhu ú wile, a wa ni tihanyi ta yena!

Ntirho 27:1

Yobo a yisa emahlweni ku vulavula ka yena, a ku:

2 TIKRONIKA 35:25

Muprofeta Yeremiya na yena a suma risimu ra xirilo a rila Yosiyasi. Naswona vayimbeleri hinkwavo va xinuna ni va xisati va ha rila Yosiyasi ni namuntlha hi tinsimu ta vona, hikuva ti hundzukile ntolovelo exikarhi ka Vaisraele, ti tsariwile ni le ka “Buku ya Swirilo”.

2 SAMIELE 1:17

Davhida a suma risimu ro rila Sawulo ni n'wana wa yena Yonatani,

Tinhlayo 24:15

Kutani Balaama a sungula ku tlhokovetsela, a ku: “Balaama n'wana Beyori ú vurisa sweswo; ú vurisa sweswo wanuna loyi mahlo ya yena ma pfuriweke;

Tinhlayo 24:3

a sungula ku tlhokovetsela, a ku: “Balaama n'wana Beyori ú vurisa sweswo; ú vurisa sweswo wanuna loyi mahlo ya yena ma pfuriweke.

Tinhlayo 23:18

Kutani Balaama a sungula ku tlhokovetsela, a ku: “We Balaka, tana u ta titwela; ndzi lombe tindleve, wena n'wana Siporo:

Yeremiya 6:12

Tindlu ta vona ti ta nyikiwa van'wana, va ta tekeriwa masimu ya vona ni vasati va vona, hikuva ndzi ta tlakusa voko, ndzi ba vaaki va tiko leri. Ndzi vula sweswo mina HOSI.

Yeremiya 8:10

“Ndzi ta nyiketa vasati va vona eka vanhu van'wana, masimu ya vona ma ta nyiketiwa eka lava va va hlaselaka. Hinkwavo va lava ngopfu mali, ku sukela eka lavatsongo ku ya fika eka lavakulu. Vaprofeta ni vaprista hinkwavo va hanya hi vukanganyisi.

Mikiya 1:8

Kutani Mikiya a ku: “Hikokwalaho ka leswi, ndzi ta rila ndzi kolola, ndzi ta hluvula ndzi famba ntsena; ndzi ta vovola ku fana ni hlolwa, ndzi rila kukota yimbhu.

Yeremiya 9:16

Ndzi ta va hangalasa exikarhi ka vanhu lava va nga va tiviki, lava ni vatata wa vona va nga va tivangiki. Ndzi ta va heta hi tlhari va ku bì!”